Fréttablaðið - 24.04.2014, Side 56

24. apríl 2014 FIMMTUDAGUR48
Víkingur hafnar í 10. sæti
Víkingar halda áfram að jó-jó-a upp og niður á milli
deilda en þeir leika nú á ný í deild þeirra bestu eftir
tveggja ára fjarveru. Síðast var liðið í Pepsi-deildinni
2011 en féll eftir stormasamt sumar þar sem þrír
þjálfarar voru látnir fara sama árið.
Logn hefur verið í Fossvoginum undanfarin tvö
ár eftir að reynsluboltinn Ólafur Þórðarson tók við
liðinu og fær það nú fjórða tækifærið á síðustu tíu
árum til að festa sér sess á meðal þeirra bestu.
Víkingar voru á toppnum í 1. deildinni um mitt mót
síðasta sumar en misstu flugið eftir það. Þeir tóku
á sprett undir lok tímabils og komu sér í kjörstöðu
fyrir lokaumferðina með sögulegum 16-0 sigri á
Völsungi í næstsíðustu umferðinni.
Gulldrengur Víkinga gæti farið langt
með að halda liðinu uppi takist honum
að færa leik sinn upp á næsta þrep.
Hann var algjörlega óstöðvandi í 1.
deildinni í fyrra þar sem hann skoraði
14 mörk í 14 leikjum og var kjörinn
bæði efnilegasti og besti leikmaður
deildarinnar auk þess að vera marka-
kóngur hennar.
Sá síðasti sem afrekaði þetta
þrennt sama tímabilið var Aron
Jóhannsson, þáverandi leikmaður
Fjölnis.
Alan Lowing (Fram)
Darri S. Konráðsson (Stjörnunni)
Harry Monaghan (Skotlandi)
Ómar Friðriksson (KA)
Sveinbjörn Jónasson (Þrótti)
Todor Hristov (Búlgaríu)
Vladimir Vujovic (Serbíu)
FYLGSTU MEÐ ÞESSUM:
Ívar Örn Jónsson: Strákur
fæddur 1994 sem getur leikið
sem bakvörður, miðjumaður og
kantmaður. Teknískur og með
mikla spyrnugetu sem ætti að geta
valdið usla í vítateig mótherjanna.
Ólafur Þórðarson er
49 ára gamall og á
sínu þriðja ári með
Víkingsliðið. Liðið
endaði í 6. sæti 1. deildar á
fyrsta ári Ólafs en 2. sæti í
fyrra og komst með því upp
um deild.
SPORT
1. sæti - ???
2. sæti - ???
3. sæti - ???
4. sæti - ???
5. sæti - ???
6. sæti - ???
7. sæti - ???
8. sæti - ???
9. sæti - ???
10. SÆTI - VÍKINGUR
11. sæti - Fylkir
12. sæti - Fjölnir
GENGIÐ SÍÐUSTU SEX TÍMABIL > 2008 (B-deild, 5. sæti) - 2009 (B-deild, 10. sæti) - 2010 (B-deild, 1. sæti) - 2011 (12. sæti) - 2012 (B-deild, 6. sæti) - 2013 (B-deild, 2. sæti) Íslandsmeistarar: 5 sinnum (síðast 1991) / Bikarmeistarar: 1971
➜ EINKUNNASPJALDIÐ VÖRNIN ★★★★★ SÓKNIN ★★★★★ ÞJÁLFARINN ★★★★★ BREIDDIN ★★★★★ LIÐSTYRKURINN ★★★★★ HEFÐIN ★★★★★
➜ Lykilmaðurinn í sumar ➜ Þjálfarinn ➜ Nýju andlitin
➜ Tölurnar í 1. deild 2013
Mörk skoruð 1. sæti (2,5 í leik)
Mörk á sig 2. sæti (1,3 í leik)
Stig heimavelli 4. sæti (19 af 33, 58%)
Stig á útivelli 2. sæti (23 af 33, 70%)
HEFST 4. MAÍ
Spá Fréttablaðsins
HANDBOLTI FH varð fyrsta liðið
til að vinna Hauka á Ásvöllum
í rúmt ár þegar liðið tók 1-0 for-
ystu í undan úrslitarimmu liðanna
í úrslitakeppni Olísdeildar karla á
þriðjudag. Haukar, sem höfðu tals-
verða yfirburði í deildarkeppninni
í vetur, höfðu þar að auki unnið
alla fimm leiki sína gegn FH í
mótsleikjum í vetur. Liðin mætast
öðru sinni klukkan 19.45 í kvöld.
