Fréttablaðið - 27.06.2014, Blaðsíða 62

27. júní 2014 FÖSTUDAGUR| LÍFIÐ | 42
„Plötuna tókum við upp á Egils-
stöðum fyrir áramót en við áttum
sönginn eftir. Svo fer ég óvænt út
í janúar, ekkert búinn að syngja,
en sem betur fer lifum við á
21. öldinni svo ég komst í sam-
band við stúdíó hér úti og kláraði
mitt,“ segir knattspyrnumaður-
inn og söngvarinn Ásgeir Börkur
Ásgeirsson en hljómsveit hans,
Mercy Buckets, heldur útgáfutón-
leika á Gauknum hinn 4. júlí.
Ásgeir gerði samning við
sænska B-deildarliðið GAIS í
janúar en hann var áður á mála
hjá Fylki í Árbænum. „Það kom
vissulega smá babb í bátinn við
þessa flutninga en við vorum
búnir að vera duglegir. Þegar ég
kláraði sönginn fór þetta allt að
rúlla hjá okkur,“ segir Ásgeir, sem
kemur hingað til lands á sunnu-
daginn en þá hefst stutt leikjahlé í
sænsku deildinni. Þar af leiðandi
hafi það verið kjörið að smella í
eina útgáfutónleika í sumarfríinu.
Ásgeir segir sveitina spila svo-
kallað partírokk. „Við höfum allir
verið viðloðandi þungarokkið en
höfum mikinn áhuga á hefðbundnu
rokki og róli líka. Þetta er því rokk
og ról með þungarokksáhrifum,
sem við köllum partírokk.“
Tímabilinu í sænsku deildinni
lýkur í nóvember og fær Ásgeir þá
gott sex vikna frí á Íslandi. Verður
þá farið í tónleikaferðalag? „Það
er mjög góð spurning. Af hverju
ekki?“ segir hinn eldhressi Ásgeir
Börkur að lokum. - ka
FÖSTUDAGSLAGIÐ
Við höfum
allir verið við-
loðandi þunga-
rokkið en höfum
mikinn áhuga á
hefðbundnu
rokki og róli líka.
„Hugmyndin kviknaði hjá okkur
um seinustu jól,“ segir Halldór
Halldórsson, betur þekktur sem
Dóri DNA, um nýjasta uppátæki
sitt og Bergs Ebba Benediktssonar,
en þeir félagar vinna nú að hand-
riti að fyrstu íslensku jólamynd-
inni. „Markmiðið er að fanga þessa
séríslensku jólastemningu,“ segir
Bergur Ebbi. „Gulu og rauðu per-
urnar á svölum í Fellunum, panikk-
ið í slyddunni á bílastæðinu fyrir
utan Kringluna á Þorláksmessu,
myrkrið, maníuna, útvarp Reykja-
vík og allt það.“
Félagarnir fengu nýlega styrk
frá Kvikmyndasjóði til þess að
skrifa handritið. „Við ætlum að
klára fyrsta uppkast sem fyrst,
koma því upp og fara síðan að leita
uppi peninga,“ segir Halldór. Verk-
efnið hlaut vinnuheitið Þú komst
með jólin til mín og munu íslensk
jólalög vera rauður þráður í mynd-
inni. „Þetta er eins konar blanda
af Love Actually og Das Leben
der Anderen,“ segir Halldór og
bætir Bergur því við að hand ritið
geti verið vandasamt verkefni.
„Í sögu sem þessari þarf að feta
veg milli hláturs og gráts og leyfa
hvort tveggja en fyrst og fremst að
reyna að hafa þetta mannlegt.“ -bþ
Mið-Ísland vill íslenska jólamynd
Uppistandararnir Bergur Ebbi Benediktsson og Halldór Halldórsson vinna að
handriti að fyrstu íslensku jólamyndinni sem fangar séríslenska jólastemningu.
