Fréttablaðið - 17.05.2013, Blaðsíða 62

17. maí 2013 FÖSTUDAGUR| MENNING | 42
„Við vildum enda þetta á góðum
nótum,“ segir Ásta Kristjánsdóttir,
framkvæmdastjóri hönnunarhússins
Atmo, en í gær kom í ljós að verslun-
inni verður lokað þann 26. maí.
Ásta segir ástæður fyrir lokuninni
vera meðal annars óstöðugt aðgengi
að vörum hjá birgjum verslunarinn-
ar sem í langflestum tilvikum eru
lítil en vaxandi íslensk hönnunar-
fyrirtæki. Húsið var opnað um
miðjan nóvember í fyrra og
hefur dregið til sín um 35
þúsund gesti og viðskipta-
vini á þeim tíma. Ásta
segir mikla eftirsjá vera
að versluninni en ákvörð-
unin um að loka sé óhjá-
kvæmileg. Meðal annars þurfi
að bæta rekstrarumhverfi íslenskra
hönnuða eigi verslun á borð við Atmo
að ganga upp. Háir tollar, aðflutn-
ingsgjöld og hár virðisaukaskattur
á hönnunarvöru geri fyrirtækjum
og smásölum erfitt fyrir.„Við höfum
fengið mikil viðbrögð við þessum
fréttum og öllum finnst mjög leiðin-
legt að við þurfum að loka,“ segir
Ásta og ítrekar að starfsemin
hafi verið góð reynsla og von-
andi sé hægt að endurtaka
leikinn síðar. „Ég skora á nýja
ríkisstjórn að skoða að gera
eitthvað fyrir íslenska hönnun
svo að þessi grein deyi ekki
út.“ Dagana 17.-26.maí verður
lokasala í húsnæðinu á vegum
hönnuðanna sjálfra. - áp
HELGIN
90
íslensk
vörumerki
seldu hönnun
sína í Atmo.
„Við erum ótrúlega spenntir fyrir
því að hafa náð að landa tónlist-
armanni sem er sjóðandi heitur
núna,“ segir Ísleifur B. Þórhalls-
son hjá Senu.
Bandaríski tónlistarmaðurinn
Frank Ocean verður með tónleika
í Laugardalshöllinni 16. júlí. „Það
síðasta sem hann gerir áður en
hann kemur til Íslands er að koma
fram á tónlistarhátíð í London með
Justin Timberlake. Það sýnir svo-
lítið hversu frægur hann er,“ segir
Ísleifur. „Við erum búnir að vinna
lengi í því að fá einhvern ungan
og ferskan tónlistarmann á upp-
leið til landsins. Hann er einn heit-
asti listamaður samtímans og það
er brjálæðislegt „buzz“ í kring-
um hann. Það er ótrúlega stremb-
ið fyrir litla Ísland að ná svona
mönnum.“
Hinn 26 ára Ocean frá New
Orleans hóf feril sinn sem laga-
höfundur fyrir stjörnur á borð
við Beyoncé Knowles, Brandy,
Justin Bieber og John Legend. Í
fyrra kom út hans fyrsta sólóplata,
Channel Orange, sem hefur slegið í
gegn um heim allan. Þar blandaði
hann saman R&B, poppi og rappi
á silkimjúkan og grípandi hátt.
Ocean hefur hlotið fjölda verð-
launa fyrir plötuna, þar á meðal
tvenn Grammy-verðlaun, Brit-
verðlaun sem besti alþjóðlegi karl-
kyns listamaðurinn og Q-verðlaun-
in sem bjartasta vonin.
Um síðustu áramót toppaði
Channel Orange svo marga árs-
lista fjölmiðla og gagnrýnenda
um allan heim og annað eins hefur
varla sést. Meðal þeirra sem völdu
hana bestu plötu ársins eru til
dæmis Spin, Mojo, The New York
Times, Time og Washington Post,
auk þess sem hún var efst á blaði
hjá tónlistarsérfræðingum Frétta-
blaðsins. Á vefsíðunni Metacritic,
sem tekur saman einkunnir allra
helstu gagnrýnenda heims, var
Channel Orange með langhæsta
meðaltalið fyrir síðasta ár.
Til marks um þá stöðu sem
Frank Ocean hefur skapað sér þá
er hann að finna á lista tímaritsins
Time í ár yfir 100 áhrifamestu ein-
staklinga heims.
