Fréttablaðið - 31.05.2014, Blaðsíða 6

31. maí 2014 LAUGARDAGUR| FRÉTTIR | 6
KJARAMÁL „Niðurstaðan er í takt
við það sem ég átti von á,“ segir
Ólafur Loftsson, formaður Félags
grunnskólakennara.
Grunnskólakennarar samþykktu
nýgerðan kjarasamning við Sam-
band íslenskra sveitarfélaga með
65 prósentum greiddra atkvæða.
Rúmlega 32 prósent kennara voru
á móti samningnum.
Um 4.400 kennarar höfðu
atkvæðisrétt, 3.150 kusu um samn-
inginn eða rúmlega 70 prósent.
Ólafur segir að það felist ákveðin
skilaboð í því að rúmlega 1.000
kennarar hafi hafnað samningnum.
„Það verður að taka tillit til sjón-
armiða þeirra við gerð vinnumats-
ins,“ segir hann.
Sérstök verkefnastjórn mun á
næstunni hefja vinnu við að útbúa
leiðbeiningar um vinnumat í grunn-
skólum landsins. Verkefnastjórnin
skilar fyrstu niðurstöðum í nóvem-
ber og kennurum gefst þá kostur á
að tjá sig um málið og leita eftir
lagfæringum. Grunnskólakennar-
ar greiða aftur atkvæði um samn-
inginn í febrúar á næsta ári en þá
eiga fullfrágengnar leiðbeiningar
um vinnumat að liggja fyrir. - jme
Grunnskólakennarar samþykkja nýgerðan kjarasamning við sveitarfélögin:
Þriðjungur á móti samningnum
KOSNINGAR Í dag verða sveitarstjórnarkosningar
í öllum sveitarfélögum landsins. Kjósendur eru
minntir á að taka skilríki með mynd og kennitölu.
Hægt er að nálgast helstu upplýsingar um fram-
kvæmd kosningarinnar inn á kosning.is. Þar er
hægt að slá inn kennitölu til þess að komast að því
á hvaða kjörstað eigi að kjósa í þrjátíu sveitarfé-
lögum. Þá er kjósendum einnig bent á vef viðkom-
andi sveitarfélags um upplýsingar um kjörstað.
Almennt er miðað við að kjörstaðir verði opnir frá
níu að morgni til tíu að kvöldi. Þó er heimilt að hafa
þá opna skemur.
Einnig er bent á að vilji þeir sem kosið hafa utan
kjörfundar breyta atkvæði sínu geta þeir mætt á
kjörstað og kosið. Þá mun atkvæðagreiðslan á kjör-
stað gilda.
Þeir sem ekki geta merkt við kjörseðil sjálfir geta
tilnefnt aðstoðarmann til verksins, ýmist úr kjör-
stjórn eða annars staðar frá.
Í dag er spáð úrkomu um allt land. Þó á að stytta
upp á Norðausturlandi þegar líður á daginn. Von-
andi mun það ekki hafa mikil áhrif á kjörsókn. - ih
Hægt er að nálgast helstu upplýsingar um hvar skuli kjósa inni á kosning.is:
Mikilvægt að taka með skilríki
OPNUN KJÖRSTAÐA Almennt er miðað við að kjörstaðir
verði opnaðir klukkan níu. FRÉTTABLAÐIÐ/PJETUR
Niður-
staðan er í
takt við það
sem ég átti
von á.
Ólafur Loftsson,
formaður Félags
grunnskólakennara
KOSNINGAR Hart var tekist á um
húsnæðismálin í Reykjavík í Stóru
málunum á Stöð 2 í gær.
Dagur B. Eggertsson, borgar-
stjóraefni Samfylkingarinnar,
sagði að reisa ætti 2.500 til 3.000
leiguíbúðir í Reykjavík. Reykja-
víkurborg myndi leggja til lóðir
inn í leigufélög.
Halldór Halldórsson, odd-
viti Sjálfstæðisflokksins, sagði
kosningaloforðið ótrúverðugt.
Félagsbústaðir hefðu einung-
is bætt við sextán íbúðum á ári
en þörf hefði verið fyrir hund-
rað íbúðir á ári. Halldór vildi að
einkaaðilar fremur en Reykjavík-
urborg sæju um rekstur leiguhús-
næðis.
Þorleifur Gunnlaugsson, oddviti
Dögunar, sagði að einkamarkað-
urinn hefði helst áhuga á hátekju-
fólki, en ekki þeim tekjulægri. Því
væru Félagsbústaðir best til þess
fallnir að styrkja leigumarkað í
Reykjavík.
Sóley Tómasdóttir, oddviti
Vinstri grænna, taldi að núverandi
meirihluti hefði ekki sinnt félags-
legu hlutverki sínu.
Enn fremur var tekist á um hug-
mynd Vinstri grænna um gjald-
frjálsan leikskóla. Sóley Tóm-
asdóttir sagði að slíkt væri vel
mögulegt með réttri forgangs-
röðun.
Björn Blöndal taldi að gjald-
frjáls leikskóli myndi seinka því
að börn kæmust á leikskóla eftir
að fæðingarorlofi lyki. Frekar ætti
að stefna að hækkun launa leik-
skólakennara.
Málefni múslíma bar einnig á
góma. Sveinbjörg Birna Svein-
björnsdóttir, oddviti Framsókn-
arflokksins og flugvallarvina,
spurði í gær hvort Reykvíking-
ar vildu búa í samfélagi þar sem
setja þyrfti lög gegn nauðungar-
hjónaböndum. Aðspurð gat hún þó
ekki nefnt nein dæmi um nauðung-
arhjónabönd á Íslandi eða útskýrt
yfirhöfuð hvers vegna hún hefði
minnst á nauðungarhjónabönd.
Björn Blöndal, oddviti Bjartrar
framtíðar, benti á að búið væri að
senda beiðni til Alþingis um að
lögum um trúfélög yrði breytt svo
ekki þyrfti lengur að gefa ókeypis
lóðir. Því þyrfti Framsóknarflokk-
urinn í Reykjavík ekki að beita sér
fyrir því í borgarstjórn.
ingvar@frettabladid.is
Ólík sýn flokkanna
í húsnæðismálum
Samfylkingin vill að Reykjavíkurborg taki þátt í að reisa þúsundir leiguíbúða en
sjálfstæðismenn vilja treysta á einkaframtakið. Vinstri-græn vilja gjaldfrjálsan
leikskóla en núverandi meirihluti vill fremur forgangsraða öðrum málum.
HART TEKIST Á Skipst var á skoðunum um framtíðarsýn frambjóðenda í Reykjavík í Stóru málunum í gær. FRÉTTABLAÐIÐ/PJETUR
Sjómannadagurinn
í Hafnarfirði
Dagskrá
Kl. 8 Fánar dregnir að húni.
Kl. 10 Lúðrasveit Hafnarfjarðar leikur við Hrafnistu.
Kl. 10.30 Blómsveigur lagður að minnisvarða
viðVíðistaðakirkju um horfna sjómenn
Kl. 11 Sjómannamessa í Víðistaðakirkju.
Kl. 13-16 Hátíðardagskrá Flensborgarhöfn:

