Fréttablaðið - 31.05.2014, Qupperneq 38

31. maí 2014 LAUGARDAGUR| HELGIN | 38
Það virðast allir hafa verið jafn hungraðir eftir að fá galleríið aftur eins og ég að byrja. Sem er gott,“ segir Marín Magnúsdóttir sem nýlega opnaði aftur listagall-erí á Skagen, nyrst á Jótlandi, nú
undir nafninu m galleri. Hún segir lífið
yndislegt á Skagen sem er næstum eins
og eyja, ekkert nema strendur og sandur
í kring og birtan einstaklega rómantísk.
Hvernig skyldi hana hafa borið þangað?
„Ég kom hingað með manni sem var
í kvikmyndabransanum en okkar leiðir
skildi fljótlega. Ég byrjaði að vinna í gall-
eríi við höfnina með rússneskum lista-
mönnum og upp úr því kynntist ég núver-
andi eiginmanni mínum, Knud Degn
Karstensen, sem á og rekur hér skipa-
smíðastöð, Karstensen Skibsværft. Eftir
það breyttist tilvera mín til batnaðar þann-
ig að það var einhver meining með þessu
öllu.“
Reyndar er húsið hennar Marínar aðeins
utan við bæinn. „Ég bý úti í heiði með
honum Knud mínum, hestunum, hundi og
ketti,“ segir hún glaðlega. „Er með níu
íslenska hesta og hef fengið mikið hrós
fyrir þá. En ég datt af baki fyrir nokkrum
árum og meiddi mig illa svo ég stunda ekki
útreiðar lengur, þess vegna fór ég í staðinn
að rækta hesta og gengur bara vel.“
Alþjóðleg sýning
Marín er dóttir Magnúsar Thorvaldsson-
ar blikksmiðs, sem er látinn fyrir nokkr-
um árum, og Önnu Gestsdóttur ljósmóð-
ur, sem Marín lýsir sem hörkuduglegri
konu. Marín á þrjú börn með fyrri manni
sínum, Ólafi Schram, þau Magnús Orra,
Ellert Kristófer og Önnu Marín. Eigin-
maður hennar, Knud Karstensen, á einnig
þrjú börn. „Öll börnin okkar eru vel gift
og hamingjusöm, strákarnir mínir búa á
Íslandi og Anna Marín í Árósum,“ lýsir
Marín og segir þau Knud Degn eiga fimm-
tán barnabörn og hún eitt langömmu-
barn. „Þetta er stór fjölskylda,“ segir hún
ánægjuleg.
Nú er allur gróður útsprunginn á Skag-
en, enda komið sumar. Marín segir stað-
inn laða að sér ferðamenn í stórum stíl,
um milljón manns keyri þar í gegn á ári.
Nyrsti tanginn, Grenen, þykir einstakur
þar sem öldurnar út af honum mætast og
teygja sig upp með tilþrifum. „Á sumrin er
hér fullt af ferðamönnum en svo er rólegt
á veturna, þannig að Skagen er eins og
tveir ólíkir bæir eftir árstíðunum.
Hér er náttúran sterk, fólkið gott og sem
Íslendingi finnst mér ég vera á besta stað í
Danmörku.“
En þótt Marín sé ánægð með Skagen þá
finnst henni rokið þar stundum fullmikið.
„Vestanvindurinn er stífur hér. Hann getur
orðið svo hvass að ég sitji uppi með lauf-
laus tré á miðju sumri.“
En eru Íslendingar tíðir gestir á Skagen?
„Ég verð ekki mikið vör við þá, fyrir utan
fjölskyldu og vini sem koma í heimsókn.
Stundum hitti ég landa sem hafa verið við
nám í Árósum eða Álaborg og alltaf verið
á leiðinni hingað en ekki látið verða af því.
En Norræna stoppar í Hirsthals og þaðan
er bara rúmlega hálftíma keyrsla hingað
svo það ætti ekki að vera mikið mál fyrir
fólk að kíkja.“
Listamenn frá Rússlandi, Hollandi, Dan-
mörku og Íslandi eru með verk núna í m
gallerii, að sögn Marínar. Svo verður ný
sýning sett upp í lok júní og sú þriðja í lok
júlí. Þrjár til fjórar sýningar eru fyrir-
hugaðar á ári og um hásumarið er opið sex
daga vikunnar.
Skagen eftirlæti málara
Marín segir Skagen eftirsóttan af lista-
mönnum og mörg gullaldarmálverk hafa
orðið til þar. Því má segja að hún búi í
miðju málverki.
Í bænum segir Marín líka frægt lista-
safn, Skagen Museum, sem hafi sterkt
aðdráttarafl. Um tíma kveðst hún hafa
rekið gallerí undir nafninu Galleri
Katedralen. „En fyrir um fimm árum var
bankakrísan alveg að fara með mig. Það
var líka brotist inn í galleríið og fram-
ið rán þannig að ég missti helminginn af
sumarsýningunni það árið. Þá lokaði ég og
fór bara að sinna betur ræktun íslenskra
hesta,“ lýsir hún. „Nú ákvað ég að byrja
aftur með listsýningarnar og gengur alveg
glimrandi vel.“
Gunnþóra
Gunnarsdóttir
gun@frettabladid.isOpnaði gallerí
í miðju málverki
Á Skagen, nyrsta odda Danmerkur, þar sem öldur
Skagerraks og Kattegats kyssast án afláts, sandurinn er
hvítur og birtan engu lík, þar býr Marín Magnúsdóttir.
Hún vakti gallerí sitt nýlega af nokkurra ára blundi enda
hefur Skagen löngum verið eftirlæti listunnenda.
MEÐ HUNDINN ELLU Marín hefur búið á Skagen frá árinu 1987 og unir hag sínum vel.
GALLERÍIÐ Um
hásumarið er opið sex
daga vikunnar.
MYNDIR/TORBEN RAHN
INNANHÚSS Listaverkin njóta sín vel í m gallerii. Listamenn víða að úr heiminum sýna þar verk sín.
Skagen er eins
og tveir ólíkir bæir
eftir árstíðunum. Hér
er náttúran sterk,
fólkið gott og sem
Íslendingi finnst mér
ég vera á besta stað
í Danmörku.