Fréttablaðið - 24.04.2014, Side 18

24. apríl 2014 FIMMTUDAGUR| FRÉTTIR VIÐSKIPTI | 18
Ný fl ugstöð á Heathrow opnuð í júní
Amazon hefur hafið samstarf við
sjónvarpsstöðina HBO, en um er
að ræða fyrsta streymissamning-
inn sem stöðin hefur gert. Hann
mun bjóða fyrsta flokks með-
limum Amazon upp á að streyma
sjónvarpsefni á borð við Sopranos
og The Wire.
Amazon hefur verið að reyna
að víkka út reksturinn og herja
á ný mið eins og kvikmynda-
streymi, rafbókasölu og mat-
vöruverslun en það hefur bitnað á
hagnaði fyrirtækisins.
Samningurinn mun ekki aðeins
bjóða Amazon-áskrifendum upp á
hágæða leikið sjónvarpsefni held-
ur einnig bíómyndir og spjall-
þætti. - fbj
Sjónvarpsefni í áskrift:
Amazon og
HBO í samstarf
STREYMT AF INTERNETINU Hægt
verður að nálgast sjónvarpsefni af ýmsu
tagi hjá Amazon. MYND/GETTY
20% afsláttur
Fæst án lyfseðils.
Lesið leiðbeiningar í fylgiseðli vandlega fyrir notkun.Austurver
Domus Medica
Eiðistorg
Fjörður
Hamraborg
JL-húsið
Kringlan
Glerártorg Akureyri
Hrísalundur Akureyri
Dalvík
Hella
Hveragerði
Hvolsvöllur
Keflavík
Selfoss
Vestmannaeyjar
Þorlákshöfn
Afborganir erlendra ára verða
þungar á næstu árum. Þar er helsta
skýringin afborganir af skulda-
bréfi Landsbankans til forvera
síns, LBI, vegna uppgjörs á yfir-
færslu lánasafns gamla bankans til
hins nýja, sem hefjast á þessu ári.
Greiningardeild Arion banka
segir í Markaðspunktum sínum
sem komu út í gær að lenging í
þessu bréfi myndi draga stór-
lega úr áhættu tengdri jafnvægi
á greiðsluflæði til og frá landinu á
næstu árum. Þar segir deildin að
tveir kostir séu færir; annars vegar
að Landsbankinn gefi út skuldabréf
erlendis líkt og hinir stóru bank-
arnir hafa gert á undanförnum tólf
mánuðum og hins vegar að bank-
inn endursemji um skilmála bréfs-
ins við LBI. Arion banki telur yfir-
gnæfandi líkur á að blönduð leið
þessara kosta verði farin.
Sú aðgerð ein að lengja í skuld
Landsbankans við LBI myndi
nægja til þess að breyta halla á
greiðslujöfnuði í afgang. Það myndi
því ýmist birtast sem styrkingar-
þrýstingur á krónuna eða tækifæri
fyrir Seðlabankann til að bæta í
gjaldeyrisforðann. Ekki megi líta
fram hjá því að eignastaða Lands-
bankans í erlendri mynt sé nokkuð
sterk og hann mun samkvæmt eigin
yfirlýsingum ekki þurfa á endur-
fjármögnun að halda fyrr en eftir
árið 2015. Þannig bendi eftirstöðva-
greining í ársreikningi bankans til
þess að verulegar gjaldeyriseignir
á efnahagsreikningi bankans muni
losna á næstu tólf mánuðum.
- fbj
Lenging í Landsbankabréfinu dregur stórlega úr áhættu vegna hárra afborgana erlendra lána:
Telja líkur á að blönduð leið verði farin
LANDSBANKABRÉFIÐ Verði lengt í
skuld Landsbankans við LBI mun halli á
greiðslujöfnuði breytast í afgang.
FRÉTTABLAÐIÐ/GVA
Breski fatarisinn Primark hyggst
opna sína fyrstu verslun í Banda-
ríkjunum í lok árs 2015. Versl-
unin verður staðsett í Boston og
mun spanna rúmlega 6.000 fer-
metra. Viðræður eru í gangi um
að opna fleiri verslanir á austur-
strönd Bandaríkjanna fyrir mitt
ár 2016.
Primark rekur fleiri en 250
verslanir í Evrópu og hefur vaxið
hratt síðasta áratuginn. Fyrsta
verslunin utan Bretlands var
opnuð árið 2006 á Spáni. Síðan
hafa slíkar verið settar á lagg-
irnar í Hollandi, Portúgal, Þýska-
landi, Belgíu, Austurríki og
Frakklandi. - fbj
Opna verslun í Boston:
Primark fer til
Bandaríkjanna
QuizUp-snjalltækjaleikurinn
sem íslenska tölvufyrirtækið
Plain Vanilla gaf út á þýsku fyrir
nokkrum dögum er orðinn sá vin-
sælasti í App Store-versluninni í
Þýskalandi. Þetta er í fyrsta sinn
sem leikurinn er gefinn út á öðru
tungumáli en ensku en stefnt
er að útgáfu leiksins fyrir öll
stærstu málsvæði heims.
„Möguleikinn á því að spila
QuizUp á þínu móðurmáli gefur
okkur mikið samkeppnisforskot
og mun stuðla að enn frekari
fjölgun QuizUp-notenda,“ segir
Þorsteinn Baldur Friðriksson,
forstjóri Plain Vanilla, í tilkynn-
ingu. - fbj
Vinsælastur í App Store:
QuizUp slær í
gegn á þýsku
SAMKEPPNISFORSKOT Þorsteinn Frið-
riksson forstjóri segir að þýðingin stuðli
að fjölgun notenda. FRÉTTABLAÐIÐ/VALLI
Nýjar tölur frá framkvæmdastjórn
Evrópusambandsins sýna að ríki
innan sambandsins eru hægt og
rólega að ná að greiða úr fjárhags-
vandræðum sínum.
