Fréttablaðið - 26.04.2014, Page 66

26. apríl 2014 LAUGARDAGUR| HELGIN KRAKKAR | 34
Brandarar
Teikningar og texti: Bragi Halldórsson
93
„Hvað skyldi þetta nú vera,“ sagði Konráð og tók upp pappírsblað með
tölustöfum og undarlegum táknum sem hann sá liggja á jörðinni.
„Mér sýnist þetta vera stærðfræðiþraut,“ sagði Lísaloppa. „En þessi þarna
þessi þrjú tákn standa, svo þessi fjögur dæmi gangi upp,“ bætti hún við.
svo dæmin gangi upp?
Í hvaða leikritum hefur þú leik-
ið í vetur, Sigurður Bogi? „Ég
hef verið í Emil í Kattholti, Tuma
tímalausa og Gullna hliðinu. Svo
tók ég þátt í hæfileikakeppni
fyrir börn á Norðurlandi og var
einn af sex sigurvegurum sem
komu fram á barnaskemmtun
Börn fyrir börn í Hofi til styrktar
barnadeild Sjúkrahússins á Akur-
eyri. Ég söng lagið Mamma þarf
að djamma og spilaði á gítar.
Lagið fékk sko um 10.000 áhorf
á YouTube. Þar söng ég líka með
Friðriki Ómari og Jógvan Hansen
lagið Húsið er að gráta.“
Hvað varstu í mörgum sýn-
ingum í síðustu viku? „Ég var
í átta sýningum, tveimur sem
Bokki búálfur í Tuma tímalausa í
Hofi, fimm sýningum sem Emil
í Kattholti í Freyvangsleikhúsinu
og einni sem engill í englakór
í Gullna hliðinu hjá Leikfélagi
Akureyrar.“
Er eitthvað líkt með þér og
Emil? „Við viljum öllum vel og
erum góðhjartaðir gaurar en
stundum frekar seinheppnir.“
Ertu góður að tálga? „Já, já,
alveg ágætur, skar mig reyndar
á næstsíðustu sýningunni á Emil
sem var númer 40.
Hvernig er Bokki? „Bokki er sko
búálfur, sirka 500 ára gamall
sem býr heima hjá Tuma og
fylgir honum hvert sem hann
fer. Mannfólkið sér hann ekki en
svo sér Tumi hann þegar hann
fer í álfheima.“
Veistu hversu oft þú hefur farið
á svið á einu ári? „Ég held að
það sé eitthvað um 65 sinnum
síðan í október þegar Emil var
frumsýndur. Svo tók ég reynd-
ar líka þátt í Söngkeppni unga
fólksins á Einni með öllu á Akur-
eyri um verslunarmannahelgina,
spilaði á sviði í miðbænum og
lenti í öðru sæti með lagið Fjóla
með Hvanndalsbræðum, ég spil-
aði á gítar og söng og Valmar
Hvanndalsbróðir spilaði á harm-
óníku.“
Hvert var fyrsta hlutverkið þitt
á sviði? „Emil í Kattholti og svo
hef ég leikið smá í skólanum.“
Hefurðu eitthvað getað lært
í skólanum í vetur? „Já, já, ég
er svo heppinn að það er ekki
mikið heimanám í skólanum
þannig að það er allt í lagi.“
Hvert er skemmtilegasta fagið?
„Jarðfræði er skemmtilegust og
svo væri stjörnufræði líka örugg-
lega skemmtileg ef hún væri
kennd.“
Förum aðeins yfir helstu
áhugamálin. „Ég er læra á fiðlu
en spila meira á gítarinn og er
nýbúinn að stofna hljómsveit
með tveimur krökkum sem ég
kynntist í Tuma, ég spila á gítar
og syng, Rebekka sem lék annan
Tumann er söngkona og Helgi
sem lék annan Gemling álfa-
dreng er trommari. Svo hef ég
líka mikinn áhuga á raunvísind-
um. Ég er svolítið á skíðum og
keppi á Andrésar andar leikun-
um núna um helgina.“
Hvað langar þig að verða þegar
þú verður stór? „Leikari og tón-
listarmaður.“ - gun
Við Emil erum báðir
góðhjartaðir gaurar
Hinn tólf ára gamli Sigurður Bogi Ólafsson hefur slegið í gegn sem leikari og
söngvari fyrir norðan í vetur. Hann spilar líka á gítar og fi ðlu og keppir á skíðum.
LEIKARI OG SÖNGVARI Sigurður Bogi lék í átta leiksýningum í síðustu viku í þre-
mur leikritinum. MYND/AUÐUNN
ÍDA OG EMIL Steingerður Snorradóttir og Sigurður Bogi í hlutverkum sínum. MYND/ÍVAR HELGASON
Afi hafði tekið kornunga dótturdóttur sína með í kirkjugarðinn og var
að segja henni frá látnum ættingjum er þar voru grafnir. Allt í einu
greip stúlkan fram í og sagði: „Mikið svakalega þekkjum við marga
sem eru gróðursettir hérna.“
Í lok þriðju lotu spyr boxarinn þjálfara sinn:
„Heldurðu að ég geti unnið þennan bardaga?“
„Það er ég alveg viss um,“ segir þjálfarinn. „Ef þú heldur áfram að
veifa höndunum svona, þá verður andstæðingurinn örugglega kominn
með lungnabólgu í lok næstu lotu.“