Lið FH hefur tekið mikinn kipp
eftir að Kristján Arason var feng-
inn inn í þjálfarateymi liðsins
á ný og komst með naumindum
inn í úrslitakeppnina eftir ótrú-
legan lokasprett í deildinni. Liðið
var svo betra frá fyrstu mínútu
í leiknum gegn Haukum í fyrra-
kvöld og vann öruggan sjö marka
sigur, 32-25.
„Við vorum engan veginn sáttir
við hvernig þetta spilaðist af okkar
hálfu,“ sagði Patrekur Jóhannes-
son, þjálfari Hauka, í samtali við
Fréttablaðið í gær. „FH var bara
beittari aðilinn og væri ósann-
gjarnt að fegra okkar hlut á ein-
hvern hátt.“
Greindi leikinn um nóttina
Patrekur sótti sér upptöku af
leiknum að honum loknum, líkt og
hann gerir venjulega, og byrjaði
svo að greina leikinn. „Ég sat við
tölvuna til hálf fimm um morgun-
inn. En það er mín vinna og ég hef
bara gaman af henni.“
Patrekur segir að það hafi verið
margt í leik sinna manna sem hafi
orðið þeim að falli. Haukar hafi
nýtt aðeins þrjú af tíu hraðaupp-
hlaupum en FH skorað ellefu slík
mörk. Þá hafi lærisveinar Patreks
tapað boltanum tólf sinnum en FH
aðeins fjórum sinnum – þar af tví-
vegis á lokamínútu leiksins.
„En tölurnar segja bara hálfa
söguna. Okkur tókst heldur ekki
að halda okkar skipulagi á varn-
arleiknum og brutum okkur úr því
sem við ætluðum að gera. Ef við
ætlum að ná okkur aftur á strik þá
þurfa grunnatriðin að vera í lagi.
Það er ekkert leyndarmál,“ segir
Patrekur.
Vörn FH kom ekki á óvart
FH spilaði sterka 6-0 vörn þar
sem gengið var ítrekað út á skytt-
ur Haukanna, sem náðu sér illa á
strik. Patrekur segir að það hafi
ekki komið sér á óvart.
„Ég vissi nákvæmlega hvernig
FH-ingar myndu spila. Helsti mun-
urinn var kannski sá að þeir voru
miklu beittari en áður og það segir
manni hvað hugarfarið skiptir
miklu máli. Þeir útfærðu sína 6-0
vörn ef til vill betur en oft áður,“
segir Patrekur sem segir að þjálf-
arabreytingar hjá liðum, líkt og
þær sem FH hefur gert, hafi vafa-
laust hjálpað liðinu.
„Lið sem hafa gengið í gegn-
um ýmislegt á tímabilinu njóta
nú þess að nú hefst nýtt mót með
úrslitakeppninni og þá er eðlilegt
að menn komi sterkir inn eftir
að hafa fengið aðeins á kjaftinn.
Ég vonast til þess að mínir menn
bregðist eins við og bæti fyrir
það sem aflaga fór í fyrsta leikn-
um með því að leita aftur í grunn-
inn og hafa bara gaman af þessu,“
útskýrir Patrekur. „Það gekk allt
á afturfótunum í þessum eina
leik en það getur vel reynst okkur
jákvætt.“
Patrekur segir að það sé enn
nóg eftir í rimmuna þrátt fyrir að
Haukar hafi nú misst heimavall-
arréttinn. „Gott gengi í deildinni
gefur manni ekkert í úrslitakeppn-
inni og við verðum að horfast í
augu við ákveðnar staðreyndir.
