Fréttablaðið - 24.04.2014, Side 58

24. apríl 2014 FIMMTUDAGUR| SPORT | 50
Kefl avík hafnar í 9. sæti
Keflvíkingar koma með svipað lið til leiks í sumar og
í fyrra. Það hefur reyndar misst sinn besta mann, Arnór
Ingva Traustason, og treystir áfram meira og minna á
uppalda stráka, jafnt unga sem aldna.
Keflavík var í harðri fallbaráttu til að byrja með í
fyrrasumar en fékk þá Kristján Guðmundsson aftur
til starfa. Hann sneri gengi liðsins við ásamt aðstoðar-
þjálfaranum Mána Péturssyni sem virtist ná vel til leik-
manna liðsins og barði í þá trú um sín eigin gæði.
Suðurnesjamenn eru stórt spurningarmerki fyrir
tímabilið þrátt fyrir að vera með nokkuð óbreytt lið.
Ungu strákarnir þurfa að fara að taka skrefið sem
beðið hefur verið eftir en í hópi Keflvíkinga eru
nokkrir virkilega efnilegir leikmenn.
Jóhann B. Guðmundsson verður
ekkert yngri með hverju árinu sem líður
en hann verður heldur ekkert minna
mikilvægur fyrir þetta Keflavíkurlið.
Fyrst Arnór Ingvi Traustason er
farinn í atvinnumennsku leggst
aftur enn meiri ábyrgð á herðar eldri og
reynslumeiri manna liðsins.
Hann er afskaplega góður með bolt-
ann, gefur góðar sendingar í hættuleg
svæði og er stórhættulegur skotmaður.
Keflavíkurhjartað og einbeittur sigurvilji
er þó það sem gerir hann að algjörum
lykilmanni hjá Keflavík.
Jonas Sandqvist (Svíþjóð)
Paul McShane (Aftureldingu)
Sindri S. Magnússon (Breiðabl.)
FYLGSTU MEÐ ÞESSUM:
Elías Már Ómarsson: Hann er
fæddur 1995 og kom sterkur inn
í Keflavíkurliðið í fyrra þar sem
hann spilaði 16 deildarleiki og
skoraði 2 mörk. Hann hefur fylgt
því eftir með góðri frammistöðu á
undirbúningstímabilinu en hann
skoraði þrjú mörk í sex leikjum í
riðlakeppni Lengjubikarsins. Gæti
hæglega slegið í gegn í sumar.
Kristján Guðmunds-
son er 49 ára gamall
en hann tók aftur
við Keflavík síðasta
sumar. Þar áður var hann við
stjórnvölinn hjá Val. Kristján
stýrði Keflavík til bikarmeist-
aratitils 2006.
SPORT
1. sæti - ???
2. sæti - ???
3. sæti - ???
4. sæti - ???
5. sæti - ???
6. sæti - ???
7. sæti - ???
8. sæti - ???
9. SÆTI - KEFLAVÍK
10. sæti - Víkingur 11. sæti - Fylkir
12. sæti - Fjölnir
GENGIÐ SÍÐUSTU SEX TÍMABIL > 2008 (2. sæti) - 2009 (6. sæti) - 2010 (6. sæti) - 2011 (8. sæti) - 2012 (9. sæti) - 2013 (9. sæti) Íslandsmeistarar: 4 sinnum (síðast 1973) / Bikarmeistarar: 4 sinnum (síðast 2006)
➜ EINKUNNASPJALDIÐ VÖRNIN ★★★★★ SÓKNIN ★★★★★ ÞJÁLFARINN ★★★★★ BREIDDIN ★★★★★ LIÐSTYRKURINN ★★★★★ HEFÐIN ★★★★★
➜ Lykilmaðurinn í sumar ➜ Þjálfarinn ➜ Nýju andlitin
➜ Tölurnar í úrvalsdeild 2013
Mörk skoruð 6. sæti (1,5 í leik)
Mörk á sig 11. sæti (2,14 í leik)
Stig heimavelli 7. sæti (13 af 39,4%)
Stig á útivelli 4. sæti (11 af 33,3%)
HEFST 4. MAÍ
Spá Fréttablaðsins
FÓTBOLTI Samtök íþrótta- og golf-
vallasérfræðinga, SÍGÍ, stóðu
fyrir blaðamannafundi í höfuð-
stöðvum Knattspyrnusambands
Íslands í gær þar sem farið var
yfir stöðu knattspyrnuvallanna
nú þegar aðeins rétt tæpar tvær
vikur eru í Íslandsmót.
Staðan er vægast sagt slæm og
líklega hvergi verri en á sjálfum
Laugardalsvellinum sem kemur
hræðilega undan vetri og er alls
óvíst að Framarar fái að spila ein-
hvern af þremur heimaleikjum
sínum í maímánuði á Laugardals-
velli.
Þórir Hákonarson, fram-
kvæmdastjóri KSÍ, hóf fundinn og
fullyrti að þrátt fyrir slæma stöðu
vallanna yrði fyrsta umferðin ekki
færð. Spilað er þétt í byrjun móts
eins og alltaf og nær ekkert svig-
rúm til að færa leiki til áður en
kemur að fyrsta landsleikjahléi í
byrjun júní.
