Fréttablaðið - 24.04.2014, Side 22

24. apríl 2014 FIMMTUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRI: Andri Ólafsson andri@frettabladid.is RITSTJÓRNARFULLTRÚI: Álfrún Pálsdóttir alfrun@frettabladid.is VIÐSKIPTI: Fanney Birna Jónsdóttir fanney@frettabladid.is MENNING: Friðrika Benónýsdóttir fridrikab@frettabladid.is
DÆGURMÁL: Lilja Katrín Gunnarsdóttir liljakatrin@frettabladid.is VÍSIR: Kolbeinn Tumi Daðason, kolbeinntumi@365.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
FRÁ DEGI
TIL DAGS
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út í 90.000
eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á
landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871

G
uðni Ágústsson, fyrrverandi formaður Framsóknar-
flokksins og landbúnaðarráðherra, ætlar að tilkynna í
dag hvort hann verði við áskorunum um að taka fyrsta
sætið á framboðslista flokksins fyrir borgarstjórnar-
kosningar í Reykjavík.
Það er reyndar dálítið ein-
kennileg hugmynd að fá sveita-
höfðingjann Guðna í framboð
í Reykjavík. Hann nýtur að
vísu persónulegra vinsælda, er
manna skemmtilegastur og hefur
undanfarin ár verið eftirsóttur
uppistandari á þorrablótum og
karlakvöldum íþróttafélaga. Kannski hugsa framsóknarmenn í
Reykjavík sem svo að grínistum hafi gengið vel í síðustu borgar-
stjórnarkosningum og það megi reyna aftur.
En framboð Jóns Gnarr og félaga var ádeila á hefðbundna flokka-
og valdapólitík. Það er einmitt jarðvegurinn sem Guðni Ágústsson
er sprottinn úr. Nánast allur hans stjórnmálaferill er helgaður sér-
hagsmunagæzlu fyrir eina atvinnugrein, landbúnaðinn.
Því hefur fylgt að Guðni hefur verið afskaplega lítill tals-
maður höfuðborgarinnar eða hagsmuna hennar. Hann hefur verið
einarður talsmaður landbúnaðarkerfis sem hyglar framleiðendum
sem flestir eru á landsbyggðinni, á kostnað neytenda á höfuð-
borgarsvæðinu. Hann lagði einu sinni fram svohljóðandi fyrirspurn
á þingi: „Hvað hyggst samgönguráðherra gera til að draga úr inn-
flutningi matvæla með ferðafólki?“ Hann var ekki að grínast.
Guðni hefur talað gegn því að íbúar höfuðborgarinnar njóti jafns
atkvæðisréttar á við íbúa dreifbýliskjördæmanna. Hann hefur
meira að segja flutt þingmál um að borgarbúar eigi að borga hærri
skatta en fólkið á landsbyggðinni, í þágu byggðasjónarmiða. Sú
tillaga var heldur ekki sett fram sem brandari og sennilega þætti
reykvískum kjósendum ekki fyndið ef maður sem er í framboði til
borgarstjórnar héldi þessari skoðun fram.
Guðni sagði fyrr í vikunni að Framsóknarflokkurinn ætlaði að
verja flugvöllinn í Vatnsmýrinni. Það er hörð afstaða, af því að með
henni taka framsóknarmenn beinlínis afstöðu gegn því ferli sem
flugvallarmálið hefur verið sett í, að starfshópur skoði möguleika á
annarri staðsetningu innanlandsflugvallar á höfuðborgarsvæðinu.
Þeir útiloka því fyrir fram sátt sem gæti byggzt á að byggingarland
í Vatnsmýri yrði losað með því að færa flugvöllinn, en Reykjavík
yrði áfram miðstöð innanlandsflugsins.
Í fréttum okkar á Stöð 2 á þriðjudagskvöldið var rifjað upp að
fyrir þingkosningarnar 2007 hafði Guðni allt aðra stefnu og vildi
færa innanlandsflugið til Keflavíkur. Þegar þessar mótsagnir í
málflutningi voru bornar undir Guðna sagðist hann hafa skipt um
skoðun eftir að hafa kynnt sér málið betur; hann hefði haft rangt
fyrir sér árið 2007.
Að sjálfsögðu leyfist fólki að skipta um skoðun. Eins og Guðni
hafði sjálfur einu sinni eftir Ólafi Jóhannessyni forvera sínum á
formannsstóli Framsóknarflokksins: „Það hefur enginn bannað
mér að vera vitrari í dag en ég var í gær.“
Ákveði Guðni í dag að taka oddvitasætið á framboðslista Fram-
sóknar í borginni, er hins vegar full ástæða til að kjósendur í
Reykjavík spyrji hann á næstunni hvort hann hafi líka skipt um
skoðun í flestum þeim málum sem hafa skilgreint stjórnmálaferil
hans. Er hann nú skyndilega orðinn baráttumaður fyrir hags-
munum Reykvíkinga?
Guðni Ágústsson íhugar framboð í borgarstjórn:
Fyrir hag höfuð-
borgarinnar?
Ólafur Þ.
