Fréttablaðið - 31.05.2014, Blaðsíða 90

31. maí 2014 LAUGARDAGUR| HELGIN | 46
Í FÓTBOLTA
BRASILÍU
HM
SIGURVEGARI Vicente del Bosque hefur náð mögnuðum árangri með spænska landsliðið síðan hann tók við þjálfun þess. FRÉTTABLAÐIÐ/GETTY
ÞJÓÐVERJAR eru til alls lík-
legir. Fá lið hafa úr jafn mörgum
hæfileikaríkum og skapandi sóknar-
leikmönnum að velja og Þýskaland, en
varnarleikurinn hefur verið ákveðið
spurningarmerki. Það eru einnig uppi
efasemdir um andlegan styrk liðsins.
PORTÚGALSKA liðið er vel
skipulagt og samstillt, en Paulo
Bento spilar nánast alltaf á sama
byrjunarliðinu. Portúgal skortir sem
fyrr framherja í heimsklassa, sem
þýðir að markaskorunin hvílir að
stærstum hluta á herðum Cristianos
Ronaldo.
GHANA var grátlega nærri því
að komast í undanúrslit í fyrir
fjórum árum og teflir aftur fram sterku
liði. Svörtu stjörnurnar eru þéttar fyrir
og sóknarleikurinn virðist beittari en
fyrir fjórum árum. Það er þó hætt við
því að riðilinn sé of sterkur.
Aðeins fjórir leikmenn eru eftir
í BANDARÍSKA hópnum frá
2010 og liðið hefur gengið í gegnum
mikla endurnýjun. Jürgen Klinsmann
og lærisveinum hans hefur gengið
vel að undanförnu, en liðið vann m.a.
tólf leiki í röð á síðasta ári.
Eden Hazard
23 ára
miðjumaður Belga
Lykilmaður í miðju- og sóknarspili
Chelsea á Englandi
G
-R
IÐ
ILLL
Cristiano
Ronaldo
29 ára
fyrirliði Portúgals
Lykilmaður í Evrópumeistaraliði
Real Madrid á Spáni
BELGÍA er með eitt mest
spennandi liðið á HM, en margir
bíða þess að sjá hvernig „gullkynslóð“
þeirra Belga stendur sig á stóra svið-
inu. Í liðinu er góð blanda af líkamlega
sterkum og flinkum leikmönnum.
ALSÍR hefur ekki unnið leik á
HM síðan 1982 og heillaði fáa
með frammistöðu sinni í S-Afríku.
Vahid Halilhodzic hefur endurnýjað
liðið, en margir af nýju leikmönn-
unum hafa spilað fyrir yngri landslið
Frakklands.
RÚSSAR eru með á HM í fyrsta
skipti í tólf ár. Liðið fór sannfær-
andi í gegnum undankeppnina og ætti
að komast í 16-liða úrslitin í sumar.
Uppistaðan í rússneska liðinu eru leik-
menn frá CSKA Moskvu og Zenit.
SUÐUR-KÓREA er fastagestur
á HM og liðið er nokkuð sterkt.
Hong Myung-Bo tók við sem þjálfari
eftir að hafa stýrt U-23 ára liðinu til
bronsverðlauna á ÓL 2012. Úrslitin
í síðustu vináttulandsleikjum hafa
verið misjöfn og gefa ekki mikla
ástæðu til bjartsýni.
H
-R
IÐ
ILL
Við fáum sennilega aldrei að vita hvað fór í gegnum huga Florentinos Pérez, forseta Real Madrid, vorið 2003 þegar hann ákvað að endurnýja ekki
samninginn við þjálfara liðsins,
Vicente del Bosque. Sá stýrði Real
Madrid í tæp fjögur ár, frá nóvem-
ber 1999 til júní 2003, og undir hans
stjórn vann Real Madrid spænsku
deildina og Meistaradeild Evrópu
í tvígang, auk þess sem liðið varð
heimsmeistari félagsliða, meistari
meistaranna í Evrópu og á Spáni.
Það var ekki nóg fyrir Pérez sem
taldi del Bosque ekki passa inn í
„galaticos“ ímynd félagsins. Það
passaði ekki að láta þennan yfir-
vegaða, hægláta og svipbrigðalitla
mann stjórna stærstu og vinsælustu
fótboltastjörnum heimsins og engu
breytti að del Bosque var mjög vin-
sæll meðal þeirra. Carlos Queiroz
þótti betur til þess fallinn að stýra
þessari fótboltaútgáfu af Harlem
Globetrotters. Real Madrid vann
ekki titil næstu fjögur árin.
