Fréttablaðið - 27.06.2014, Blaðsíða 50

27. júní 2014 FÖSTUDAGUR| MENNING | 30
„Björk er einstaklega frumlegur listamaður og hefur haft gríðar leg
áhrif á sína kynslóð með framlagi sínu til samtímatónlistar, myndbanda,
kvikmynda, tísku og listsköpunar almennt. Þessi tilraunakennda sýning
gefur gestum tækifæri til að upplifa list hennar frá fyrstu hendi,“ segir
Klaus Biensenbach, safnstjóri MoMA og deildarstjóra MoMA PS1, um
sýningu tileinkaða Björk Guðmundsdóttur sem verður sett upp í MoMA,
The Museum of Modern Art, í New York næstkomandi vor.
Sýningin er tileinkuð fjölþættri list Bjarkar Guðmundsdóttur og
spannar meira en 20 ár af djörfum og ævintýralegum verkefnum Bjark-
ar, sem tengjast sjö hljóðversplötum hennar, frá Debut (1993) til Biop-
hilia (2011).
Varpað verður ljósi á feril hennar í gegnum tónlist, kvikmyndir, mynd-
efni, hljóðfæri, hluti, búninga og flutning. Innsetningin mun innihalda
frásögn, bæði ævisögulega og skáldaða, sem samin er af Björk og Sjón.
Samvinna Bjarkar við leikstjóra, ljósmyndara, fatahönnuði og listamenn
verður hluti af sýningunni. Sérstök mynd verður gerð fyrir sýninguna
þar sem leikstjórinn Andrew Huang og Autodesk, leiðandi afl í þrívídd-
arhönnun, munu hugsa og hanna í samvinnu við Björk.
Sýningin, sem ber yfirfyrirsögnina Björk, mun standa yfir í MoMA
frá 7. mars til 7. júní 2015 og er MoMA eini sýningar staðurinn. Safnið
hefur verið framarlega í heiminum í að safna og varðveita módernisma
og nýlist og hefur oft verið talið áhrifamesta móderníska safn í heim-
inum. Í eigu safnsins eru tímalaus módernísk verk á borð við The Starry
Night eftir Vincent van Gogh og í eigu safnsins er eitthvert stærsta safn
vestrænna módernískra verka í heiminum. Safnið var einnig það fyrsta í
heiminum til að sýna arkitektúr og hönnun. alfrun@frettabladid.is
Einstaklega
frumlegur
listamaður
MoMA, The Museum of Modern Art, í New York
setur upp sýningu tileinkaða listsköpun Bjarkar
Guðmundsdóttur þar sem varpað verður ljósi á
20 ára fj ölbreyttan og frumlegan feril tónlistarkon-
unnar. Sýningin verður opnuð þann 7. mars 2015.
PLATAN SEM SLÓ Í GEGN Debut kom út árið 1993
þar sem lögin Human Behaviour, Venus as a Boy og
Big Sensuality voru vinsæl.
RÖDDIN
Í AÐAL-
HLUTVERKI
Platan
Medúlla
kom út árið
2004 og
var nánast
alveg án
hljóðfæra.
MoMA kynnir Biophilia-öppin, blandaðan
hugbúnað og tónlistarplötu með gagnvirkri
grafík, teiknimyndum og nótum af tónlistinni.
Verkefnið var búið til af Björk ásamt M/M
Paris, Sjón, Scott Snibbe, Kodama Studios,
Touch Press, Relative Wave, Nikki Dibben,
Stephen Malinowski og John F. Simon Jr. Öpp
Bjarkar eru hin fyrstu sem komast í eigu
safnsins og fara í raðir stafrænnar hönnunar
eins og tölvuleikja, myndefnis, myndtákna
og sérsniðinna gagnvirkra verka. Öppin eru
gjöf frá Björk og útgefanda hennar, One Little
GEFUR MOMA
BIOPHILIA-ÖPPIN
BIOPHILIA Björk sést hér
á Biophilia-tónleikum en
hún flakkaði heimshorna
á milli og var góður rómur
gerður að þeirri för.
www.borgunarbikarinn.is
Valbjarnarvelli
Föstudaginn 27. júní
kl. 17:15
Stjarnan
Fylkisvelli
Föstudaginn 27. júní
kl. 18:00
Fylkir KR
8-liða úrslit kvenna
Vodafonevelli
Laugardaginn 28. júní
kl. 14:00
Valur Breiðablik
JÁVERK-velli
Laugardaginn 28. júní
kl. 14:30
Selfoss ÍBV
MENNING