Fréttablaðið - 19.09.2013, Blaðsíða 6

19. september 2013 FIMMTUDAGUR| FRÉTTIR | 6
Kristilegir demókratar (CDU), og systurflokkur þeirra,
Kristilega sósíalbandalagið í Bæjaralandi (CSU), hafa verið
helsta afl þýskra hægrimanna allt frá lokum seinni heims-
styrjaldar. Leiðtogi CDU er Angela Merkel kanslari en
leiðtogi CSU er Horst Seehofer, forsætisráðherra Bæjaralands.
Frjálsir demókratar (FDP) hefur lengi verið „litli miðju-
flokkurinn“ í þýskum stjórnmálum, aðhyllist frjálslynda stefnu
og hefur ýmist hallað sér til hægri eða vinstri í stjórnarsam-
starfi. Leiðtogi er Philipp Rösler.
Sósíaldemókratar (SPD) hafa allt frá 19. öld verið
helsta afl þýskra vinstrimanna. Frá stríðslokum hefur hann verið
helsti mótherji Kristilegra demókrata í þýskum stjórnmálum.
Flokkurinn hefur hefðbundna jafnaðarstefnu að leiðarljósi.
Leiðtogi er Sigmar Gabriel en kanslaraefnið er Peer Steinbrück.
Græningjar (Die Grünen), flokkur þýskra umhverfissinna,
voru stofnaðir árið 1980 og hafa frá upphafi lagt höfuð-
áherslu á umhverfismál. Leiðtogar eru Claudia Roth og
Cem Özdemir.
Vinstriflokkurinn (Die Linke) er yngsti flokkurinn í
þýskum stjórnmálum. Hann var stofnaður árið 2007, að
nokkru upp úr Lýðræðislega sósíalistaflokknum (PDS),
sem fyrir sitt leyti var arftaki austurþýska kommúnistaflokksins SED.
Leiðtogar flokksins eru Katja Kipping og Bernd Riexinger.
1. Hversu marga daga á árinu hefur
varðskipið Þór verið á sjó?
2. Hvar á landinu eru konur hvattar til
að sækja um laus lögreglustörf?
3. Frá hversu mörgum löndum verða
kvikmyndir sýndar á RIFF-hátíðinni?
SVÖR:
1. 80 daga. 2. Á Hvolsvelli. 3. Yfi r 40
löndum.
ÞÝSKALAND Helsti keppinautur
Angelu Merkel um kanslara-
embættið er Peer Steinbrück, leið-
togi þýskra sósíaldemókrata. Hann
stendur þó ekki mjög vel að vígi
samkvæmt skoðanakönnunum.
Systurflokkunum CDU og
CSU er spáð allt að 40 prósentum
atkvæða en sósíaldemókrötum
innan við þrjátíu prósentum.
Merkel hefur í kosninga-
baráttunni lagt áherslu á góða
stöðu Þýskalands í efnahags málum
og segir kosningarnar í raun snúast
um framtíð evrunnar, hinnar sam-
eiginlegu myntar sautján Evrópu-
sambandsríkja.
Steinbrück hefur reynt að vekja
athygli kjósenda á því að íbúar
Þýskalands standa ekki allir jafn
vel að vígi, þrátt fyrir góðærið.
Sá boðskapur hefur hins vegar
ekki komist ýkja vel til skila, jafn-
vel þótt Steinbrück hafi verið
óhræddur við að nota stóryrði
og duglegur við að fara út fyrir
ramma hins varfærna stjórnmála-
manns.
Þrátt fyrir óskipta athygli fjöl-
miðla hafa þær uppákomur engan
veginn skilað sér í fylgistölum og
sumar virkað heldur vandræða-
legar. Þannig vakti það mikla
athygli þegar Steinbrück lét taka
mynd af sér, sem birtist á forsíðu
tímarits um síðustu helgi, þar sem
hann réttir upp löngutöngina eins
og í lítilsvirðingarskyni við Merkel.