Mikla athygli vakti þegar hann
tilkynnti á Tumblr-síðu sinni í
fyrra að þegar hann var nítján
ára hefði hann orðið ástfanginn af
öðrum karlmanni. Hann varð þar
með einn fyrsti frægi, þeldökki
bandaríski tónlistarmaðurinn til
að greina opinberlega frá samkyn-
hneigð sinni. Það er sérlega athygl-
isvert í ljósi þess að bandaríska
hipphopptónlistarsenan er þekkt
fyrir fordóma sína gegn samkyn-
hneigðum. freyr@frettabladid.is
Frank Ocean syngur í
Laugardalshöll í júlí
Bandaríski tónlistarmaðurinn Frank Ocean stígur á svið í Laugardalshöllinni.
Hann er einn heitasti listamaður samtímans og átti eina bestu plötu síðasta árs.
TIL ÍSLANDS Tónlistarmaðurinn Frank Ocean verður í Laugardalshöll 16. júlí.
NORDICPHOTOS/GETTY
Miðasala á tónleikana hefst miðvikudaginn 29. maí kl. 10 á Midi.is. Selt
er á tvö svæði. Verð í númeruð sæti í stúkunni er 13.900 krónur en verð
standandi í sal er 8.900 krónur. Í heildina eru fimm þúsund miðar í boði
en aðeins eitt þúsund sæti. Engir aukatónleikar verða haldnir.
Fimm þúsund miðar í boði
„Ég ætla að horfa á Eurovision. Það
gæti verið að ég kíki í heimsókn,
mér finnst bara gaman að horfa
á keppnina í góðu boði. Annars
fer helgin aðallega í að undirbúa
myndina mína, Sumarbörnin.“
Guðrún Ragnarsdóttir, leikstjóri og
kvikmyndagerðamaður.
Atmo lokað síðar í mánuðinum
Hönnunarhúsið Atmo lokar þann 26. maí vegna erfi ðs rekstrarumhverfi s.
Hollywood-stjörnurnar Chris Pine og
Amanda Seyfried hafa verið ráðin í aðalhlut-
verkin í kvikmyndinni Z For Zachariah.
Framleiðendur eru íslenska fyrirtækið Zik
Zak, Palomar Pictures sem er í eigu Sigur-
jóns Sighvatssonar, leikarinn Tobey Maguire
og Matthew Plouffe. Breski leikarinn Chiwe-
tel Ejiofor hefur einnig bæst í leikarahópinn.
Maguire átti að leika hlutverkið sem Pine
var ráðinn í en ekkert varð af því. „Við
ákváðum að hætta við það. Okkur fannst það
henta betur að það væri önnur týpa í því hlut-
verki,“ segir Skúli Malmquist hjá Zik Zak,
sem er mjög ánægður með að hafa fengið
Pine í myndina. Hann er einn af eftirsótt-
ustu ungu leikurunum í Hollywood um þessar
mundir. Nýjasta mynd hans er Star Trek Into
Darkness en sú næsta, Jack Ryan, verður
frumsýnd um jólin vestanhafs. Amanda Seyf-
ried sló í gegn í Mamma Mia! Nú síðast lék
hún í annarri söngvamynd, Les Misérables.
Z For Zachariah er byggð á bók Roberts
O´Brien og fjallar um unglingsstúlku sem
býr ein á sveitabæ í eina dalnum þar sem
hægt er að anda sér hreinu lofti eftir kjarn-
orkustyrjöld. Þegar tveir ókunnugir menn
birtast breytist heimur hennar til mikilla
muna.
Búið er að fjármagna myndina að fullu og
hefst framleiðslan í ágúst. - fb
Réðu Chris Pine í stað Tobey Maguire
Íslenska fyrirtækið Zik Zak hefur ráðið Chris Pine og Amöndu Seyfried í myndina Z For Zachariah.
CHRIS PINE Hollywood-stjarnan leikur í Z For Zacha-
riah. NORDICPHOTOS/GETTY
MIKIL EFTIRSJÁ
Ásta Kristjáns dóttir,
framkvæmda stjóri
Atmo, hefur fengið
mikil viðbrögð við
því að verslunin
hættir í lok maí.
FRÉTTABLAÐIÐ/HAG
ÁSTA
KRISTJÁNSDÓTTIR
Ef þú stingur upp á besta nafninu á
þáttinn gætir þú fengið iPad í verðlaun.
Komdu með þína uppástunga inn á
www.FM957.is
góðan daginn
býður
Nýr morgunþáttur er kominn
í loftið. Sverrir Bergmann
og Óli Jóels kl. 7-10.