Kl. 13-16 Skemmtisigling –
lagt af stað á hálftíma fresti

Kl. 13:00 Kappróður.
Fjöldi sveita keppir um hinn eftirsótta bikar

Kl. 14-16 Lúðrasveit Hafnarfjarðar
Setning, heiðrun sjómanna og verðlaunaafhending
í kappróðrarkeppni.
Sirkus Íslands
Listdansskóli Hafnarfjarðar
Bjarni töframaður
Hljómsveitin Tuttugu
Dasbandið
Leiktæki Björgunarsveitar Hafnarfjarðar,
fiskisúpa í boði Matbæjar og áhöfnin á
Hrafnreyði býður upp á hvalkjötssmökkun.
Listflug Björns Thoroddsen yfir höfninni og
sviðsetning á björgunaraðgerð.
Opið hús hjá Siglingaklúbbnum Þyti,
Strandgötu 88

Kl 13-18. Málverkasýning á verkum nemenda af
námskeiðunum Við höfnina að Fornubúðum 8,
hjá Soffíu Sæmundsdóttur.
Kl. 14 Annríki og skart kynnir faldbúning Rannveigar
Sívertsen í Sívertsens-húsinu, Veturgötu 6
Kl. 15 Listamannaspjall í Hafnarborg. Ólöf Nordal,
Gunnar Karlsson og Þuríður Jónsdóttir
fjalla um sýninguna Lusus naturae.
Kl. 16 Sýningar Byggðasafnsins opna.
Á annarri hæðinni í Pakkhúsinu, Vesturgötu 8
er ný sýning um íþróttasögu bæjarins.

Ljósmyndir :Guðni Gíslason