Fréttablaðið - 26.10.2013, Blaðsíða 66

KYNNING − AUGLÝSINGFerðir LAUGARDAGUR 26. OKTÓBER 20134
HELLALISTAMENN HUGSAN
LEGA KONUR
Lengi hefur verið talið að for-
söguleg hellalist í Evrópu hafi
verið unnin af karlmönnum þar sem
viðfangsefni listaverkanna eru oft
veiðar. Ný rannsókn leiðir í ljós að
konur gætu verið höfundar verkanna
eða í það minnsta verið iðnar við
skreytingar hellaveggjanna. Þetta
kemur fram í nýrri rannsókn sem
National Geographic greinir frá.
Bandaríski fornleifafræðingurinn
dr. Dean Snow komst að þessari
niðurstöðu eftir að hafa rannsakað
handaför í nokkrum evrópskum
hellum. Handaförin eru búin til með
því að leggja hönd á hellisvegg og
úða málningu yfir þannig að höndin
virkar eins og stensill. Listaverkin
eru frá 12 þúsund til 40 þúsund ára
gömul.
Hendur karla og kvenna eru ólíkar
þegar litið er til breiddar og lengdar
fingra. Snow skoðaði 32 handaför í
hellum á Spáni og Frakklandi. Hann
komst að því að 75 prósent hand-
anna væru af kvenmönnum. Niður-
staða Snow gæti bent til þess að
konur hafi komið meir að listaverk-
unum en áður var talið.
Flest handaförin sem Snow rann-
sakaði voru í hellinum El Castillo í
Kantabríu á norðanverðum Spáni.
Þessi hellir er opinn almenningi sem
getur skoðað hin merku listaverk.
Hellarnir Gargas og Pech Merle í
Frakklandi eru einnig opnir ferða-
mönnum.
Forn handaför á hellavegg. Þessi hellir er
raunar í Ástralíu en hellalistaverkin í rann-
sókninni voru í Evrópu.
VEGGJAKROT Í PARÍS
Þeir sem eiga leið til Parísar
næstu daga ættu ekki að láta stærstu
veggjarkrotssýningu heims fara
fram hjá sér. Búið er að leggja níu
hæða félagslega blokk í 13. hverfi
borgarinnar undir veggjakrot, bæði
að utan og í 36 íbúðum hennar og
stigagöngum. Í októbermánuði
hafa 100 franskir listamenn sýnt
litfagurt og skrautlegt veggjakrot sitt
en sýningunni lýkur í næstu viku. Í
nóvember verður húsið rifið niður og
því eru síðustu forvöð að sjá þessa
skemmtilegu sýningu. Húsið er opið
sex daga vikunnar og ókeypis inn.
Þrettánda hverfi Parísarborgar er á
vinstri bakka árinnar Signu. Hverfið
er jafnframt Kínahverfi borgarinnar
þótt það sé öllu rólegra og afskekkt-
ara en önnur Kínahverfi stórborga.
Þar má einnig finna marga ódýra og
góða veitingastaði.
FERÐAST MEÐ SÍMANN Í HENDI
Ótal ferðasmáforrit (öpp) í snjallsímann standa ferðalöngum til boða þegar þeir eru
staddir á ferðalagi erlendis. Þau geta verið mjög hjálpleg þegar rata þarf um stræti stór-
borga, skipuleggja dagskrá dagsins, finna réttu söfnin og almenningsgarðana og finna
ýmsar gagnlegar upplýsingar. Flest eru þau auðveld í notkun auk þess sem stór hluti
þeirra er ókeypis. London, Kaupmannahöfn og New York eru þrír vinsælir viðkomu-
staðir Íslendinga. Þeir sem ferðast til London geta nýtt sér The London Pass smáforritið,
New York City Essential Guide hentar vel þeim sem ferðist til borgarinnar sem sefur
aldrei og ferðalöngum á leið til Kaupmannahafnar er bent á Copenhagen Travel Guide.
Öll eru öppin fáanleg ókeypis fyrir bæði iPhone- og Android-síma. Smáforritin þrjú eiga
það sameiginlegt að þar er að finna gagnlegar upplýsingar fyrir ferðalanga um helstu
viðkomustaði ferðamanna, upplýsingar um samgöngur í borginni, opnunartíma safna
og staðsetningu þeirra, gagnvirk kort og áætlanir almenningssamgangna. Auk þess
innihalda þau ljósmyndir, myndbönd og ýmis tilboð ætluð ferðamönnum. New York sefur aldrei. MYND/GETTY
NJÓTTU ÞESS AÐ FERÐAST Á EINFALDAN HÁTT.
ÞÚ KEMST ÞANGAÐ
MEÐ OKKUR!
Áætlunarferðir Flugrútunnar eru í tengslum við allar
komur og brottfarir flugvéla um Keflavíkurflugvöll.
Kauptu miða núna á www.flugrutan.is
Alltaf laus sæti.
BSÍ - Umferðarmiðstöðin
101 Reykjavík
580 5400
Skannaðu strikamerkið
með snjallsímanum og
kynntu þér áætlunina.
Frí þráðlaus internet -
tenging í öllum bílum
BSÍ - Umferðarmiðstöðin
Reykjavík
Keflavíkurflugvöllur
Ferðatími er
um það bil