Fréttablaðið - 26.10.2013, Qupperneq 20

26. október 2013 LAUGARDAGUR| HELGIN | 20
Bjóða upp á sojakjötsúpu
á Skólavörðustígnum
Ólafur Stefánsson í heilsubúðinni Góð heilsa gulli betri býður upp á valkost fyrir þá sem ekki borða kjöt
á Kjötsúpudeginum en hann er haldinn hátíðlegur í dag á Skólavörðustígnum.
Kjartan
Guðmundsson
kjartan@frettabladid.is
Kjötsúpudagurinn hefur verið haldinn hátíðlegur á Skólavörðu-stígnum síðustu tíu árin og hefur verið alveg frábær skemmtun. Núna langaði okkur að bjóða líka
upp á kjötsúpu fyrir þá sem geta ekki
borðað kjöt af einhverjum ástæðum,“
segir Ólafur Stefánsson sem rekur heilsu-
búðina Góð heilsa gulli betri á Njálsgöt-
unni ásamt bróður sínum, Stefáni Inga
Stefánssyni. Nágrannar þeirra bræðra á
Skólavörðustígnum, verslunar- og fyrir-
tækjaeigendur, sauðfjárbændur og fleiri,
bjóða gestum og gangandi upp á íslenska
kjötsúpu í dag og nefna uppá tækið Kjöt-
súpudaginn. Þetta er ellefta árið sem
blásið er til slíkra hátíðahalda og hyggjast
Ólafur og Stefán taka virkan þátt í þeim
í ár. „Við erum í sjónlínu frá Skólavörðu-
stíg, á horni Njálsgötu og Klapparstígs,
og finnum lyktina vel,“ útskýrir Ólafur.
Öfugt við hina sem bjóða upp á kjöt-
súpu með gamla, góða lambakjötinu ætla
bræðurnir Ólafur og Stefán Ingi að fram-
reiða kjötsúpu með sojakjöti fyrir áhuga-
sama í miðbænum í dag. „Bróðir minn
hefur verið grænmetis æta í nítján ár og
saknar þess stundum að borða gamal-
dags íslenskan mat. Hugmyndin með
sojakjötsúpunni okkar er sú að það sé
alveg hægt að búa til fyrirtakskjötsúpu á
þennan hátt. Við viljum alls ekki traðka
á tánum á kjötframleiðlendum heldur
einungis benda á að þetta sé hægt, en
þetta táknar ekki endalok lambakjöts-
ins,“ segir Ólafur og hlær. „Ég hugsa að
þeir sem borða kjöt gætu haft gaman af
því að bera saman súpuna okkar og þessa
sígildu. Eflaust munu einhverjir verða
lítið hrifnir, en sumir finna alls engan
mun.“
Sjálfur segist Ólafur vera á mörkum
þess að vera grænmetisæta. „Í rauninni
reyni ég að lágmarka kjötátið og hugsa
mikið um hvaðan kjötið sem ég læt ofan
í mig kemur. Íslenska lambakjötið finnst
mér til dæmis frábært, en ég fæ mér
ekki hamborgara þegar ég er í Banda-
ríkjunum. Ég pæli mikið í sjálfbærni,“
segir Ólafur.
KJÖTSÚPUDAGURINN Ólafur Stefánsson býður gestum og gangandi upp á sojakötsúpu í tilefni Kjötsúpudagsins á
Skólavörðustíg í dag. Guðný Jónsdóttir býr sojakjötsúpuna til. FRÉTTABLAÐIÐ/DANÍEL
Andri Snær Magnason rithöfundur
Styrkir Hraunavini
Laugardagurinn verður eflaust nokkuð rólegur. Hins
vegar ætla ég á styrktartónleika Hraunavina á
sunnudag klukkan 4 í Neskirkju. Þar koma fram
margir fínir tónlistarmenn. Ég held að þar verði
margir– enda eru óþörf og dýr eyðilegging á
verðmætri náttúru og harkaleg meðferð
á umhverfisverndarfólki mikilvægt mál-
efni sem allir ættu að styðja.
HELGIN
Leiklist Möguleikhúsið heldur for-
sýningu á Eldklerknum, einleik um
líf Jóns Steingrímssonar, á morgun
klukkan 16. Sýningin, sem ætluð er
fullorðnum, er nýtt íslenskt leikverk
sem byggt er á ævisögu Jóns sjálfs og
riti hans um Skaftárelda, Eldritinu.
Verkið verður svo frumsýnt á Kirkju-
bæjarklaustri næsta föstudag, 1.
nóvember, klukkan 20.30.
Leikverkið byggist að mestu á
skrifum Jóns, en um leið vekur
það spurningar um hliðstæður
við hamfarir af völdum manna og
náttúru sem yfir þjóðina hafa dunið
á síðustu árum.
