Fréttablaðið - 05.12.2013, Side 54

5. desember 2013 FIMMTUDAGUR| MENNING TÓNLIST | 54
„Ég er með tónleika öll föstudags-
og laugardagskvöld, og nánast öll
fimmtudagskvöld,“ segir Haukur
Tryggvason, eigandi eins merki-
legasta tónleika- og skemmti-
staðar landsins, Græna hattsins á
Akureyri. Hann tók við staðnum
árið 2003 og hóf tónleikahaldið
árið 2005. „Mig langaði mikið til
þess að halda tónleika því ég hef
mikinn áhuga á tónlist. Þetta var
þó erfitt fyrst um sinn, en gengur
mjög vel núna,“ segir Haukur um
upphafið.
Árið 2005 fóru sextíu til sjötíu
tónleikar fram á staðnum en árið
2013 fórum um 150 tónleikar fram.
„Þetta eru í heildina líklega orðnir
um ellefu hundruð tónleikar sem
hafa farið fram á staðnum.“
Staðurinn er í raun einstak-
ur á Íslandi en hefur ekki komið
til tals að opna Græna hattinn í
Reykjavík? „Jú, það hefur oft
komið til tals að gera það. Það er
þó ekki á stefnuskránni því vel-
gengni staðarins má rekja til þess
að maður hugsar vel um hann og
er alltaf á staðnum og ég get ekki
gert það í tveimur landshlutum,“
segir Haukur.
Staðurinn fagnaði tíu ára
afmælinu sínu fyrir skömmu með
útgáfu bókar sem nefnist ein-
faldlega Græni hatturinn. „Þetta
er aðallega ljósmyndabók en það
er þó farið aðeins yfir söguna og
nokkrar hljómsveitir fá umsögn,“
bætir Haukur við. Bókin, sem er
225 blaðsíður, inniheldur 370 ljós-
myndir af hinum ýmsu listamönn-
um sem fram hafa komið á staðn-
um. Ásamt Hauki sjálfum, unnu
þeir Daníel Starrason, Skapti Hall-
grímsson og Þórhallur Jónsson að
gerð bókarinnar.
„Við erum með góðar græjur
hérna og hljóðið er mjög gott,“
segir Haukur spurður út í vinsæld-
ir staðarins. Flestar vinsælustu
hljómsveitir landsins hafa komið
fram á staðnum í gegnum árin.
„Hér hafa komið fram ýmsir lista-
menn, allt frá Álftagerðisbræðr-
um til Skálmaldar, sem segir til
um hve fjölbreytnin er mikil.“
Haukur á líklega Íslandsmetið
í því að vera viðstaddur tónleika.
„Ég sé um 150 tónleika á ári og
svo bæti ég nokkrum tónleikum
við þegar ég fer í frí því þá fer
ég yfirleitt á tónleika erlendis,“
útskýrir Haukur.
Á Græna hattinum er einnig að
finna einn helsta dýrgrip íslenskr-
ar tónlistarsögu. „Hérna erum við
með Hammond-orgelið sem Karl
Sighvatsson átti en það er frá
árinu 1958 og var meðal annars
notað með Trúbrot.“
Haukur segir staðinn ætla að
halda áfram að svala tónleika-
þorstanum og bjóða áfram upp á
háklassa tónleika. Fram undan er
fjöldinn allur af tónleikum. Í kvöld
koma fram Eyþór Ingi og Atóm-
skáldin, annað kvöld Ojba Rasta
og á laugardagskvöld Mammút.
- gunnarleo@frettabladid.is
➜ Græni hatturinn var fyrsti reyklausi pöbb landsins
þegar Sigmundur Einarsson og Guðbjörg Inga Jósefsdóttir
stofnuðu staðinn 1999.
Árið 2005 voru haldnir 60 til 70 tónleikar.
Árið 2013 voru haldnir 140 til 150 tónleikar.
Uppáhaldshljómsveitir Hauks eru Brian Wilson og
Beach Boys, einnig er hann mikill aðdáandi Steely Dan.