Stephensen
olafur@frettabladid.is
Yfirgefa skipið
Jórunn Frímannsdóttir, fyrrverandi
borgarfulltrúi Sjálfstæðisflokksins,
sagði sig úr honum með pompi og
prakt í bloggfærslu í fyrradag. Þar
sagðist hún meðal annars ekki sjá
sér fært að taka heiðurssæti á lista
flokksins til borgarstjórnarkosninga
sem fara fram eftir rúmlega mánuð.
Hún segir frá sögu evrópusinn-
aðra einstaklinga innan flokksins,
hvernig reynt var að ná sáttum við
andstæðingana og hvernig for-
maðurinn, Bjarni Benediktsson,
kom með útspil fyrir kosningar
sem gerði það að verkum
að þeim fannst enn vera
von. Síðan hefur margt
breyst og er Jórunn
á meðal þeirra sem
standa að stofnun nýs
flokks. Jórunn er ekki sú eina sem
finnur sig í þessari stöðu og hafa
nokkuð margir lýst yfir áhuga á því
að ganga til liðs við þennan óstofn-
aða flokk hingað til. Flestir flokkar
reyna að laða til sín fólk. Aðrir virðast
keppast við að segja fólki að koma
sér í burtu.
Kalt á toppnum
Það er ljóst að það að fara út
í pólitík og sér í lagi að
taka að sér forystuhlut-
verk verður sjaldnast
til þess að fólk afli sér
mikilla vinsælda. Að
minnsta kosti
ekki í seinni tíð.
Þannig greinir
MMR frá
því í gær að
samkvæmt könnun þeirra búa þeir
Sigmundur Davíð Gunnlaugsson, Árni
Páll Árnason og Bjarni Benediktsson
ekki yfir neinum sérstökum eigin-
leikum, líkt og heiðarleika, persónu-
töfrum og meðfæddum leiðtogahæfi-
leikum. Þó eru undantekningar á
þessari könnun; Katrín Jakobsdóttir,
formaður Vinstri grænna, og Jón
Gnarr borgarstjóri skoruðu jafnan
hæst í þessari könnun og töldu
aðspurðir þau vera heiðarleg í
tengslum við almenning. Það
kom síðan lítið á óvart að með
þeim Katrínu og Jóni kom
teflon-forseti Íslands, Ólafur
Ragnar Grímsson,
nokkuð vel út úr
þessum spurningum.
fanney@frettabladid.is
Í dag fögnum við fyrsta degi sumars.
Þótt íslenska veðrið gefi ekki alltaf
til kynna upphaf þess tíma látum við
Íslendingar það lítið á okkur fá og fögn-
um sumarkomu, hvort sem það blæs,
rignir eða snjóar.
Það er þessi kraftur og þessi bjartsýni
sem gerir samfélagið okkar svo sérstakt
og skapar svo mörg tækifæri til sóknar
og sérstöðu. Veðurbrigðin í lífinu eiga
nefnilega jafnt við um samfélög, fjöl-
skyldur og einstaklinga. Það skiptast
einfaldlega á skin og skúrir, en á okkur
öllum hvílir samt alltaf sú ábyrgð að
halda samt áfram – ganga yfir skaflana
og standa af okkur stormana svo njóta
megi síðar sólar og sumars.
Þetta er viðhorfið sem þarf að ein-
kenna Ísland, sem nú stendur á tímamót-
um og tekst á við nýjar áskoranir, nýja
framtíð. Bjartsýnin, gleðin og sóknar-
hugurinn sem tengist sumarkomunni
þarf að einkenna samfélagið á hverjum
degi. Þannig höfum við náð árangri í for-
tíðinni og þannig munum við áfram ná
árangri. Við stjórnum ekki því sem liðið
er en við getum haft áhrif á framtíðina.
Burtséð frá einstaka verkefnum þá er
sátt og samstaða um það að halda áfram
– gera betur í dag en í gær – mikilvæg-
ara en flest annað fyrir framtíðina. Að
vera sammála um að stefna lengra, nýta
tækifærin og hafa trú á okkur sjálf og
fólkið okkar skapar forsendur til að
byggja upp frábært samfélag til fram-
tíðar. Við getum tekist á um einstaka
dægur mál á málefnalegan hátt en verið
sammála um að gera alltaf það besta
fyrir land okkar og þjóð.
Í dag er því við hæfi að taka sam-
eiginlega ákvörðun um einmitt það.
Þegar við fögnum sumri að íslenskum
sið á þessum góða degi – flöggum fánum
okkar og njótum samveru með okkar
nánustu – skulum við því um leið taka á
móti nýjum tímum með þeim góðu fyrir-
heitum, krafti, bjartsýni sem hefur, á og
verður að einkenna þessa þjóð á einmitt
þessum degi.
Gleðilegt sumar.
Gleðilegt sumar
SAMFÉLAG
Hanna Birna
Kristjánsdóttir
innanríkisráðherra
➜ Bjartsýnin, gleðin og sóknar-
hugurinn sem tengist sumarkom-
unni þarf að einkenna samfélagið
á hverjum degi. Þannig höfum við
náð árangri í fortíðinni og þannig
munum við áfram ná árangri.