Það sem frekar gæti orðið
Merkel að falli er lélegt fylgi sam-
starfsflokksins, Frjálsra demó-
krata, sem um síðustu helgi féll út
af landsþingi í Bæjaralandi í lands-
kosningum þar.
Flokkurinn fékk innan við fimm
prósenta fylgi, sem er lágmarkið til
að ná manni á þing.
Sama lágmark g i ld ir í
kosningum til þjóðþings Þýska-
lands og í skoðana könnunum hafa
Frjálsir demókratar mælst með
4 til 6 prósent. Því gæti svo farið
að flokkurinn hafi enga þingmenn
til að taka þátt í stjórnarsamstarfi
með Merkel að loknum kosningum.
Philipp Rösler, leiðtogi Frjálsra
demókrata, berst því fyrir lífi
flokksins þessa dagana og varar
kjósendur við því að vinstri stjórn
Sósíaldemókrata með Græningjum
og jafnvel Vinstriflokknum einnig
blasi við, falli þessi litli miðju-
flokkur alveg út af þinginu.
Annar möguleiki væri þó að
Merkel og Steinbrück mynduðu svo-
kallaða „stóra samsteypustjórn“.
Merkel hefur reynslu af slíku
samstarfi með Sósíaldemókrötum
en segir það hafa reynst sér mun
erfiðara en samstarfið við Rösler á
þessu kjörtímabili. Mun meira beri
á milli sín og Sósíaldemókrata en
sín og Frjálsra demókrata.
gudsteinn@frettabladid.is
Fátt virðist bitna á
ríkisstjórn Merkel
Angela Merkel Þýskalandskanslari hefur lengi virst vera örugg um endurkjör í
þingkosningum, sem haldnar verða á sunnudag. Gengi litla samstarfs flokksins,
Frjálsra demókrata, gæti þó ráðið úrslitum um framhaldslíf stjórnarinnar.
KEPPINAUTARNIR Kosningaspjöld með myndum af Angelu Merkel og Peer Stein-
brück. FRÉTTABLAÐIÐ/AP
HELSTU FLOKKAR Á ÞÝSKA ÞINGINU
Evrusvæðið og efnahagsmálin
Líklega er það hið góða ástand í
efnahagsmálum Þjóðverja sem á
stærstan þátt í velgengni Angelu
Merkel og flokks hennar í skoð-
anakönnunum. Þýskaland hefur
staðið sem klettur í ólgunni
á evrusvæðinu en Þjóðverjar
hafa samt margir verið ósáttir
við að bera meginþungann af
björgunaraðgerðum vegna verst
stöddu evruríkjanna. Þeim mun
ánægðari hafa þeir verið með
það hve Merkel hefur verið treg
til að taka þátt í þeim björgunar-
aðgerðum.
Njósnir Bandaríkjanna
Merkel hefur verið harðlega
gagnrýnd í Þýskalandi fyrir það
hve lítið hún hefur tjáð sig um
þær viðtæku njósnir sem Banda-
ríkjastjórn hefur stundað víða
um heim á síðustu árum. Hún
hefur forðast að gagnrýna Banda-
ríkin og reyndar frekar tekið mál-
stað þeirra, sagt að njósnir séu
nauðsynlegar hverju lýðræðisríki.
Eftir slæma reynslu Þjóðverja af
alræðisstjórnum á síðustu öld
bregðast þeir gjarnan ókvæða
við öllum fréttum af víðtækri
eftirlitsstarfsemi ríkja en þessi
umdeilda afstaða Merkel hefur
þó ekki bitnað á fylgi hennar
samkvæmt skoðanakönnunum.
Hernaður gegn Sýrlandi
Merkel hefur verið harðákveðin í
að Þjóðverjar muni ekki taka þátt
í hernaði gegn Sýrlandi. Helsti
mótherji hennar, Peer Steinbrück,
er á sama máli, þannig að jafnvel
þótt hann taki við kanslara-
stöðunni að kosningum loknum
er ekki að vænta stefnubreytingar
hvað þetta varðar. Þjóðverjar
virðast almennt sáttir við þetta,
enda hafa þeir jafnan verið tregir
til allrar þátttöku í hernaði eftir
slæma reynslu þjóðarinnar af
hernaðarbrölti á síðustu öld.
