Fréttablaðið - 29.10.2014, Page 31

KYNNING − AUGLÝSING Ferðir29. OKTÓBER 2014 MIÐVIKUDAGUR 3
Dalirnir tveir sem mynda Skíðasvæði Ísafjarðarbæjar, Tungudalur og Seljalands-
dalur, hafa stundum verið kallað-
ir best geymda leyndarmál Vest-
fjarða. Í skíðalöndum Ísfirðinga er
yfirleitt nægur snjór jafnvel þótt
hann vanti annars staðar á landinu.
Á skíðasvæðinu er hægt að stunda
allar gerðir skíða, í Tungudal eru
þrjár lyftur og gönguskíðasvæðið í
Seljalandsdal er eitt það stærsta á
landinu „Göngubrautirnar spanna
marga erfiðleikaflokka þannig að
flestir geta fundið eitthvað við sitt
hæfi þar,“ segir Gautur Ívar Hall-
dórsson, forstöðumaður skíðasvæð-
isins. „Á Seljalandsdal er nánast
alltaf opið þegar viðrar til útivist-
ar. Um helgar eru troðnar braut-
ir þar allt upp í tíu kílómetra lang-
ar á opnunartíma svæðisins en við
stefnum á að opna þar í nóvember
en í Tungudal opnum við um mán-
aðamótin nóvember/desember. Í
Tungudal eru fjölbreyttar brekkur
við allra hæfi sem henta jafnt byrj-
endum sem lengra komnum. Einn-
ig bjóðum við upp á kennslu fyrir
alla.“
Fjallaskíðamennskan vinsæl
Snjóbrettin eru að sjálfsögðu ekki
skilin útundan. „Við höfum unnið
mikið með brettaáhugafólki til að
skapa gott brettasvæði. Ef aðstæð-
ur leyfa búa starfsmenn til stökk-
palla, bordercross-brautir og fleira
til að stytta brettaköppum stund-
ir. Einnig bjóðum við upp á fjalla-
skíðamennsku en fjallaskíðamenn-
ingin er orðin vinsæl og margir vilja
prófa hana. Þá er farið í ósnortnar
brekkur þar sem engir troðarar eða
vélsleðar hafa komið í, það er ein-
faldlega gengið upp á fjall og farið
niður á þar til gerðum fjallaskíð-
um,“ útskýrir Gautur Ívar. Hægt
er að fá leiðsögumenn í slíkar ferð-
ir í gegnum Borea Adventure en að
sögn Gauts Ívars eiga öll fyrirtæk-
in á svæðinu, sem hafa með vetrar-
íþróttir og ferðamennsku almennt
að gera, í góðu samstarfi.
Skíðasvæðið er vel geymt leyndarmál
Vestfirðir eru góðir heim að sækja. Vetrarkvöldin eru stjörnubjört, norðurljósin sindra og nálægðin við náttúruna er mikil. Alls
kyns afþreying er í boði þar sem flestir geta fundið eitthvað við sitt hæfi. Sundlaugar, bíó, veitingastaðir, listsýningar og fjölbreytt
tónlistarlíf blómstrar. Þá er skíðasvæði Ísafjarðarbæjar eitt það besta á landinu enda státar það meðal annars af Latabæjarbrekku.
Latabæjarbrekkan er sú eina sinnar
tegundar en starfsfólk skíðasvæðisins
hefur verið í samstarfi við Latabæ sem
hefur gengið vel.
Gautur Ívar Halldórsson er forstöðumaður
skíðasvæðis Ísafjarðarbæjar.
Skíðasvæði Ísafjarðarbæjar er eitt það besta á landinu.
Menningarlíf í blóma
Gautur Ívar leggur áherslu á að
svipað langt er að keyra frá höfuð-
borgarsvæðinu til Ísafjarðar og til
Akureyrar og yfir jafn mörg fjöll að
fara. Einnig að skíðasvæði Ísafjarð-
arbæjar er eitt það ódýrasta á land-
inu og að ýmis önnur afþreying er
í boði í bænum. „Á veturna er ís-
firskt menningarlíf í miklum blóma,
meðal annars tónlistarviðburð-
ir og fjölbreyttar listsýningar. Við
verðum með lengri opnunartíma á
skíðasvæðinu um helgar og sérstak-
lega í vetrarfríum eftir áramót, það
er að segja frá miðjum febrúar fram
yfir fyrstu helgina í mars. Þá verð-
um við í samstarfi við Latabæ og
skíðasvæðið okkar er það eina sem
er með Latabæjarbrekku. Í henni
eru fígúrur úr Latabæ sem börnin
skíða í gegnum til að æfa beygjurn-
ar. Við byrjuðum þetta samstarf í
fyrra og gekk það mjög vel.“
Gaman að prófa eitthvað nýtt
Rekstur skíðasvæðis Ísfirðinga
hefur almennt gengið vel undan-
farin ár.
„Snjórinn hefur verið nægur og
aðsókn hefur aukist, sérstaklega
meðal heimamanna. Okkar tak-
mark var að ná til heimamanna
fyrst og nú ætlum við að ná til
annarra ferðamanna. Hingað er
gott að koma og alltaf gaman að
prófa eitthvað nýtt.“