Fréttablaðið - 20.02.2014, Page 2

20. febrúar 2014 FIMMTUDAGUR| FRÉTTIR | 2
Kringlunni
heyrnarstodin.is
HEYRNARSTÖ‹IN
Ísólfur Gylfi, er ekkert að
marka þetta fólk?
„Það er mjög mikið að marka þetta
fólk. Við tökum tillit til skoðana
þess.“
Ísólfur Gylfi Pálmason, sveitarstjóri Rangár-
þings eystra, segir andstöðu íbúa austan
Markarfljóts vegna lengingar varnargarðs
byggða á misskilningi.
RÚSSLAND Meðlimir rússnesku pönksveitarinnar Pussy Riot voru
barðir með svipum af liðsmönnum rússnenskra lögreglusveita þegar
þeir voru með gjörning til höfuðs Vladimír Pútín í Sotsjí í gær.
Konurnar höfðu vart komið sér fyrir á torgi skammt frá Ólympíu-
garðinum þegar lögreglumenn komu aðvífandi og létu svipuhöggin
dynja á þeim áður en þeim var gert að yfirgefa torgið. -js
Rússnesk lögregla beitti meðlimi pönksveitar harðræði:
Pussy Riot konur svipaðar í Sotsjí
SVIPU BEITT Á PÖNKARA Liðsmaður rússneskra Kósakkasveita, sem sjá um
löggæslu, greip til svipu sinnar til að stöðva mótmæli pönksveitarinnar Pussy Riot
í Sotsjí í gær. Þær Nadesjda Tolokonnikova og María Alekhína og félagar voru vart
byrjaðar á gjörningi sínum þegar þær voru stöðvaðar. FRÉTTABLAÐIÐ/AP
EFNAHAGSMÁL Almenn útlán Íbúðalána-
sjóðs drógust saman um tæp 43 prósent
í janúar miðað við sama tíma í fyrra.
Fram kemur í nýbirtri mánaðarskýrslu
sjóðsins að almenn útlán í mánuðinum
hafi numið 489 milljónum króna,
saman borið við 854 milljónir í janúar
2013. Uppgreiðslur námu 1,5 milljörð-
um króna.
Þá kemur fram í skýrslunni að áfram
dragi úr vanskilum, en heimilum í van-
skilum hafi fækkað um tæp 2,5 prósent
á milli mánaða. Þá haldi undirliggj-
andi virði lána einstaklinga í vanskil-
um áfram að lækka. „Í lok janúar nam
fjárhæð vanskila útlána til einstaklinga
4,3 milljörðum króna og var undirliggj-
andi lánavirði 66,6 milljarðar króna,
eða um 10,27 prósent útlána sjóðsins
til einstaklinga, sem er 3,12 prósentum
lægra hlutfall en í janúar 2013,“ segir í
skýrslunni.
Í janúar seldi sjóðurinn 27 fasteignir,
þrisvar sinnum fleiri en ári fyrr þegar
seldar voru níu eignir. „Þá er að auki
búið að samþykkja kauptilboð í 81 eign
til viðbótar,“ segir í mánaðarskýrsl-
unni. - óká
Íbúðalánasjóður seldi þrisvar sinnum fleiri fasteignir í janúar á þessu ár en í fyrra:
Útlán Íbúðalánasjóðs dragast saman
KEFLAVÍK Í
janúar síðast-
liðnum voru
íbúðir í eigu
Íbúðalána-
sjóðs flestar á
Suðurnesjum,
804 talsins.
FRÉTTABLAÐIÐ/GVA
ALÞINGI Píratar ásamt þingmönnum úr öllum flokk-
um munu í dag leggja fram á Alþingi þingsályktunar-
tillögu um mótun stefnu til að draga úr skaðlegum
afleiðingum og hliðarverkunum vímuefnaneyslu.
Þetta kom fram í sérstakri umræðu á Alþingi í gær
um stefnu Íslands í vímuefnamálum.
Málshefjandi var Helgi Hrafn Gunnarsson, þing-
maður Pírata, og lagði hann áherslu á að horfið yrði
frá refsistefnu gagnvart vímuefnaneytendum og
byggt á mannúðlegum úrræðum á forsendum heil-
brigðis- og félagslega kerfisins. Mikilvægt væri að
auka traust vímuefnaneytenda á og aðgang að opin-
berri þjónustu.
Helgi Hjörvar sagði stefnu Íslands í vímuefnamál-
um ekki virka og að stefnu sem skilaði jafnslæmum
árangri þyrfti að endurskoða. Ekki væri nóg að lýsa
góðum vilja og þyrfti að fjárfesta í fólki, úrræðum og
starfi í þessum málum.
Birgitta Jónsdóttir, þingflokksformaður Pírata, til-
kynnti að Píratar legðu fram þingsályktunartillögu
um stefnu í vímefnamálum. Þar segir að starfshópur
skuli geri úttekt á gildandi lagaumhverfi og líta til
erlendrar löggjafar þar sem horfið hefur verið frá
refsistefnu tengdri neyslu ólöglegra vímuefna.
Kristján Þór Júlíusson heilbrigðisráðherra lýsti sig
tilbúinn til að skoða málið. Ráðherrann upplýsti að
mótun aðgerðaáætlunar í málaflokknum hefðist innan
skamms. Áætlunin mun taka til forvarna, meðferðar-
úrræða, eftirfylgni, endurhæfingar og endurskoðunar
lagarammans. - eb
Þingmenn úr öllum flokkum leggja fram tillögu að stefnu í vímuefnamálum:
Vilja hverfa frá refsistefnu
ALÞINGI Í umræðum um skýrslu
um stöðu aðildarviðræðna við
Evrópusambandið á Alþingi í gær
ítrekaði Bjarni Benediktsson fjár-
málaráðherra þá afstöðu sína að
hann teldi þjóðaratkvæðagreiðslu
um áframhald viðræðna ófram-
kvæmanlega.
