Fréttablaðið - 15.05.2013, Síða 10

15. maí 2013 MIÐVIKUDAGUR| FRÉTTIR | 10
Boðar skattabreytingar
1 NOREGUR Jens Stoltenberg, forsætisráðherra Noregs, boðar
umfangsmiklar skattabreytingar á
næstu tveimur til þremur árum.
Breytingarnar eru þegar hafnar,
að því er segir í frétt á vef Aften-
posten.
Þann 5. maí síðastliðinn lagði
norska stjórnin fram tillögu um
lækkun á skatti af hagnaði fyrir-
tækja úr 28 prósentum í 27 prósent.
Í staðinn er lagt til að skattareglur
um alþjóðleg fyrirtæki í Noregi verði
hertar. Skattkerfið í Noregi hefur
verið óbreytt að mestu frá 1992.
Í fangelsi fyrir særingar
2 SVÍÞJÓÐ Stjúpmóðir og faðir 12 ára stúlku í Svíþjóð voru í gær dæmd í hofrétti í rúmlega tveggja ára fangelsi fyrir særingar. Foreldrarnir töldu að
dóttirin væri haldin illum öndum og fengu hjálp tveggja presta til að reka þá
út. Annar prestanna var dæmdur í rúmlega árs fangelsi fyrir misþyrmingar en
hinn var sýknaður.
Hinum dæmdu var gert að greiða stúlkunni jafngildi um 2,5 milljóna ís-
lenskra króna í bætur.
Auðkennisþjófnaður upp á tugi milljarða
3 SVÍÞJÓÐ Auðkennum 65 þúsunda Svía var stolið í fyrra og nam þjófnað-urinn alls 2,7 milljörðum sænskra króna eða jafngildi tæpra 50 milljarða
íslenskra króna.
Þjófarnir nota stolnu auðkennin til þess að panta vörur á netinu og sækja um
lán, greiðslukort og áskrift að síma í nafni fórnarlambanna, að því er segir í
frétt á vef Dagens Nyheter.
Þjófarnir sækjast eftir auðkennum íbúa í stórborgum á aldrinum 25 til 40 ára
sem augljóslega eru ekki í greiðsluerfiðleikum.
Brotum af þessu tagi hefur fjölgað í Svíþjóð um 200 prósent á 10 árum.
Sex ára fékk dvalarleyfi
4 DANMÖRK Vestri Landsréttur í Danmörku úrskurðaði í gær að sex ára taí-lenskur drengur fengi að búa hjá stjúpföður sínum í Danmörku en danska
útlendingastofnunin hafði vísað honum og tíu ára eldri systur hans úr landi.
Í kjölfar skilnaðar sömdu móðirin, sem flutti til Taílands, og stjúpfaðirinn um
að börnin yrðu áfram hjá honum í Danmörku. Útlendingastofnun á að fjalla
aftur um mál systurinnar.
Með orm í goggi Þegar líður að sumri dafnar fuglalífið sem aldrei fyrr. Þessi svartþröstur, með orm í
goggi, gaf umhverfi sínu góðan gaum í gær, mögulega til að gá hvort nokkuð sæist til katta á leið hans. Kettir verða á
þessum árstíma mörgum smáfuglinum að bana. Rannsókn í Bandaríkjunum, sem kynnt var fyrr á árinu, bendir til þess
að þar séu kettir ein helsta ógn sem að villtu dýralífi steðjar. MYND/ÁRNI ÞÓR SIGMUNDSSON
Á leið með góðgæti heim í hreiður
SAMFÉLAGSMÁL Þótt breyt-
ing á lögum um greiðslu
ríkissjóðs á bótum til þol-
enda ofbeldis hafi tekið
gildi 22. júní í fyrra hafa
enn ekki borist umsóknir
um bætur sem falla undir
lögin, að sögn Halldórs
Þormars Halldórssonar,
lögfræðings hjá Sýslu-
manninum á Siglufirði
sem hefur umsjón með
bótagreiðslunum.
„Lagabreytingin gildir bara um
brot sem framin eru eftir gildis-
töku hennar. Samkvæmt
almennu lagaskilareglun-
um er ekki gert ráð fyrir
að lög geti verið aftur-
virk. Skaðabótakrafa stof-
nast auk þess ekki fyrr en
skaðabótaskyldur verkn-
aður er framinn og málin
taka oft um það bil ár í
dómskerfinu. En við bíðum
spennt eftir að sjá hvern-
ig þetta kemur út í nýjum
dómum,“ greinir Halldór frá.
Greiðsla ríkissjóðs á miskabót-
um, sem átti venjulega við í kyn-
ferðisbrotamálum, var aðeins
að hámarki 600 þúsund krónur
og hafði verið óbreytt frá 1995.
Með breytingu á lögunum voru
hámarksbætur fyrir miska hækk-
aðar í 3 milljónir króna. Þolandi
kynferðisbrots getur jafnframt
krafist bóta vegna andlegs tjóns
sem telst varanlegur miski.
Hámarksbætur fyrir líkams-
tjón, þ.m.t. fyrir varanlegar afleið-
ingar fyrir andlega og líkamlega
heilsu tjónþola, voru hækkaðar í
5 milljónir króna en voru áður 2,5
milljónir króna. - ibs
Bótagreiðslur úr ríkissjóði til að bæta stöðu þolenda ofbeldis:
Ekki farið að reyna á breytt lög
HALLDÓR
ÞORMAR
HALLDÓRSSON
PI
PA
R\
TB
W
A
SÍ
A
KEILIR
ÁSBRÚ
578 4000
keilir.net
NÝTT TÆKIFÆRI TIL NÁMS

HÁSKÓLABRÚ
Á Háskólabrú er boðið upp á nám fyrir einstaklinga sem
hafa ekki lokið stúdentsprófi. Að námi loknu uppfylla
nemendur inntökuskilyrði í háskóla hérlendis og erlendis.
Háskólabrú er skipulögð í samstarfi við Háskóla Íslands.
Kennsla á Háskólabrú fer fram í staðnámi og fjarnámi.
NÁMSFRAMBOÐ
FÉLAGSVÍSINDA- OG LAGADEILD
HUGVÍSINDADEILD
VIÐSKIPTA- OG HAGFRÆÐIDEILD
VERK- OG RAUNVÍSINDADEILD
NORÐURLÖND
1
2
3
4