SVEITTIR VIÐ SKRIFIN Félagarnir Dóri
DNA og Bergur Ebbi leggja mikla vinnu
í handritið. FRÉTTABLAÐIÐ/VALLI
Þú færð Blaðberann þinn í Skaftahlíð 24
alla virka daga frá kl. 9-17.
óðar fréttir fyrir umhverfiðBlaðberinn...
Blaðberinn
bíður þín
„Ætli ég verði ekki bara að segja
lagið Burn með Deep Purple.“
Andrea Gylfadóttir, tónlistarkona.
Útgáfutónleikar í fótboltafríinu
Knattspyrnukappinn Ásgeir Börkur Ásgeirsson og hljómsveit hans, Mercy
Buckets, halda útgáfutónleika fyrstu plötu sinnar á Gauknum í næstu viku.
„Hugmyndin að peysunni kom
upp í tengslum við textana okkar
í hljómsveitinni Hljómsveitt, þá
sérstaklega í laginu Kynþokka-
full en lagið fjallar um líkams-
hár og að allt sé fallegt, sama
hvort þú rakar þau af eða ekki,“
segir tónlistarkonan Katrín Helga
Andrés dóttir, en lopapeysa sem
hún klæddist á tónleikum Reykja-
víkur dætra á tónlistarhátíðinni
Secret Solstice um síðustu helgi
hefur vakið mikla athygli.
„Það var vinkona mín, fata-
hönnuðurinn Ýr Jónsdóttir, sem
prjónaði sitthvora peysuna á mig
og systur mína. Þær eru í raun og
veru eins nema önnur snýr öfugt.“
Katrín segir líkamshár ekki
vera neitt til að skammast sín
fyrir. „Það er mikil pressa á fólki
að raka hár í dag. Með þessu
viljum við þó heldur ekki pressa
á fólk að raka sig ekki, allt er
fallegt.“
Katrín er meðlimur stúlkna-
rappsveitarinnar Reykjavíkur-
dætra ásamt því að spila með
sinni eigin hljómsveit, Hljóm-
sveitt. Reykjavíkurdætur skarta
oft fjölbreyttum klæðnaði á sviði
og því vert að spyrja hvort mark-
miðið sé að vekja athygli með
klæðaburðinum. „Alls ekki. Það
fer bara rosalega mikið eftir gigg-
um hvernig við klæðum okkur,
stundum mæti ég í gallabuxum og
hlýrabol. Þegar maður er á sviði
má maður hins vegar vera eins
áberandi og maður vill, þá eru
engar hömlur. Ég veit hins vegar
ekki hverju ég ætla að klæðast
næst, ætli ég verði ekki að fara að
taka við öllum tilboðum. Þeir fata-
hönnuðir sem eru að gera eitthvað
spennandi mega endilega hafa
samband,“ segir Katrín og hlær.
Reykjavíkurdætur spila á
Gauknum í kvöld ásamt Grísa-
lappa lísu og hefjast tónleikarnir
kl. 21. „Hljómsveitt ætlar einnig
að frumflytja nýjasta smellinn,
Næs í rassinn, en textinn kemur
úr einlægri tjáningarþörf,“ segir
Katrín að lokum.
kristjana@frettabladid.is
Líkamshár eru falleg
Tónlistarkonan Katrín Helga Andrésdóttir vakti mikla athygli fyrir lopapeysu
sem hún klæddist á tónlistarhátíðinni Secret Solstice um síðustu helgi.
Katrín segir allt fallegt, hvort sem fólk kýs að raka líkamshárin sín af eða ekki.
FRUMLEG OG FLOTT Katrín var hæstánægð með peysuna sem vinkona hennar,
fatahönnuðurinn Ýr Jónsdóttir, prjónaði handa henni. MYND/ANTONÍA LÁRUSDÓTTIR
Það er
mikil pressa á
fólki að raka
hár í dag. Með
þessu viljum við
þó heldur ekki
pressa á fólk að
raka sig ekki,
allt er fallegt.
FRÉTTABLAÐIÐ/STEFÁN
Þetta er eins konar
blanda af Love Actually
og Das Leben der
Anderen.