➜ Helstu
kosningamálin
kaffivélar fyrir heimili og vinnustaði
Suðurlandsbraut 20, Reykjavík | Sími 588 0200 | www.eirvik.is
ORKA SEM ENDIST
Weetabix er frábær leið til að
byrja daginn. Veldu næringar-
ríkan morgunverð sem heldur
þér gangandi fram að hádegi.
Próteinríkt
11,5 g prótein í 100 g
Prótein byggja m.a.
upp og endurnýja
vöðvavefinn, styrkja
ónæmiskerfi líkamans
og flytja næringarefni
inn og út úr frumum.
MIKIÐ ÚRVAL
VARAHLUTA
REYKJAVÍK, Bíldshöfða 9, Funahöfða 13
KÓPAVOGUR, Smiðjuvegi 4a, græn gata
HAFNARFJÖRÐUR, Dalshrauni 17
REYKJANESBÆR, Krossmóa 4, SELFOSS, Hrísmýri 7
AKUREYRI, Furuvöllum 15, EGILSSTAÐIR, Lyngás 13
www.bilanaust.is Gæði, reynsla og gott verð!
3 ÁRA
ÁBYRGÐ
NEYTENDUR Algengt er að verð-
munur á hæsta og lægsta verði á
fiskafurðum milli verslana sé 75
prósent eða meira.
Þetta kemur fram í nýrri könn-
un Alþýðusambands Íslands á fisk-
afurðum. Lægsta verðið var oft-
ast að finna í Litlu fiskbúðinni við
Miðvang í Hafnarfirði, eða í 14 til-
vikum af 23, en hæsta verðið var
oftast að finna í Hafbergi í Gnoðar-
vogi, í fimm tilvikum af 23.
Munur á hæsta og lægsta verði í
könnuninni var frá 24% upp í 114%.
Mestur verðmunur í könnuninni
var á meðalkæstri skötu sem var
dýrust á 1.690 kr./kg í Fiskbúðinni
Höfðabakka, en ódýrust á 790 kr./
kg í Hafinu Hlíðarsmára.
Minnstur verðmunur var á roð-
flettu og beinlausu þorskflaki sem
var ódýrast á 1.490 kr./kg. hjá Fisk
kompaníi Akureyri og fiskbúðinni
Fiskás en dýrust á 1.845 kr./kg. í
Fjarðarkaupum Hafnarfirði.
Könnunin var gerð í 25 fiskbúð-
um og öðrum verslunum með fisk-
borð, víða um landið á mánudag.
Kannað var verð á 23 algengum
tegundum af fiskafurðum. Mela-
búðin neitaði þátttöku í könnuninni.
- bl
Alþýðusamband Íslands kannaði verð á fiskafurðum víða um land:
Verðmunurinn að lágmarki 75%
GRÍÐARLEGUR VERÐMUNUR Mesti
munurinn í könnuninni var 114%
FRÉTTABLAÐIÐ/GVA
SVÍÞJÓÐ Heimsending áfengis
hefur ekki haft áhrif á áfengis-
neyslu Svía. Þetta segja fulltrúar
sænsku ríkisáfengisverslunar-
innar, sem ætlar að senda áfengi
heim til fleiri Svía en nú er gert.
Frá því í nóvember í fyrra
hafa íbúar í nokkrum bæjum og
borgum getað pantað bjór, vín og
sterkt áfengi á netinu og fengið
það sent heim. Nú á að fjölga
þeim stöðum þar sem þessi þjón-
usta er veitt, að því er Afton-
bladet greinir frá. - ibs
Sænska áfengisverslunin:
Fleiri munu fá
vín sent heim
VEISTU SVARIÐ?