Fréttablaðið - 28.06.2014, Side 16

28. júní 2014 LAUGARDAGUR| HELGIN | 16
Á MARKAÐ sem tólf ungir
myndskreytar halda í Hinu
húsinu og kauptu verk beint
af listamönnunum. Í boði verða ein-
stök verk, verk í takmörkuðu upplagi
og verk prentuð í stærra upplagi.
Á NÝJA PLÖTU EDS
SHEERAN sem heitir því
einfalda nafni X. Platan fór
á topp iTunes-listans á nokkrum
klukkutímum.
SÍÐUSTU ORÐSENDINGU
ELSKHUGANS eftir Jojo
Moyes. Hjartaskerandi, fyndin
og vel fléttuð saga sem segir sögur
tveggja kvenna. Önnur gerist um
1960 og hin 2003. Hefur eitthvað
breyst á fjörutíu árum?
Á THE
WOLVERINE
á Stöð 2 í
kvöld. Leikstjóri er
James Mangold
og aðalleik-
arar Famke
Janssen og Hugh
Jackman. Ofur-
hetjumynd frá
2013 þar sem
Hugh Jackman
fer á kostum.
Hjálmar urðu í raun til fyrir ákveðna slysni, þegar við vorum að taka upp reggí með Rúna Júl í Geimsteini
árið 2004,“ segir Guðmundur
Kristinn Jónsson, gítarleik-
ari í hljómsveitinni Hjálmum,
en hún fagnar tíu ára afmæli
í ár. Í því tilefni er ýmislegt á
döfinni hjá sveitinni og má þar
nefna afmælistónleika í Eld-
borgarsal Hörpu í september
og þá mun líta dagsins ljós veg-
leg safnplata með bestu lögum
Hjálma. „Platan sem mun bera
heitið Skýjaborgin mun inni-
halda samtals 30 lög og þar af
þrjú nýleg,“ bætir Guðmundur
Kristinn við.
Fyrsta plata Hjálma kom
út árið 2004 og ber titilinn
Hljóðlega af stað en óhætt er
að segja að Hjálmar hafi ekki
farið hljóðlega af stað, því plat-
an varð gífurlega vinsæl, náði
gullsölu og var valin rokkplata
ársins á Íslensku tónlistarverð-
laununum auk þess sem Hjálm-
ar voru valdir bjartasta vonin.
„Við bjuggumst ekki við þess-
ari velgengni til að byrja með.
Ég hafði ekki mikið hlustað á
reggí áður en þetta byrjaði, það
var aðallega Steini sem hafði
hlustað á reggí í Svíþjóð og
hafði mestu reggíþekkinguna,“
útskýrir Guðmundur Kristinn.
Hjálmar eru í raun frum-
kvöðlar á reggísviðinu á
Íslandi. „Í öllum öðrum lönd-
um voru til reggíbönd en
ekki hérna en nú er til fullt af
reggíhljómsveitum og ég fagna
því, reggísenan á Íslandi er
flott.“
Sveitin hefur farið utan til
þess að drekka í sig uppruna
reggísins. „Við fórum til Jama-
íka árið 2009 og tókum upp
plötu, það var magnað. Við
fórum meðal annars heim til
Bobs Marley heitins og hittum
þar son hans. Við höfum þó
ekki planað neina svona píla-
grímsferð í bráð.“
Hinn 1. júlí er alþjóðlegi
reggídagurinn og ætla Hjálmar
af því tilefni að hefja miðasöl-
una á afmælistónleikana sína
þann dag. „Það kom auðvitað
ekkert annað til greina en að
nýta þenna yndislega dag í að
hefja miðasöluna.“
gunnarleo@frettabladid.is
Frumkvöðlar í reggítónlist
Hljómsveitin Hjálmar fagnar í ár tíu ára afmæli sínu með pomp og prakt.
HJÁLMAR Það hallar ekki á neinn þótt fullyrt sé að þeir séu með helstu reggísnillingum landsins. MYND/GUÐMUNDUR VIGFÚSSON
Valdimar Guðmundsson
tónlistarmaður
Metnaður í Manager
Ég mun líklega klára tímabilið mitt með
Tottenham í Football Manager 2013.