En það þýðir heldur ekki að mála
of dökka mynd af stöðunni og við
ætlum okkur að spila betur í næsta
leik.“ eirikur@frettabladid.is
Kannski gott að fá á kjaft inn
Patrekur Jóhannesson, þjálfari Hauka, sat við tölvuna langt fram eft ir nóttu eft ir að lið hans fékk skell gegn
erkifj endum sínum í FH í fyrsta leik liðanna í úrslitakeppni Olísdeildarinnar. Liðin mætast aft ur í kvöld.
Haukar urðu deildarmeistarar þriðja árið í röð nú í vor en eru enn að
bíða eftir fyrsta Íslandsmeistaratitlinum síðan liðið varð meistari vorið
2010.
Þrátt fyrir gott gengi í deildinni virðist sem liðið mæti ekki jafn sterkt til
leiks í úrslitakeppninni. Til marks um það má nefna að liðið hefur tapað
fyrsta leik í síðustu fjórum einvígjum sínum í úrslitakeppninni, líkt og sjá
má hér fyrir neðan.
19. apríl 2012: Lokaúrslit: Haukar - HK 24-30
Haukar töpuðu einvíginu, 3-0.
13. apríl 2013: Undanúrslit: Haukar - ÍR 23-24
Haukar unnu einvígið, 3-1.
29. apríl 2013: Lokaúrslit: Haukar - Fram 18-20
Haukar töpuðu einvíginu, 3-1.
22. apríl 2014: Undanúrslit: Haukar - FH 25-32
Haukar byrja einvígin á tapleikjum
Í STRANGRI GÆSLU Sigurbergur Sveinsson og félagar í Haukum náðu sér ekki á
strik gegn sterkri vörn FH í fyrrakvöld. FRÉTTABLAÐIÐ/STEFÁN
FÓTBOLTI „Það þurfti að bregðast skjótt við og
maður þurfti að hrökkva eða stökkva. Þá vill
maður gjarnan stökkva,“ segir Willum Þór
Þórsson, knattspyrnuþjálfari og þingmaður
Framsóknarflokksins. Hann var í vikunni ráð-
inn aðstoðarþjálfari Guðmundar Benediktsson-
ar sem tekur við þjálfun Breiðabliks í Pepsi-
deild karla í byrjun júnímánaðar.
Guðmundur tekur við starfinu af Ólafi Krist-
jánssyni sem mun halda til Danmerkur um mitt
sumar og þjálfa Nordsjælland í dönsku úrvals-
deildinni.
„Þetta var útkall sem kom eftir að fréttin
um Óla spurðist út. Ég er þakklátur fyrir tæki-
færið og traustið sem mér er sýnt. Guðmundur
sýndi mér hollustu og mikinn stuðning, bæði
sem leikmaður og aðstoðarþjálfari, og mér er
ljúft að geta brugðist við nú,“ sagði Willum sem
starfaði með Guðmundi hjá Val og KR á sínum
tíma.
Willum segist hafa sett þjálfaraferilinn til
hliðar þegar hann hóf þingstörf enda fátt annað
sem kemst að. „Svo kom þetta tækifæri og fyrst
þetta var aðstoðarþjálfarastarf leit ég svo á að
það gæti gengið upp. Óli fer út í byrjun júní
og ég sá fyrir mér að ég gæti komið inn þegar
þingið fer í sumarfrí. En svo er spurning hvort
það verði sett á sumarþing – maður verður bara
að vona það besta,“ bætir hann við.