Höfundur handrits og leikari er
Pétur Eggerz, leikstjóri er Sigrún
Valbergsdóttir, leikmynd gerði Rósa
Sigrún Jónsdóttir, búninga gerði
Thelma Björnsdóttir og hljóðmynd er
eftir Guðna Franzson.
Forsýning í Hallgrímskirkju:
Möguleikhúsið
sýnir Eldklerkinn
Myndlist Myndlistarmaðurinn Davíð
Örn Halldórsson opnar sýningu sína
Elsku pappi í Þoku, í kjallara Hríms
hönnunarhúss á Laugavegi 25, í dag
klukkan 16.
Eins og nafnið gefur til kynna er
pappi undirstaðan í verkunum á
sýningunni. Hann er ýmist grófur
eða fínn, fundinn eða keyptur og
misvirðulegur. Hluti af sýningunni
eru teikningar sem Davíð vann fyrst
í vikulangri vinnulotu fyrir Drake
Hotel í Toronto. Davíð Örn Halldórs-
son útskrifaðist frá myndlistardeild
Listaháskóla Íslands árið 2002 og
hefur síðan haldið fjölda einkasýn-
inga og tekið þátt í samsýningum hér
á Íslandi og víða erlendis.
Davíð Örn Halldórsson:
Opnar sýningu
í Þoku
ELDKLERKURINN Sigrún Valbergs-
dóttir leikstýrir verkinu. FRÉTTABLAÐIÐ/ANTON
ELSKU PAPPI Davíð Örn Halldórsson
opnar sýningu í dag. FRÉTTABLAÐIÐ/ANTON
Sveinn Kjarval
samfélagshönnuður
Fer létt með Tabata
Ég fer á hádegisæfingu í Mjölni
til að sýna Jóni Viðari hversu létt
ég fer með Tabata æfingarnar
hans. Í kvöld borða ég hrygg. Eftir
viku vinnuferð til Vegas eyði ég
restinni af helginni í faðmi fjöl-
skyldunnar. Eða spila tölvuleiki.
Melkorka Árný Kvaran
framkvæmdastjóri
Maraþon og dans
Í dag er planið að hlaupa í haust-
maraþoninu og horfa a frum-
burðinn keppa i danskeppni. Í
kvöld fer ég í útskriftarveislu til
góðrar vinkonu og morgundagur-
inn fer í málningarvinnu vegna
yfirvofandi flutninga.
Vala Garðarsdóttir
fornleifafræðingur
Útivist alla helgina
Ég ætla að stunda útivist alla
helgina í Hornafirðinum með
börnunum mínum þremur. Í
dag ætlum við að ganga um í
Hoffellsdal í Nesjum á morgun í
Kolgrafardal á Mýrum.
Karlotta Blöndal, Ásdís Sif Gunnarsdóttir,
Örn Alexander Ámundason og Þóroddur
Bjarnason verða með viðburði og sýna verk
sín í Nýlistasafninu á viðburðakvöldi sýn-
ingarinnar Embracing Impermanence frá
klukkan 17 til 19 í dag. Sýningin var opnuð
í lok september, en hún er í þremur köflum
og er annar hluti hennar um helgina tileink-
aður viðburðum og gjörningum.
Verkin á sýningunni Embracing Imper-
manence eiga inntak og ásjónu sína að sækja
í hverfulleikann og eru valin út frá innri og
ytri festum í starfsemi safnsins, safneign-
inni annars vegar og sýningarvettvangin-
um hins vegar. Á sýningunni eru verk úr
safneign auk þess sem sýningarstjórar hafa
boðið völdum listamönnum að sýna ný verk
sem innlegg og svörun við sýningarheildina.
Sýningin mun breytast yfir haustið og inn
í veturinn þar sem sýningarstjórar munu
bæta við sýninguna með hverfulleikann í
huga. Embracing Impermanence er ætlað
að veita innsýn í innviði safnsins og fram-
tíð þess með því að setja fram nýja kynslóð
listamanna sem endurspegla tilbrigði við
hugmyndina um tímann, hver á sinn hátt.
Verk þeirra undirstrika þannig róf hverful-
leikans í bland við verk úr safneigninni þar
sem listamenn voru á öðrum tíma að vinna
tilbrigði við sama stef.
Sýningarstjórar eru Eva Ísleifsdóttir og
Þorgerður Ólafsdóttir.
Verk og viðburðir í Nýlistasafninu í kvöld
Öðrum hluta sýningarinnar Embracing Impermanence hleypt af stokkunum og bætt við inn í veturinn.
EMBRACING IMPERMANENCE Verkin á sýningunni eiga
inntak og ásjónu sína að sækja í hverfulleikann og eru valin út
frá innri og ytri festum í starfsemi safnsins.
MYND/INGVAR HÖGNI RAGNARSSON