Skessuhorn - 03.12.2014, Qupperneq 25

25MIÐVIKUDAGUR 3. DESEMBER 2014
Eldvarnaátak og opið hús hjá Slökkviliði Akraness og Hvalfjarðarsveitar
Slökkviliðsmenn heimsóttu þriðju bekkinga
Slökkvilið Grundarfjarðar heim-
sótti á dögunum nemendur í þriðja
bekk Grunnskóla Grundarfjarð-
ar. Þar fræddu slökkviliðsmennirn-
ir nemendur um mikilvægi reyk-
skynjara, eldvarnarteppa, slökkvi-
tækja og flóttaleiða ef eldur brýst út
á heimilum. Svo sýndu slökkviliðs-
mennirnir hvernig þeir bera sig að
við reykköfun og að endingu buðu
þeir krökkunum á slökkvistöðina
þar sem krakkarnir fengu að skoða
tæki og tól slökkviliðsins. Vakti það
mikla lukku meðal nemenda sem
þótti spennandi að skoða sig um á
stöðinni.
tfk
Gleðidjamm og ljúfir tónar er heiti
nýrrar sýningar Bjarna Þórs
Bjarni Þór Bjarnason listamað-
ur á Akranesi hefur opnað mynd-
listarsýningu á kaffihúsinu Café
Mílanó í Reykjavík. Á sýningunni
eru tíu málverk unnin í akríl, með
tækni sem hann er búinn að til-
einka sér undanfarin ár. Þar not-
ar hann spaða og hendur í staðinn
fyrir pensla. Verkin eru öll mjög
litrík með tengingu við tónlistina,
þ.e. tekið í léttri sveiflu. Í dag vinn-
ur Bjarni Þór eingöngu við mynd-
list og rekur gallerí og vinnustofu
að Kirkjubraut 1 á Akranesi. Þau
tímamót eru hjá listamanninum
að þetta er þrítugasta einkasýning
hans. Sýningin stendur út desemb-
er og er opin á opnunartíma kaffi-
hússins.
-fréttatilkynning
Freisting vikunnar
Í nýliðnum mánuði leit blaða-
maður Skessuhorns við hjá hópi
mæðra í fæðingarorlofi sem hitt-
ast einu sinni í viku með börnin
sín. Í hverri viku bjóða þær heim
til skiptis og segja má að veisla sé
í hvert skipti. Harpa Harðardóttir
bauð heim þegar blaðamaður leit
við og hafði hún dekkað borð með
ýmsum veitingum. Margt girni-
legt var á boðstólum og samþykkti
Harpa að deila uppskriftinni að
ljúffengu kjúklingasalati með les-
endum Skessuhorns.
Satay saumaklúbbs kjúklingasal-
at (fyrir sjö stelpur)
6 kjúklingabringur (ca tveir pakkar
af bringum)
1 pakki af kúskús með sólþurrkuðum
tómötum
2 krukkur af satay sósu
1 poki af spínati
1 poki ruccola salat
½ - 1 krukka af fetaosti (eftir smekk)
1 rauðlaukur
1 poki appelsínugult Doritos
Aðferð: Skerið kjúklingabring-
ur í litla bita (u.þ.b. munnbita).
Veltið kjúklingabitunum upp úr
satay sósunni, þannig að þeir verði
alveg þaktir. Skerið rauðlaukinn í
smá ferningabita. Steikið svo kjúk-
linginn á miðlungshita og hell-
ið restinni af satay sósunni yfir á
pönnuna ef eitthvað er eftir. Setjið
spínatið í stóra skál og blandið við
rauðlaukinn og Doritos flögurnar
í skálinni. Gott er að hita kúskús-
ið þegar kjúklingurinn er alveg að
verða til, þar sem það tekur stuttan
tíma. Þegar kúskúsið og kjúkling-
urinn er tilbúinn er því blandað í
skálina. Að lokum er svo fetaostin-
um hellt yfir.