Willum er ekki fyrsti þingmaðurinn sem
starfar einnig sem knattspyrnuþjálfari en Ingi
Björn Albertsson sinnti báðum störfum á sínum
tíma. „Ég var einmitt leikmaður Breiðabliks
þegar Ingi Björn var á þingi og þjálfaði liðið. Ég
tel þó að það hafi ýmislegt breyst síðan þá og að
nú sé mun minna um að þingmenn sinni öðrum
störfum með. Það fylgir því mikil ábyrgð og
vinna að starfa á þingi og fátt annað sem kemst
að.“
Willum hefur fylgst með íslenska boltanum
úr fjarlægð síðustu mánuðina og líst vel á lið
Breiðabliks. „Liðið er komið á þann stað í sinni
tilveru að það á að keppa um titla á hverju ári,
enda hefur það gott starf verið unnið í félaginu
síðustu árin.“
Willum er margreyndur þjálfari sem gerði
KR tvívegis að Íslandsmeistara (2002 og 2003)
og endurtók svo leikinn með Valsmönnum árið
2007. Hann var síðast þjálfari Leiknis í 1. deild-
inni árið 2012. - esá
Sumarþing gæti sett strik í reikning Willums
Þingmaðurinn Willum Þór Þórsson er ánægður með að vera kominn aft ur í þjálfun í Pepsi-deildinni.
KOMINN AFTUR Willum var síðast þjálfari Leiknis árið
2012 en hóf störf á Alþingi í fyrra. FRÉTTABLAÐIÐ/DANÍEL
ÚRSLIT
OLÍS-DEILD KVENNA
STJARNAN - GRÓTTA 29-23
Stjarnan-kvenna - Mörk (skot): Jóna Mar-
grét Ragnarsdóttir 10/5 (18/6), Esther Viktoría
Ragnarsdóttir 5 (8), Þórhildur Gunnarsdóttir 5 (8),
Hildur Harðardóttir 4 (8/1), Helena Rut Örvars-
dóttir 3 (9), Nataly Sæunn Valencia 2 (3).
Varin skot: Florentina Stanciu 14 (30/3, 47%),
Heiða Ingólfsdóttir 2 (8/1, 25%),
Hraðaupphlaup: 2 ( Esther, Þórhildur)
Fiskuð víti: 8 ( Esther 4, Þórhildur, Sandra 3,)
Utan vallar: 4 mínútur.
Grótta-kvenna - Mörk (skot): Unnur Ómarsdóttir
6/4 (9/5), Lene Burmo 5 (7), Guðný Hjaltadóttir
2 (2), Agnes Þóra Árnadóttir 2 (3), Anett Köbli 2
(5), Eva Björg Davíðsdóttir 2 (5), Laufey Ásta Guð-
mundsdóttir 1 (1), Steinunn Kristín Jóhannsdóttir
1 (1), Ásthildur Embla Friðgeirsdóttir 1 (4).
Varin skot: Íris Björk Símonardóttir 18/2 (42/6,
43%), Elín Jóna Þorsteinsdóttir 3 (8/1, 38%),
Hraðaupphlaup: 2 (Unnur, Guðný )
Fiskuð víti: 6 ( Köbli 4, Eva Björg 2,)
Utan vallar: 6 mínútur. Staðan í einvíginu er 1-0
fyrir Stjörnuna. Vinna þarf þrjá leiki til að komast
í úrslit.
FÓTBOLTI Real Madrid er í fínni
stöðu í undanúrslitum Meistara-
deildar Evrópu eftir 1-0 sigur á
heimavelli í fyrri leik liðanna í
gær.
Það var Frakkinn Karim
Benzema sem skoraði eina mark
leiksins í fyrri hálfleik. Gott
mark og enn mikilvægara fyrir
Real að hafa haldið markinu
hreinu á heimavelli.
Það gæti verið drjúgt þegar
upp er staðið. - hbg
Benzema sá
um Bayern
HRESSIR Pepe fagnar sigurmarkinu
með Benzema. FRÉTTABLAÐIÐ/GETTY
STERK Esther Viktoría brýst hér í
gegnum vörn Gróttu. FRÉTTABLAÐIÐ/STEFÁN