Del Bosque hefur þó heldur
betur fengið uppreisn æru á síðustu
árum. Hann tók við nýkrýndum
Evrópumeisturum Spánar af Luis
Aragonés sumarið 2008 og undir
hans stjórn varð Spánn heims-
meistari í fyrsta sinn í S-Afríku
2010. Tveimur árum síðar varði
liðið svo Evrópumeistaratitilinn
sem það vann árið 2008. Del Bos-
que, sem er sonur verkalýðsleiðtoga
sem sat í fangelsi á Franco-árunum
vegna skoðana sinna, ætti því að
geta litið nokkuð sáttur yfir farinn
veg þegar hann sest í helgan stein
eftir HM í Brasilíu í sumar.
Mennska og næmni
Del Bosque er ekki prýddur sama
stjörnuljóma og margir starfs-
bræður hans, en hann kann svo
sannarlega til verka. Og öfugt
við það sem Pérez hélt kann del
Bosque fátt betur en að meðhöndla
stórstjörnur. Hann er diplómatísk-
ur, treystir leikmönnum sínum og
gefur þeim ákveðið frelsi og síðast
en ekki síst nýtur hann virðingar
þeirra. „Lykillinn að velgengni del
Bosques er hversu klár hann er,“
sagði Fernando Hierro, sem lék
undir stjórn þjálfarans hjá Real
Madrid. „Hann er næmur á líðan
fólks, kann að lesa í tilfinningar
og sér allt svo skýrt og eðlilega.“
Xavi, miðjumaðurinn frábæri hjá
Barcelona, segir del Bosque mann-
legasta einstakling sem hann hafi
kynnst í fótboltaheiminum.
Þjálfarinn á eina dóttur og tvo
syni. Sá yngri, Álvaro, er með
Downs-heilkenni og del Bosque
segir að sonur hans hafi breytt sýn
sinni á lífið og tilveruna. „Þetta var
erfitt til að byrja með og ég spurði
sjálfan mig af hverju þetta hefði
hent okkur en ekki einhverja aðra,“
segir del Bosque. „Svona aðstæður
heima fyrir fá þig til að setja hlutina
í samhengi. Þær gera þig næmari
og veita þér hugarró. Það er mikil
blessun fyrir alla.“ Álvaro er mikill
fótboltaáhugamaður og er óhræddur
við að láta föður sinn heyra það sé
hann ósammála honum um liðsval
og annað slíkt. Hann er náinn liðinu
og tók m.a. þátt í fögnuði þess eftir
sigrana á HM 2010 og EM 2012.
Það er einhvern veginn ómögu-
legt að láta sér líka illa við del
Bosque sem getur í sumar bætt síð-
ustu rósinni í hnappagat sitt með því
að stýra Spánverjum til heimsmeist-
aratitils í Brasilíu. Fari svo verður
Spánn þriðja liðið til að verja heims-
meistaratitil og del Bosque annar
þjálfarinn í sögunni til að stýra liði
til tveggja titla í röð, á eftir Vittorio
Pozzo, sem afrekaði það með Ítalíu
1934 og 1938.
Leið til sigurs eða leiðindi?
Sigurganga Spánar á undanförnum
árum hefur verið einstök. Frá árinu
2007 hefur liðið leikið 107 leiki,
unnið 88, gert tíu jafntefli og aðeins
tapað átta leikjum, og fagnað sigri
á þremur stórmótum í röð. Lykill-
inn að þessum árangri er hversu
vel spænska liðið heldur boltanum
og stjórnar leikjum.
Einhverjum þykir þó að tiki-taka-
leikstíllinn hafi snúist upp í and-
hverfu sína; að Spánverjar haldi
boltanum út í hið óendanlega án
þess að gera neitt að ráði með hann.
„Þeir hafa svikið hugmyndafræði
sína og útfært hana á neikvæðan
hátt,“ sagði Arsene Wenger, þjálfari
Arsenal, en hann var meðal þeirra
sem gagnrýndu spilamennsku Spán-
ar á EM 2012. „Upphaflega héldu
þeir boltanum til að sækja að marki
mótherjanna og vinna leiki; núna
virðist tilgangurinn fyrst og síðast
vera að forðast tap. Þeir hafa orðið
varfærnari með tímanum og þeir
vilja ekki láta boltann af hendi svo
andstæðingurinn fái möguleika á að
skora.“
Leikstíll Spánverja, eins og hann
hefur þróast með árunum, er ein-
faldlega ný tegund af pragmatisma.