Kjúklingasalatið er tilbúið!
Girnilegt kjúklingasalat
fyrir saumaklúbbinn
Slökkvilið Akraness og Hvalfjarð-
arsveitar fagnar um þessar mundir
80 ára afmæli. Á þriðjudagsmorgun
í liðinni viku var mikill fjöldi barna
saman kominn í bækistöðvum
slökkviliðsins en þar fór fram eld-
varnafræðsla fyrir nemendur þriðja
bekkjar grunnskóla á Akranesi og
í Hvalfjarðarsveit. Eftir hádegið
bauð síðan slökkviliðið almenn-
ingi í opið hús og á sýningu. Það
var gert í tilefni eldvarna átaksins
2014 og 80 ára afmælis slökkviliðs-
ins. Gestum gafst kostur á að skoða
slökkvistöðina og búnað slökkvi-
liðsins.
Einu sinni á ári hafa slökkviliðs-
menn farið í grunnskóla á starfs-
svæðinu á Akranesi og í Hvalfjarð-
arsveit til að veita átta ára börnum
fræðslu um eldvarnir. Í þetta skipt-
ið var nemendum allra skólanna
stefnt í bækistöðvar slökkviliðs-
ins þar sem þeir fengu fræðslu um
hvernig þau eiga að bera sig að ef
eldur brýst út á heimili þeirra eða
í skólanum. Eftir að hafa hlýtt á
fræðsluna og fengið Svala og kleinu
fengu krakkarnir síðan að prófa
búnað slökkviliðsins svo sem þann
sem notaður er við að sprauta vatn-
inu og froðunni. Hefur það án efa
verið hápunktur dagsins hjá þeim.
Börnin höfðu margs að spyrja
í fræðslunni en fyrir svörum voru
Þráinn Ólafsson slökkviliðsstjóri,
Björn Karlsson forstjóri Mann-
virkjastofnunar og Regína Ásvalds-
dóttir bæjarstjóri Akraness sem
klæddist slökkviliðsbúningi í til-
efni dagsins. Í bland við spurning-
ar sögðu krakkarnir frá ýmsu sem
þeir hafa upplifað svo sem þegar
kviknaði í grillinu, þegar kviknaði í
pizzuofnum og fleiru. Í eldvarnaá-
takinu fræða slökkviliðsmenn um
allt land nemendur í þriðja bekk
grunnskólanna um eldvarnir heim-
ilisins. Börnin fá öll að gjöf hand-
bók og getraun til að fást við. Að
þessu sinni afhentu slökkviliðs-
menn börnunum einnig fræðslu-
efni um varnir gegn vatnstjóni en
gríðarlegt eignatjón, rask og jafn-
vel heilsutjón verður af völdum
vatnsleka á heimilum ár hvert.
Landssamband slökkviliðs- og
sjúkraflutningamanna hefur stað-
ið fyrir Eldvarnaátakinu samfleytt
í rösklega tvo áratugi og frætt um
eitt hundrað þúsund börn um eld-
varnir. Þau elstu eru nú um þrí-
tugt. Nýleg könnun Capacent Gal-
lup sýnir að yfirgnæfandi meiri-
hluti þátttakenda telur Eldvarnaá-
takið mikilvægt. Þá sýnir könnunin
jafnframt að slökkviliðs- og sjúkra-
flutningamenn njóta trausts með-
al almennings langt umfram helstu
stofnanir samfélagsins. þá
Börnin höfðu margs að spyrja. Froðan varð tilefni leikja hjá krökkunum. Það var spennandi að fá að sprauta vatninu.
Þráinn Ólafsson slökkviliðsstjóri, reykköfunarmaður í búningi og
Regína Ásvaldsdóttir bæjarstjóri.
Regína Ásvaldsdóttir bæjarstjóri ásamt reykköfunarmanni í fullum
búningi.
Ýmiss búnaður slökkviðsins er sýndum gestum á opnu húsi.