Fréttablaðið - 26.10.2013, Blaðsíða 102

26. október 2013 LAUGARDAGUR| MENNING | 74
BÆKUR EVU OG HEMMA
Á SVIPUÐUM TÍMA
Fyrsta bók ástríðukokksins Evu Lauf-
eyjar Kjaran Hermannsdóttur, Matar-
gleði Evu, er væntanleg í bókabúðir
snemma í nóvember, en bókaútgáfan
Salka gefur bókina út. Matreiðsluþættir
Evu Laufeyjar hófu göngu sína á Stöð
3 í vikunni, en hún vakti fyrst athygli
fyrir matarblogg sitt.
Sjálfsævisaga knatt-
spyrnu- og fjölmiðla-
mannsins Hermanns
Gunnarssonar
heitins, föður Evu, er
einnig væntan-
leg úr prenti um
svipað leyti og
Matargleðin.
- sm
KOMIN Á SAMNING Í L.A.
María Birta Bjarnadóttir leikkona hefur
eytt undanförnum mánuðum í Los
Angeles.
María Birta er þar komin á samning
við umboðsskrifstofuna Roar, en skrif-
stofan hefur getið sér gott
orð vestanhafs og hefur
leikara á borð við Chris
Hemsworth, Vinnie
Jones og George
Takei á sínum snærum.
María Birta hefur
fundið sér ýmislegt
annað en vinnu til
dundurs, en hún
birti af sér myndir
í fallhlífarstökki á
samfélagsmiðlum í
vikunni. - ósk
„Við Auður fengum boð um að
koma á listahátíðina La Calaca
Festival í ár,“ segir listamaður-
inn Snorri Ásmundsson, sem
heldur til Mexíkó í næstu viku,
ásamt Auði Ómarsdóttur, til
að taka þátt í La Calaca-hátíð-
inni sem haldin er í kringum
Dag hinna dauðu, eða día de los
muertos.
„Þetta er þjóðhátíð Mexíkóa.
Á þessum dögum koma vinir og
fjölskyldur saman og biðja fyrir
látnum vinum og fjölskyldumeð-
limum,“ útskýrir Snorri.
Dauðinn er þeim Snorra og
Auði hugleikið fyrirbæri. „Dauð-
inn er sannarlega tíður gestur í
okkar lífi. En það sem við viljum
skoða er ólík nálgun Íslendinga
og Mexíkóa að dauðanum. Við
sem íslenskir listamenn höfum
mikinn áhuga á að rannsaka þess-
ar framandi hefðir,“ segir Snorri.
Verkið sem listamennirnir
ætla að sýna á La Calaca ber
heitið Dauðadansinn. „Verkið er
dramatískur gjörningur þar sem
við leitumst við að persónugera
dauðann útfrá upplifun okkar
á mexíkóskri nálgun að dauð-
anum,“ segir Snorri. Listaverk
verða sýnd samhliða gjörningn-
um.
Fyrir nokkrum árum auglýsti
Snorri eftir líki í myndbandsverk
í Fréttablaðinu. „Það vakti strax
deilur og óhreinar hugsanir hjá
nokkrum prestum sem gagn-
rýndu verkið í fréttum RÚV.
Þeir gerðu ráð fyrir að ég væri
að fara að gera eitthvað ósið-
legt við líkamsleifarnar, en því
fór fjarri,“ segir Snorri. „Ég hef
ekki einu sinni hugmyndaflug í
það. Ég ætlaði að vinna verkið í
samráði við deyjandi manneskju
og skrásetja samvinnuna og sam-
talið,“ bætir hann við. Snorri
freistar þess að finna líkamann í
verkið í Mexíkó. olof@frettabladid.is
Freistar þess að fi nna
lík í listaverk í Mexíkó
Listamennirnir Snorri Ásmundsson og Auður Ómarsdóttir sýna gjörninginn
Dauðadansinn á listahátíð í Mexíkó í næstu viku, á degi hinna dauðu.
Benedikt Erlingsson, leikstjóri kvikmyndarinnar
Hross í oss, var valinn besti leikstjórinn á alþjóðlegu
kvikmyndahátíðinni í Tókýó í gær. Friðrik Þór Frið-
riksson kvikmyndagerðarmaður er staddur ásamt
Benedikt í Tókýó, en hann er einn af framleiðendum
kvikmyndarinnar.
„Það hefur gengið alveg rosalega vel. Það hefur
verið uppselt á allar sýningar og Benni heillar áhorf-
endur með svörum sínum eftir sýningar,“ segir
Friðrik og bætir við: „Þessi keppni er mjög sterk.
Til dæmis er mynd Lukas Moodysson, Vi är bäst, í
keppninni og myndir eftir fleiri sterka kvikmynda-
leikstjóra.“ Vi är bäst var valin besta mynd hátíðar-
innar.
Ljóst er að verðlaunin eru þýðingarmikil fyrir
Benedikt. Alþjóðlega kvikmyndahátíðin í Tókýó er
nú haldin í tuttugasta og sjötta sinn en hún er ein
stærsta kvikmyndahátíðin í Asíu.
Meðal þeirra sem kynntu nýjar myndir sínar
á hátíðinni í ár eru leikararnir Robert DeNiro og
Tom Hanks og leikstjórarnir Sofia Coppola og Paul
Greengrass.
Fyrir tæpum mánuði var Benedikt valinn besti nýi
leikstjórinn á kvikmyndahátíðinni í San Sebastian.
Þess má geta að myndin er framlag Íslands til Ósk-
arsverðlaunanna sem verða afhent á næsta ári. - ósk
Benedikt Erlingsson bestur í Tókýó
Hross í oss vekur gríðarlega athygli á alþjóðlegu kvikmyndahátíðinni í Tókýó.
VAKTI DEILUR Snorri Ásmundsson auglýsti eftir líki í myndbandsverk í Frétta-
blaðinu fyrir nokkrum árum. Uppátækið olli miklu fjaðrafoki. MYND/SPESSI
UPPSELT Á
ALLAR SÝN-
INGAR Þeir
Friðrik Þór,
framleiðandi
Hross í oss,
og Benedikt
Erlingsson,
leikstjóri
myndarinnar,
eru staddir í
Tókýó.
FRÉTTABLAÐIÐ/
VILHELM
„Ég hef aldrei elskað
neina aðra konu jafn
mikið og ég elska
kærustuna mína, nema
mömmu mína,“ sagði
rapparinn Kanye West í
viðtali við útvarpsstöð-
ina KMEL síðastliðinn
mánudag. Stuttu síðar
bað hann um hönd
Kim Kardashian á 33
ára afmæli hennar.
NÁÐI BÍLPRÓFINU
Unnsteinn Manuel Stefánsson,
söngvari hinnar ástsælu hljóm-
sveitar Retro Stefson, lét verða af
því að taka bílprófið á dögunum.
Skemmst er frá því að segja að
hinn 23 ára gamli söngvari
náði bílprófinu með
stæl. Unnsteinn segist
þó ekki ætla að kaupa
sér bíl en einkabílstjóri
hans hefur samt
verið leystur frá
störfum.
-ka
Stefán Máni gefur ekkert
eftir í þrettándu bók sinni!
„… ein besta spennubókin á jólamarkaðnum.“
S G / Morgunblaðið (um Húsið)
KKG / Pressan.is (um Feigð)
HANDHAFI BLÓÐDROPANS 2013
Fiskikóngurinn
Stærð 30/40
Sogavegi 3
fiskikongurinn.is
s. 587 7755