Þórir sagði að sambandið mundi
veita liðum undanþágu til að spila
á völlum sem uppfylla ekki öll skil-
yrði til að hýsa leiki í efstu deild
enda annað ekki hægt miðað við
stöðuna. Fastlega má búast við
að einhverjir leikir verði í Egils-
höll eða Kórnum. Framarar vilja
þó ekki spila innandyra og hafa
beðið um leyfi til að byrja mótið á
gervigrasvelli Þróttara í Laugar-
dalnum.
Svellkalið fór með vellina
Bjarni Þór Hannesson, formaður
SÍGÍ og eini maðurinn á landinu
með mastersgráðu í íþróttavalla-
fræðum, fór yfir vellina á höfuð-
borgarsvæðinu og útskýrði ástand
þeirra.
Svellkal er það sem vallarstjórar
þurftu að glíma við í vetur en
vegna þess að veturinn var svo
þurr fór klakinn sem myndað-
ist á völlunum ekki svo vikum
skipti, ekki fyrr en menn gripu
til aðgerða sjálfir og brutu hann
af með þungavinnuvélum. Þetta
er afar sjaldgæft enda vellirnir
sjaldan verið í verra ástandi fyrir
sunnan. Völlurinn í Eyjum er þó
fínn sem og Þórsvöllur sem hefur
aldrei verið betri.
Útlitið ekki gott í Dalnum
Þegar kom að því að ræða Laug-
ardalsvöllinn sagði Bjarni Þór:
„Laugardalsvöllur er gjörsamlega
dáinn,“ en eins og sést á myndinni
er hann í hræðilegu ástandi.
Kristinn Jóhannesson, vallar-
stjóri Laugardalsvallar sem kjör-
inn var vallarstjóri ársins í fyrra,
tók undir orð Bjarna Þórs þegar
Fréttablaðið ræddi við hann eftir
fundinn í gær. „Megnið af vell-
inum er dáið,“ sagði Kristinn en
hvað þýðir það fyrir framhaldið?
„Það þýðir að það fór í gang
ákveðið verkefni til að laga völl-
inn sem hófst fyrir fjórum vikum
en það felur í sér ýmislegt eins og
að sanda hann, gata og sá. Síðan
erum við með dúka sem hjálpa
til við að fá fræin til að spíra en
við erum ekki með undirhita sem
myndi hjálpa okkur enn þá meira,“
sagði Kristinn.
Vallarstarfsmenn í Laugardaln-
um fá fræin á föstudaginn og þá
þarf fræið þrjár til fimm vikur
til að spíra og styrkjast, að sögn
Kristins. Þá gefur augaleið að völl-
urinn verður í það minnsta ekki
klár fyrir fyrsta leik Framara
gegn ÍBV 4. maí. Annar heimaleik-
urinn, 12. maí, er einnig í mikilli
hættu. Hjá Dalsmönnum miðast
allt við að vera með völlinn leik-
hæfan fyrir vináttulandsleik karla
gegn Eistlandi 4. júní.
„Framarar eiga að spila þrjá
leiki í maí en þeir munu ekki spila
fyrsta leikinn, það er alveg ljóst.
Við tökum þetta svo fyrir bara
vikulega og metum ástandið. Ég
myndi segja að fyrsti leikurinn
verði ekki fyrr en í júní en auð-
vitað vonum við að Framarar fái
að spila í maí. Útlitið er ekki gott
en það kemur í ljós,“ sagði Krist-
inn Jóhannesson.
Undirhiti engin galdralausn
Bjarni Þór fór sem fyrr segir yfir
stöðu vallanna í Reykjavík. KR-
völlurinn lítur ekki vel út. Stór
munur er þó á vellinum sunnan-
og norðanmegin. Norðanmegin er
hann mjög illa farinn eftir svell-
kal.
Vodafone-völlur Valsmanna
er í sæmilegu ástandi enda með
undir hita en þó ekkert sérstak-
ur. Í honum eru stórir kalblett-
ir. Bjarni talaði sérstaklega um
undir hitann og sagði hann gott tól
sem hægt væri að nýta sér en hann
væri gagnslaus ef hann væri ekki
nýttur. Mikla peninga kostar að
hita upp vellina með þeirri tækni
og mismunandi hversu mikið þetta
hjálpartæki er notað.
Víkingsvöllur nýliðanna í Foss-
vogi er mjög illa farinn en Fylkis-
völlurinn skárri en oft áður. Bjarni
vildi meina að Fylkisvöllurinn
væri skástur í Reykjavík ásamt
Fjölnisvellinum sem slapp mjög
vel.
Þar er æfingagrasið aftur á móti
algjörlega dautt en keppnisvöllur-
inn klár. tom@frettabladid.is
Grasið dautt í Dalnum
Þjóðarleikvangurinn mjög illa farinn eft ir erfi ðan vetur en unnið er í honum.
Óvíst hvort Framarar fái að spila heimaleik á Laugardalsvelli í maímánuði.
ENDURLÍFGUN Bjarni Þór Hannesson rýnir í Laugardalsvöllinn sem verið er að reyna að vekja til lífsins. FRÉTTABLAÐIÐ/DANÍEL