Þetta snýst allt um að hafa stjórn á
leiknum. Spánn fær afar fá mörk á
sig, en á undanförnum þremur stór-
mótum hefur liðið leikið tíu útslátt-
arleiki og haldið hreinu í þeim öllum
sem er ótrúlegt afrek. Og ef þú held-
ur hreinu þarftu aðeins að skora eitt
mark til að vinna leiki. Það er ein-
föld stærðfræði.
Auðvitað væri skemmtilegra að
sjá Spánverja taka meiri áhættu,
spila af meiri krafti, skapa fleiri
færi og skora fleiri mörk – í þessum
tíu útsláttarleikjum sem áður voru
nefndir skoraði Spánn aðeins þrisv-
ar meira en eitt mark – en þetta er
þeirra leið. Leiðinleg eða ekki, þá er
þetta rökrétt aðferð og árangursrík.
Sögubækurnar
Spænska landsliðið er stórkost-
legt fótboltalið, þótt það verði
sennilega aldrei jafn elskað og lið
Brasilíu sem varð heimsmeistari
í Mexíkó 1970. En ef Spánn verð-
ur heimsmeistari í sumar er nán-
ast hægt að leggja umræðuna um
besta landslið allra tíma til hliðar.
Þótt Brasilía hafi unnið öruggan
sigur á Spáni í úrslitaleik Álfu-
keppninnar í fyrra og nokkrir lyk-
ilmenn liðsins hafi spilað undir
pari í vetur, þá er erfitt að veðja
gegn heimsmeisturunum þegar út
í alvöruna er komið. Del Bosque
og lærisveinar hans hafa nefni-
lega fullkomnað þá list að vinna
fótboltaleiki á síðustu árum.
Hægláti sigurvegarinn
Spánverjar hafa átt ótrúlegri velgengni að fagna undanfarin ár og eiga möguleika á að vinna sitt
fjórða stórmót í röð. Þrátt fyrir það er þjálfarinn Vicente del Bosque með báða fætur á jörðinni.
Ingvi Þór
Sæmundsson
sport@frettabladid.is
© GRAPHIC NEWSHeimild: FIFA
Aðeins tólf lið hafa komist í úrslitaleik HM síðan fyrsta keppnin
var haldin árið 1930. Af þeim hafa aðeins átta orðið meistarar.
2010: Nýtt land
á bikarinn
Gestgjafarnir
stefna á
sjötta titilinn.
England
Spánn
Tékkóslóvakía
Ungverjaland
Svíþjóð
Holland
Frakkland
Úrúgvæ
ArgentínaÞýskaland
ÚrslitaleikirSigurvegarar
5 titlar
4
3 2
2
6
7 4
7
úrslitaleikir
2
2
1
3
2
2
1
1
1
1
1
Brasilía
Ítalía
FIFA-heimsmeistara-
bikarinn: Fyrst veittur
1974 eftir að Brasilía
vinnur Jules
Rimet-bikarinn til
eignar með þriðja
sigri sínum (sjá hér
fyrir neðan)
TapliðSigurvegari
1930
1934
1938
1950
1954
1958
1962
1966
1970
Úrúgvæ
Ítalía
Ítalía
Úrúgvæ
V-Þýskaland
Brasilía
Brasilía
England
Brasilía
Argentína
Tékkóslóvakía
Ungverjaland
Brasilía
Ungverjaland
Svíþjóð
Tékkóslóvakía
V-Þýskaland
Ítalía
Gestgjafi
Úrúgvæ
Ítalía
Frakkland
Brasilía
Sviss
Svíþjóð
Síle
England
Mexíkó
4-2
2-1
4-2
2-1
3-2
5-2
3-1
4-2
4-1
1974
1978
1982
1986
1990
1994
1998
2002
2006
2010
V-Þýskaland
Argentína
Ítalía
Argentína
V-Þýskaland
Brasilía
Frakkland
Brasilía
Ítalía
Spánn
Holland
Holland
V-Þýskaland
V-Þýskaland
Argentína
Ítalía
Brasilía
Þýskaland
Frakkland
Holland
Þýskaland
Argentína
Spánn
Mexíkó
Ítalía
Bandaríkin
Frakkland
Suður-Kórea/Japan
Þýskaland
Suður-Afríka
2-1
3-1
3-1
3-2
1-0
0-0 (vítaspyrnukeppni 3-2)
3-0
2-0
1-1 (vítaspyrnukeppni 5-3)
1-0
Liðin í úrslitaleikjum HM