Fjárlagahallinn lækkaði á síð-
asta ári – fyrir Evrópusambands-
ríkin í heild lækkaði hann úr 3,9
prósentum af landsframleiðslu á
árinu 2012 í 3,3 prósent í fyrra. Á
evrusvæðinu var lækkunin úr 3,7
prósentum í þrjú á sama tíma.
Ríkin eru samt sem áður að taka
háar fjárhæðir að láni, sem gerir
það að verkum að samanlagðar
skuldir halda áfram að vaxa. Það
mynstur hefur áhrif bæði á evru-
svæðinu og á Evrópusamband-
ið sem heild. Miklu getur munað
milli ríkja, þar sem sum lönd fá
mun minna lánað en leyfilegt er
að hámarki.
Efnahagur þýska ríkisins var
nálægt því að vera í jafnvægi,
en Þjóðverjar tóku engin ný lán í
fyrra. Lúxemborg náði smávægi-
legum tekjuafgangi og tókst þann-
ig að lækka skuldir ríkisins að
einhverju leyti. Önnur lönd náðu
ekki að fylgja þriggja prósenta
hámarkinu, Frakkland og Spánn
voru tvö stór hagkerfi sem fóru
yfir markið, en Ítalía hélt sig við
hámarkið.
Tölurnar um Grikkland eru
áhugaverðar. Þær virðast sýna að
staðan þar í landi hafi versnað en
við nánari athugun sést að ástæð-
an fyrir því er sú að kostnaður-
inn við að styðja við grísku bank-
ana spilar stóra rullu. Án þessa
kostnaðar er staðan talsvert betri
í Grikklandi. Þá eru Grikkir einn-
ig að borga háa vexti af skuldum
sínum og lætur einn talsmanna
framkvæmdastjórnarinnar hafa
eftir sér að staðan sé að batna
hjá Grikklandi. Þó segja sumir að
niðurskurðurinn hafi verið alltof
mikill og valdið óþarflega mikl-
um skaða. Með þessu hafa öll ríkin
sem fengu aðstoð náð nokkrum
árangri við fjármálin sín.
Á sama tíma og þessi ríki hafa
dregið úr árlegri lánsfjárþörf
sinni hefur baggi skulda þeirra
þyngst. Þörfin fyrir sterkan hag-
vöxt er mikil til að létta byrðinni
af ríkjunum jafnvel ef þau glíma
áfram við fjárlagahalla.
Þannig er evrusvæðið byrjað
að jafna sig, þar með talin nokk-
ur þeirra ríkja sem nutu aðstoð-
ar. Meira að segja Grikklandi, þar
sem vandræðin byrjuðu, er spáð
af sérfræðingum Alþjóðagjald-
eyrissjóðsins örlitlum vexti í ár.
En yfir það heila er ekki búist við
því af framkvæmdastjórn Evrópu-
sambandsins að Evrópa vaxi mikið
í nánustu framtíð á þessu sviði.
Ferlinu er langt því frá lokið,
atvinnuleysi er víða mikið en þess-
ar nýju tölur sýna samt sem áður
nokkurn árangur.
fanney@frettabladid.is
Evrópulöndin eru í
hægum fjárhagsbata
Tölur framkvæmdastjórnar Evrópusambandsins sýna að Evrópuríkin eru hægt
og rólega að ná árangri með fjárhagsvandræði sín. Vandinn er þó ekki horfinn,
atvinnuleysi er víða mikið en nokkur árangur hefur samt sem áður náðst.
EVRUSVÆÐIÐ AÐ JAFNA SIG Nýjar tölur frá framkvæmdastjórn ESB sýna að
staðan er að batna í fjármálunum á meginlandinu. FRÉTTABLAÐIÐ/AFP
Aflaverðmæti íslenskra skipa á
tólf mánaða tímabili frá febrúar
2013 til janúar 2014 dróst saman
um 6,8 prósent miðað við sama
tímabil ári áður. Verðmæti botn-
fiskafla dróst saman um 5,2 pró-
sent milli tímabilanna. Hagstofan
greinir frá þessu.
Í janúar var aflaverðmæti
íslenskra skipa um 9,3 prósentum
minna af þorski en í janúar 2013.
Heildarverðmæti aflans var 38,7
prósent lægra í janúar 2014 en í
janúar 2013, lítill loðnuafli hefur
mest með það að segja. - fbj
Minnkaði um 6,8 prósent:
Aflaverðmæti
dregst saman
Þau Arnar Geir Ómarsson og Sig-
rún Hreinsdóttir hafa verið ráðin
til starfa hjá fyrirtækinu H:N
Markaðssamskiptum. Alls sóttu
400 manns um sex störf sem
fyrir tækið auglýsti til umsóknar í
síðasta mánuði.
„Arnar Geir og Sigrún bætast
nú í ört stækkandi hóp starfs-
manna H:N,“ segir Ingvi Jökull
Logason, framkvæmdastjóri H:N
Markaðssamskipta.
Bæði Arnar Geir og Sigrún eru
hönnuðir. - skó
400 manns sóttu um:
Tveir hönnuðir
ráðnir til H:N
NÝ FLUGSTÖÐ Flugstöð númer tvö á Heathrow-flugvellinum í Lundúnum hefur
verið lokuð vegna viðgerða en nýja byggingin verður opnuð þann 4. júní næstkom-
andi og farþegum hleypt þar í gegn þann 23. sama mánaðar. Upphaflega byggingin
var tekin í notkun árið 1955 og var elsta bygging Heathrow-flugvallar. FRÉTTABLAÐIÐ/AFP