Fréttablaðið - 16.11.2013, Side 100

16. nóvember 2013 LAUGARDAGUR| MENNING | 68
„Þetta er afar
skemmtileg sýn-
ing,“ segir Hall-
dór Guðmunds-
son, forstjóri
Hörpu, um sýn-
inguna Að móta
Evrópu: Bygg-
ingarlist í 25 ár.
Verðlaun Evr-
ópusambands-
ins fyrir samtíma byggingarlist
– Mies van der Rohe-verðlaun-
in 1988-2013, sem opnuð verður
í Hörpu í dag. Harpa hlaut sem
kunnugt er þessi virtu verðlaun
fyrr á þessu ári og er það kveikja
þess að sýningin er sett upp hér.
„Sýningin kemur til okkar
frá Barcelona og var gerð í til-
efni þess að þessi evrópsku
arkitektúr verðlaun eru 25 ára,“
útskýrir Halldór. „Sett hefur
verið saman sýning þar sem allar
verðlaunabyggingarnar eru auk
margra tilnefndra bygginga víðs
vegar að úr Evrópu, en í allt eru
44 líkön á sýningunni, fyrir utan
spjöld með ýmsum fróðleik.“
Halldór segir sýninguna gefa
ótrúlega skemmtilegt yfirlit
um evrópska byggingarlist síð-
asta aldarfjórðunginn. „Það sem
gerir þessa sýningu óvanalega
í íslensku samhengi er sá mikli
fjöldi af líkönum bygginga sem
þarna er til sýnis, við erum van-
ari ljósmyndum og teikningum,
sem vissulega eru með hér líka.“
Sýningin er í almenningnum í
Hörpu, aðgangur er ókeypis og
að sjálfsögðu allir velkomnir,
að sögn Halldórs. Henni lýkur í
janúar.
fridrikab@frettabladid.is
Þróun byggingarlistar
í aldarfj órðung
Að móta Evrópu: Byggingarlist í 25 ár nefnist sýning sem opnuð verður í Hörpu
í dag. Þar gefur að líta líkön, teikningar og myndir af þeim byggingum sem
hlotið hafa Mies van der Rohe-verðlaunin síðastliðin 25 ár.
ÓVANALEG SÝNING Sýningin er í almenningnum í Hörpu, aðgangur er ókeypis og að sjálfsögðu allir velkomnir, að sögn Halldórs.
HALLDÓR
GUÐMUNDSSON
LEIKLIST ★★★★★
Sá á fund sem finnur sig
Stúdentaleikhúsið
LEIKSTJÓRI: PÉTUR ÁRMANNSSON
Sá á fund sem finnur sig er nýtt
íslenskt sviðsverk í uppsetningu
Stúdentaleikhússins sýnt á Dans-
verkstæðinu við Skúlagötu. Verk-
ið fjallar um leikarana sjálfa sem
allir vilja „finna sig“. Þeir taka
þátt í keppni um það hver sé best-
ur og fljótastur í að finna sig og
áhorfendur fylgjast með ferlinu.
Áhorfendum er falið að hafa áhrif
á hver stendur uppi sem sigur-
vegari keppninnar að lokum og á
þá leið er þeim ögrað til þess að
leggja eigin skilning í verkið.
Hér er ekki um að ræða leiksýn-
ingu í hefðbundnum skilningi þess
orðs heldur það sem kallast „per-
formans“. Þá styðjast leikarar við
leikkerfi, búninga og myndbands-
tækni. Hver sýning verður ein-
stök því það virðist vera tilviljun-
arkennt hverjir fá að tjá sig og hve
lengi hverju sinni. Verkið er til-
raunakennt en sem „performans“
er það í hefðbundnari kantinum.
Hugmyndasmiður og leikstjóri
er Pétur Ármannsson. Pétri tekst
vel að draga fram hæfileika hinna
ófaglærðu leikara. Til dæmis var
Ásthildur skemmtilega fjarver-
andi og veruleikafirrt í hlutverki
sínu sem kynnir keppninnar og
Grétar var sannfærandi sem ein-
lægur einstaklingur sem ekki
virtist auðveldlega ginnkeypt-
ur gylliboðum þáttarstjórnenda.
Einnig var spænskumælandi leik-
ari í keppninni, Marjan, sem virt-
ist ekki alveg skilja hvað var um
að vera. Þá gilti einu hvort áhorf-
andinn skildi spænsku. Leikar-
arnir voru hver og einn sannfær-
andi sem „þeir sjálfir“ og skiluðu
hlutverkum sínum með sóma.
Í verkinu er tekist á við hug-
myndir um raunveruleikann. Um
er að ræða ádeilu á samfélagið,
raunveruleikasjónvarp og pen-
ingahyggju. Leikararnir vinna
með ímyndir og leitina að sjálf-
um sér um leið og þeir keppast
um athygli áhorfenda. Það leið-
ir þá á hálan ís, því hver sá sem
keppist um athygli getur fljótlega
orðið yfirborðskenndur eða ýktur.
Sumir nota veikleika sína til þess
að fá athygli á meðan aðrir ljúga
kannski til þess? Ramminn utan
um sýninguna er skýr en stefnu-
leysi lýsir ástandi leikaranna,
enda um ringlaða einstaklinga að
ræða. Sýningin nær ekki nægi-
lega alvarlegum undirtóni til þess
að hreyfa við áhorfendum en leik-
gleðin er mikil og boðskapurinn
kemst til skila í gegnum húmor.
Umgjörð og leikmynd er ein-
föld. Með myndbandstækni skap-
ast ákveðin ringulreið sem getur
verið skírskotun í samtímann.
Ringulreiðin verður þó held-
ur mikil í lokin. Sýningin virk-
ar óraunveruleg þótt hún fjalli
um veruleikann og sýnir þann-
ig ástand fáránleika. Einnig er
ýmsum fáránlegum blæbrigðum
fléttað inn í „söguþráðinn“ sem
gefur sýningunni mikið.

Eva Guðrún Gunnbjörnsdóttir.
NIÐURSTAÐA: Kómískur perform-
ans sem ögrar áhorfendum með
ádeilu á raunveruleikann. Skemmti-
leg sýning sem vekur til umhugs-
unar. Vel gert áhugaleikhús.
Ádeila á raunveruleikann
STÚDENTA-
LEIKHÚSIÐ
sýnir Sá á
fund sem
finnur sig.
MYND/IONA SJÖFN
PRJÓNAHÓF
Í tilefni af útgáfu Prjónabiblíunnar stórglæsilegu
verður efnt til útgáfuhófs sunnudaginn 17. nóvember
kl. 14 í Bókabúð Máls og menningar á Laugavegi.
• Léttar veitingar í boði
• Prjónaprufurnar úr bókinni verða til sýnis
• Kynning frá Ömmu mús
V O N U M S T T I L A Ð S J Á S E M F L E S T A
gréta sörensen