TÓNNINN
GEFINN
Kjartan Guðmundsson
Hugurinn reikar víða á dimmum ógeðismorgnum í Reykjavík. Fyrst til
Frakklands, þar sem Bob Dylan hefur verið kærður fyrir hatursboðskap og
gæti þurft að sitja inni í heilt ár. Sem mun þó seint gerast því það er hreint
ekki ólöglegt að rifja upp mishuggulega atburði úr mannkynssögunni. Í við-
tali við Rolling Stone (sem var þýtt yfir á frönsku og birt í þarlendri útgáfu
tímaritsins) minntist Dylan á þjóðernishreinsanirnar í Júgóslavíu í sömu
andrá og helför nasista, án þess þó að bera þetta tvennt beinlínis saman,
og hópur Króata móðgaðist heiftarlega. Aldrei má maður ekki neitt, eins
og Laddi söng á sinni bestu plötu, Allt í lagi með það, frá árinu 1983. Laddi
hlaut töluverða gagnrýni fyrir lagið Of feit fyrir mig nokkrum árum síðar, en
litla sem enga fyrir smellinn Grínverjann á sömu
plötu. Það hefur mér alltaf þótt einkennilegt.
Rokksveitin Body Count, með sjálfan Ice-T í
broddi fylkingar, var aldrei kærð fyrir
lagið sitt umdeilda Cop Killer. Yfir-
menn plötufyrirtækisins fengu þó
morðhótanir og ákváðu að lokum að
fjarlægja lagið af plötunni. Hama-
gangurinn kom Ice-T mikið á óvart.
Hann hafði verið að hlusta ítrekað
á lagið Psycho Killer með Talking
Heads, þótt það gott og ákvað að leika
sér aðeins með þemað, en allt fór til
andskotans.
Silfurrefurinn Kenny Rogers flaut líka
sofandi að feigðarósi þegar hann ákvað
að ljúka tónleikum sínum í Dallas á
tíunda áratug síðustu aldar með því að
kasta frisbídisk út í æstan áhorf-
endaskarann. Frisbídiskurinn
lenti á risastórri ljósa-
krónu sem féll niður á
einn aðdáandann, sem
heimtaði fúlgur fjár
í skaðabætur. Málið
var útkljáð utan
dómstóla og Kenny
gat snúið sér að því
að syngja jólalög
á ný. Jólin eru
einmitt á næsta
leiti. Skemmtileg
tilviljun.
Hugsað upphátt
Einstakur á Akureyri
Græni hatturinn stendur fyrir um 150 tónleikum á ári og á tíu ára afmæli í ár.
Á LÍKLEGA ÍSLANDSMET Haukur Tryggvason, eigandi Græna hattsins, er viðstaddur
meira en 150 tónleika á ári, sem er líklega Íslandsmet.
Fróðlegar og skemmtilegar staðreyndir
SIGRÍÐUR THORLACIUS– Jólakveðja
ERNA HRÖNN OG PÁLMI SIGURHJARTARSON– Húmar að kveldi
ÝMSIR – Gömlu dagana gefðu mér
Í spilaranum
LAGALISTINN TÓNLISTINN
28.11.2013 ➜ 5.12.2013
1 Steinar Up
2 Of Monsters And Men Silhouettes
3 Baggalútur og Jóhanna Mamma þarf að djamma
4 Kaleo Automobile
5 Leaves Ocean
6 One Republic Counting Stars
7 Kaleo Glass House
8 Jón Jónsson Feel For You
9 Avicii Hey Brother
10 Drangar Bál
1 Baggalútur Mamma þarf að djamma
2 Friðrik Ómar Kveðja
3 Björgvin Halldórsson Duet III
4 Páll Óskar Rauða boxið
5 Kaleo Kaleo
6 Sigríður Thorlacius Jólakveðja
7 Helgi Björnsson Helgi syngur Hauk
8 One Direction Midnight Memories
9 Skálmöld Börn Loka
10 Bubbi Æsku minnar jól
Skýringar Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Þátttakendur í Lagalistanum Bylgjan, FM957, Xið 977, Rás 2, K100,5, tonlist.is. Verslanir í Tónlistanum Skífan, Hagkaup, Penninn/
Eymundsson, 12 tónar, Harpa, Smekkleysa plötubúð, Elko, tonlist.is.
STEMNING Í LOFTINU Græni hatturinn er einstakur staður með ríka sögu.