Fréttablaðið - 29.10.2014, Síða 40

USD 121,21
GBP 195,25
DKK 20,66
EUR 153,80
NOK 18,31
SEK 16,45
CHF 127,50
JPY 1,12
Netfang rit stjorn@markadurinn.is Sími 512 5000 Fax 512 5301
Netfang auglýsingadeildar auglys ing ar@markadurinn.is Veffang visir.is
Gengi gjaldmiðla FTSE
6.402,17 +38,71
(0,61%)
Viðskiptavefur Vísis
@VisirVidskipti
STJÓRNAR -
MAÐURINN
@stjornarmadur
Áhugavert hefur verið að fylgjast
með raunum matvælarisans Tesco
í Bretlandi sem uppvís varð að
því að fegra reikninga sína. Bréf í
Tesco hafa fallið í verði um helm-
ing síðastliðið ár og lykilstjórnend-
ur tínst á brott.
BÓKHALDSHNEISAN er síðasta
hálmstráið í lengri raunasögu,
sem hófst þegar forstjórinn Terry
Leahy lét af störfum. Tesco hefur
verið með ríflega 30% markaðs-
hlutdeild á matvælamarkaði í Bret-
landi og tekjur félagsins námu árið
2013 tæpum 14.000 milljörðum
íslenskra króna, eða 185-földum
tekjum Haga. Þrátt fyrir þessar
ótrúlegu stærðargráðu er vanda-
málið hjá Tesco a.m.k. tvíþætt.
ANNARS VEGAR er Tesco skráð á
markað, og því þrýstingur á félagið
að vaxa. Hægara sagt en gert
fyrir félag sem notið hefur yfir-
burðastöðu á heimamarkaði. Því
þurfti Tesco að leita annarra leiða.
Félagið stofnsetti eigin banka og
farsímaþjónustu, á kaffihúsakeðju,
garðvörukeðju, þróaði spjaldtölvu
og streymiþjónustu í samkeppni
við Netflix og hóf rekstur í Banda-
ríkjunum og Asíu. Tesco var komið
langt frá upprunanum.
HINS VEGAR hefur félagið flotið
sofandi að feigðarósi. Tesco hélt
að óþarft væri að hafa áhyggjur af
nýju lágverðsverslununum Aldi og
Lidl, sem saman hafa náð 10% af
markaðnum í skjóli nætur. Tesco
svaraði heldur ekki kalli tímans
varðandi heimsendingu á matvæl-
um, en þar hefur aðilum á borð við
Ocado tekist að breyta neysluvenj-
um – fólk vill matinn upp að dyrum.
TESCO situr því uppi með 4.000
risaverslanir sem fólk vill ekki
versla í og þar sem leigusamn-
ingar eru oft og tíðum óhagstæð-
ir. Sala dregst saman í flestum
flokkum, hagnaður félagsins hefur
helmingast, framlegð fer versn-
andi og varla annað í spilunum en
að ráðast í hlutafjárhækkun.
Íslensk dæmi sýna að ekki er
ráðlegt fyrir ráðandi markaðsaðila
að slíðra vopn sín. Morgunblaðið
er ef til vill nýjasta og nærtækasta
dæmið.
ÞVÍ ER ÁHUGAVERT að heimfæra
vandræði Tesco upp á innlendan
matvörumarkað þar sem Hagar,
Kaupás og Samkaup ráða ríkjum.
Á Íslandi eru vissulega lágverðs-
verslanir á borð við Bónus og
Krónuna. Íslenskir matvælakaup-
menn nota hins vegar þrisvar sinn-
um fleiri fermetra en breskir koll-
egar þeirra til að selja fyrir sömu
upphæð. Þá er vefverslun í algerri
mýflugumynd. Loks er langstærsti
aðilinn á markaðnum í eigu líf-
eyrissjóða, en hætt er við því að
hluthafar sem fara með annarra
manna fé taki augun af boltanum.
Stjórnarmaðurinn mun fylgjast
með þróun á matvælamarkaði af
áhuga.
Að glata
yfirburðastöðu
402 MILLJÓNA GRÓÐI
Viðsnúningur Atlantsolíu
Hagnaður Atlantsolíu Holdings ehf. nam rúmum
402 milljónum króna á síðasta ári samanborið
við um 32 milljóna tap árið 2012. Eigið fé Atlants-
olíu Holdings, móðurfélags Atlantsolíu ehf., var
jákvætt um 705 milljónir í árslok 2013. Stjórn
félagsins hefur ákveðið að greiða 155 milljónir
í arð til hluthafa en þeir eru félögin Atlantsolia
Holdings LLC og Atlantsolia Investments LLC sem
eru skráð í Delaware í Bandaríkjunum.
28.20.2014 Staðan er sú að þrjú Norður-
landanna eru í ESB – þunginn í utanríkis-
pólitík þeirra beinist þangað. Eitt þeirra
notar evruna. Eitt er ríkasta land í heimi
og notar aurana meðal annars til að halda
úti öflugustu byggðastefnu sem þekkist í
veröldinni. En það er svosem gott
að láta sig dreyma.

Egill Helgason, þáttastjórnandi
EINSTÖK HÖNNUN
Norðursalt verðlaunað í Þýskalandi
Umbúðir Norðursalts hlutu fyrir helgi Red Dot-verðlaunin
í Berlín í Þýskalandi. „Veitt voru verðlaun fyrir Comm-
unication Design og hlaut Norðursalt verðlaun fyrir ein-
staka umbúðahönnun,“ segir í tilkynningu Sjávarklasans.
„Það má nefna að þeir sem hafa hlotið Red Dot-verðlaun
í gegnum tíðina eru fyrirtæki á borð við Nike, Apple og
Pepsi.“ Norðursalt er selt á Íslandi, í Danmörku og Þýska-
landi ásamt því að vera á næstu mánuðum á leiðinni í
frekari sölu á Norðurlöndunum, í Belgíu og Austurríki.