Benti ráðherrann á að niður-
stöður kosninga og skoðanakann-
ana um stuðning við aðild bentu
til þess að ekki væri stuðningur
meðal almennings við að ganga í
Evrópusambandið. Sagðist hann
skilja vel þá afstöðu almennings
að vilja taka ákvörðun í málinu.
Hins vegar þyrfti að vera póli-
tískur vilji að baki aðildarumsókn
ef sú ákvörðun yrði tekin að halda
viðræðum áfram.
Árni Páll Árnason, formaður
Samfylkingarinnar, segist lesa
orð ráðherrans þannig að ljóst sé
að ekki verði kosið um áframhald
viðræðna.
Í umræðum spurði Össur Skarp-
héðinsson, þingmaður Samfylk-
ingarinnar, fjármálaráðherra
ítrekað hvort hann myndi standa
við fyrri yfirlýsingar sínar um
að hann teldi best að hafa þjóðar-
atkvæðagreiðslu á fyrri hluta
kjörtímabilsins.
„Hann vék sér undan því að
svara og er erfitt að sneiða hjá því
að álykta að Bjarni Benediktsson
sé að velta því alvarlega fyrir sér
að standa ekki við þessar yfirlýs-
ingar, sem tryggðu honum stóran
hluta af sínu kjósendafylgi. En
það er mjög ólíkt honum að standa
ekki við orð sín svo ég mun ekki
trúa því fyrr en ég set höndina í
sárið,“ segir Össur.
Utanríkisráðherra kynnti
skýrslu Hagfræðistofnunar fyrir
Alþingi. Sagði hann stækkunar-
stefnu Evrópusambandsins vera
óbilgjarna og að sambandið skorti
metnaðarfulla framtíðarsýn. Það
hefði því verið óábyrgt af stjórn-
völdum að hefja viðræður og væri
óábyrgt að halda þeim áfram.
Árni Páll Árnason, formaður
Samfylkingarinnar, sagði ræðu
utanríkisráðherra ekki líklega
til að auka samstöðu um málið á
þinginu og sakaði ríkisstjórnina
um að finna leiðir til þess að kom-
ast hjá því að fá svör um hvort
Evrópusambandsaðild væri fýsi-
legur kostur. Kallaði hann eftir
að hagsmunamat yrði leiðarljós-
ið í ákvörðun um áframhaldandi
viðræður.
Katrín Jakobsdóttir sagðist
vilja heyra meira um framtíðar-
sýn ríkisstjórnarinnar, um hver
næstu skref í málinu væru. Þá
kallaði hún eftir frekari pólitískri
greiningu á stöðunni.
eva@frettabladid.is
Óábyrgt að halda
viðræðum áfram
Formaður Sjálfstæðisflokks vék sér undan spurningum um þjóðaratkvæðagreiðslu
um aðildarviðræður við ESB á Alþingi í gær. Utanríkisráðherra sagði óábyrgt að
halda viðræðum áfram. Formaður Samfylkingar segir ljóst að ekki verði kosið.
EVRÓPUSAMBANDSAÐILD Utanríkisráðherra kynnti skýrslu um stöðu aðildarvið-
ræðna Íslands við Evrópusambandð á Alþingi í gær. FRÉTTABLAÐIÐ/PJETUR
REFSILEYSI Kallað var eftir því á Alþingi í gær að neysla vímu-
efna yrði gerð refsilaus. FRÉTTABLAÐIÐ/PJETUR
REYKJAVÍK Mikið svifryk var
í Reykjavík í gær og mældust
gildi við Grensásveg allt að 488,1
míkró gramm af ryki í hverjum
rúmmetra.
Ástæðan er sú að vindur gær-
dagsins þyrlaði upp ryki og sandi
sem var á götum borgarinnar.
„Við viljum ekki fara út í það
að sópa nema útlit sé fyrir að það
verði þurrt,“ segir Guðjóna Björk
Sigurðardóttir, skrifstofustjóri
skrifstofu reksturs og umhirðu
borgarlands Reykjavíkurborgar.
Einstaklingar með ofnæmi eða
hjarta- eða lungnasjúkdóma ættu
að forðast að vera úti þar sem
hætta er á mikilli mengun og þá
sérstaklega í nánd við miklar
umferðargötur.
- js
Slæm loftgæði í Reykjavík:
Svifryk yfir
mörkum í gær
VEÐUR Óveður reið yfir sunnan-
vert landið í gær svo björgunar-
sveitir höfðu í nógu að snúast.
„Dagurinn byrjaði á því að við
fengum útkall vegna þakplötu
sem var að fjúka,“ segir Ólöf S.
Baldursdóttir, upplýsingafulltrúi
Landsbjargar. Nokkur sambæri-
leg útköll hafi síðan komið yfir
daginn og fram á kvöld.
Ólöf segir björgunarsveitar-
menn einnig hafa verið á vaktinni
á Kjalarnesi þar sem veðrið var
sérstaklega slæmt. Þar hand-
leggsbrotnaði kona þegar hún
datt í hvassri vindhviðu.
Á Suðurnesjum féll fjarskipta-
mastur eftir að festing gaf sig.
Tjónið er metið á nokkrar millj-
ónir.
- js
Milljónatjón vegna veðurs:
Veðurofsinn til
vandræða í gær
SPURNING DAGSINS