Læknablaðið - 15.12.2009, Blaðsíða 50

U M R Æ Ð
L Y F J A R
U R O G FRÉTTIR
ANNSÓKNIR
Faglegur og fjárhagslegur
ávinningur
„GlaxoSmithKline hefur á undanförnum árum gengið í gegnum
nokkra samruna og því hafa fylgt ýmsar breytingar í rekstri og
áherslum," segir Hjörleifur Þórarinsson, framkvæmdastjóri GSK
á íslandi. Fyrirtækið er í hópi stærstu lyfjaframleiðenda heimsins
og því eftir miklu að slægjast þegar klínískar lyfjarannsóknir eru
annars vegar.
Hávar „Við síðasta samruna var öll rartnsóknarlína
Sigurjónsson fyrirtækisins á heimsvísu endurhönnuð og
lagðar nýjar línur um hvaða lyfjaflokkar skyldu
rannsakaðir og hvar í heiminum rannsóknirnar
færu fram og ísland lenti því miður utan þess
ramma. Fram að þeim tíma hafði fyrirtækið
staðið að mjög umfangsmiklum klínískum
For the sabbatical of a lifetime: 0-800-8464 or doctors@gmedicaI.com
!ojj Global Medical Staffing, Ltd.
FXPERTS IN INTERNATIONAL IOCUM TENENS
“...My daughter and I had an amazing tirne. New Zealanders
are incredibly friendly, warm and helpful people. Global Medical
did a great job!” - Michelle Dhanak, MD
lyfjarannsóknum hér á landi með góðum árangri
en frá árinu 2007 hafa lyfjarannsóknir GSK farið
fram annars staðar. Síðasta stóra rannsóknin
sem við stóðum að lauk í haust og ekkert nýtt á
döfinni. Þeir sem störfuðu við rannsóknir á okkar
vegum eru hættir."
Hjörleifur segir að vissulega þyki honum og
samstarfsfólki hans þetta súrt í broti en fyrir þessu
séu þó skýrar ástæður. „Ein er sú að rannsóknir
hér á landi hafa orðið æ dýrari miðað við þau
lönd sem GSK horfir til í samanburði. Þá má segja
að lyfjafyrirtækin líti á Vesturlönd sem mettaðan
markað og beina því sjónum sínum, bæði hvað
varðar markaði fyrir lyf og rannsóknarvinnu,
til annarra landa, svo sem Kína, Indlands og
Brasilíu."
Hjörleifur undirstrikar þó að þrátt fyrir þessa
þróun þá sé rannsóknarstarf GSK ennþá langtum
mest í Evrópu og Bandaríkjunum.
„Mér finnst jafnvel mega merkja að rannsóknir
á vissum sviðum séu að vaxa aftur á þessu
svæði. Við höfum einnig verið beðin um að taka
saman svör við spurningum um hvað Island
hafi fram að færa sem rannsóknarsvæði og
hvað skapi því hugsanlega sérstöðu. Hér eru
möguleikar á sérhæfðum rannsóknum þar sem
til eru mjög ítarlegar upplýsingar um ákveðna
sjúkdómsflokka hjá sérhæfðum rannsóknarsetrum
eins og Hjartavernd og Krabbameinsfélaginu.
Heilbrigðiskerfið er ennfremur mjög gott og
starfsfólkið er mjög vel menntað og auðvelt
að halda utan um sjúklingahópa. Þetta eru allt
atriði sem halda verður fram ef markaðssetja
á ísland sem rannsóknarsvæði fyrir klínískar
lyfjarannsóknir."
Hjörleifur bendir á að smæð íslands sé ekki
kostur þegar klínískar lyfjarannsóknir eru annars
vegar. „Grunnkostnaður við rannsóknir er sá sami
hvort sem sjúklingahópurinn er stór eða lítill. Við
getum ekki keppt við stærri þjóðir hvað þetta
varðar. Við verðum að halda fram öðrum kostum.
Gæði rannsókna hér á landi eru þó ótvíræð og í
þessum harða heimi er sífellt meiri áhersla lögð
á aðferðafræði rannsókna og að hinn vísindalegi
þáttur sé eins skotheldur og hugsast getur."
Þegar kemur að einstökum löndum og heims-
svæðum gilda misjafnar reglur og heilbrigðis-
yfirvöld setja mismunandi kröfur um inntak
862 LÆKNAblaðið 2009/95