Ég sé svo til hvort maður kíki eitthvað
út með strákunum í kvöld.
Æsispennandi helgi.
Snæbjörn Ragnarsson,
tónlistarmaður og skáld
Sofa, sofa, sofa
Ég á frí um helgina! Það
gerist aldrei. Ég þarf reyndar
sennilega að fara aðeins í
stúdíóið, og svo þarf ég að
drulla mér út að hlaupa og í
ræktina ef ég ætla að komast
þetta Reykjavíkurmaraþon.
Og sofa.
Anna Svava Knútsdóttir
leikkona
Nýbúin í hálskirtla-
töku
Ég ætla að gera nákvæmlega
ekki neitt. Ég var í hálskirtla-
töku og mér líður ömurlega.
Èg ætla nú samt að láta mig
dreyma um pitsu og annan
mat.
Elísabet Gunnarsdóttir,
tísku bloggari og viðskipta-
fræðingur
Pensill og skúringar
Ég verð í málningargallanum
fyrripart helgarinnar með
pensil í annarri en skúringa-
græjurnar í hinni og horfi
á sólina út um gluggann. Á
sunnudaginn ætla ég síðan
að stinga af til Feneyja.
Útgefnar plötur
Hljóðlega af stað 2004
Hjálmar 2005
Ferðasót 2007
IV 2009
Keflavík Kingston 2010
Órar 2011
HJÁLMAR Í TÍU ÁR
Hjálmar hafa ávallt valið að flytja efni
sitt á íslensku og árið 2010 fékk hljóm-
sveitin verð laun á Degi íslenskrar tungu
fyrir stuðning sinn við málið. Um þessar
mundir eru Hjálmar einnig að leggja
lokahönd á upptökur með Norðmann-
inum Erlend Oye, sem margir þekkja í
gegnum hina frábæru hljómsveit Kings
of Convenience. Í júlí munu Hjálmar
einmitt koma fram ásamt Erlend á
norsku tónlistarhátíðinni Træna.
FARÐU
HLUSTAÐU
LESTU
HORFÐU...
28. júní 2014 LAUGARDAGUR
HELGIN
Grilluð kjúklingaspjót í
BBQ-döðlusósu
Aðalréttur fyrir 4
1 kg kjúklingalæri (úrbeinuð og
skinnlaus)
8 grillspjót (ef þau eru tréspjót,
þá þarf að leggja þau í heitt
vatn í lágmark þrjá tíma)
BBQ-döðlusósa
100 g döðlur (steinlausar)
Vatn
Eplaedik
Tómatsósa
Paprikuduft
Dijon-sinnep
1 tsk. chilisósa
Sojasósa
Sjóðið vatnið og döðlurnar
og setjið í matvinnsluvél
ásamt restinni af hráefninu,
blandið vel saman þar til að
úr verður þykk sósa, smakkið
til með salti og pipar.
Skerið kjúklinginn í litla bita
u.þ.b. 4x4 cm og setjið í
bakka, hellið BBQ-sósunni
yfir og látið marinerast
í lágmark 30 mín. Þá er
kjúklingurinn þræddur upp
á spjótin og þau grilluð á vel
heitu grillinu.
Salat með sætum kart-
öflum, ab-mjólk og fetaosti
200 g ab-mjólk
100 g hreint skyr
100 g sýrður rjómi með gras-
lauk og lauk
80 g fetaostur
2 msk. olía
600 g sætar kartöflur
Salt og pipar
Skrælið sætu kartöflurnar,
skerið í bita, steikið í olíunni
og kælið. Hrærið saman ab-
mjólk, skyri, sýrðum rjóma
og muldum fetaosti. Kryddið
með salti og pipar. Blandið
að lokum sósunni og sætu
kartöflunum saman.Hægt er
að nota venjulegar kartöflur
í stað sætra kartaflna.
Heimild: Heilsutorg.is
Sumarlegur matur sem er tilvalinn í garðinn
Ferskt og frumlegt kartöfl usalat og girnileg kjúklingaspjót í BBQ-döðlusósu á grillið.