Læknablaðið - 15.11.2010, Qupperneq 3

Konur í fyrsta sinn í meirihluta
Þau tíðindi gerðust við stjómarkjör á aðalfundi Læknafélags íslands að í fyrsta sinn í sögu félagsins
eru konur í meirihluta í stjóm og skipa jafnframt öll embætti innan hennar. Kjör í stjórn fór einstaklega
friðsamlega fram og voru þær Valgerður Rúnarsdóttir og Anna K. Jóhannsdóttir sjálfkjörnar sem
varaformaður og ritari. Fyrir í stjórninni voru Sigurveig Pétursdóttir gjaldkeri og Birna Jónsdóttir
formaður.
Þá voru kjörnir fjórir meðstjómendur og voru fimm í framboði þannig að kosið var á milli þeirra.
Niðurstaða kosningar var að Ágúst Örn Sverrisson, Árdís Björk Ármannsdóttir, Orri Þór Ormarsson
og Ragnar Gunnarsson voru kjörin í stjórn. Fimmti meðstjórnandi er Valentínus Þór Valdimarsson
skipaður af Félagi almennra lækna.
■^^■LISTAMAÐUR M Á N AÐ A R I N S
Listakonan Inga Þórey Jóhannsdóttir (f. 1966) sýndi
nýverið í Listasafni Reykjanesbæjar og mátti þar sjá
verk sem á einn eða annan máta var hægt að tengja
hugmyndinni um ferðalag. Sýningin Flökkuæðar -
Loftfar samanstóð af stórum og smáum skúlptúrum
sem sumir minntu á farartæki og aðrir á farangur
enda efniviðurinn gjarnan sóttur beint í fundna hluti
sem þjónuðu áður tilgangi í tengslum við
slíkt. Skúlptúrarnir teygðu sig sumir í átt
að innsetningu eða þrívíðum málverkum
en einnig var notast við Ijós og hljóð
á sýningunni. Inga Þórey sneri upp á
hugtökin farartæki og {áfanga-)staður
með því að útbúa verk sem gátu verið
hvort tveggja í senn og þá í raun undir
áhorfendum komið að fylla í eyðurnar
eða búa til hið eiginlega ferðalag. Sem
viðfangsefni segir ferðalag ekki bara sögu
ferðar á milli landfræðilegra staða, heldur
má einnig túlka það í yfirfærðri merkingu
eins og til dæmis um hreyfingu á milli
svefns og vöku eða á milli þessa heims
og annars. Farangur kallar síðan fram hugmynd um
minningar eða hvers konar böggul sem maður hefur í
farteskinu og verkin bjóða upp á að maður spinni þá
hugmynd áfram. Þar lék Inga Þórey sér að mörkum
hins augljósa og þess sem er óaðgengilegt. Á gólfinu
var meðal annars þessi athyglisverði hlutur sem sjá
má á forsíðu Læknablaðsins, verkið heitir Farangur,
2009. Um er að ræða gamla ferðatösku sem hefur
gengið í gegnum ýmislegt. Fyrst var innvolsið tekið
úr, svampur, fóður og annað tilheyrandi. Því var rúllað
upp í eins konar pulsur (dæmi um slíka skúlptúra
mátti einnig sjá á sýningunni) og þeim komið fyrir í
töskunni sem nú samanstóð af skelinni einni saman.
Þá var taskan fyllt af steinsteypu,
hún látin harðna og loks farið með
klumpinn í steinsög þar sem hann
var skorinn í sneiðar. Útkoman er
hið margræða verk sem minnir í
senn á jarðfræðilegt fyrirbæri eða
einhvers konar vísindarannsókn.
Að manni læðast vangaveltur um
þær öryggisráðstafanir sem orðnar
eru hversdagslegur hluti langferða,
að hvaða leyti eru þær nauðsyn og
að hvaða leyti blekkingarleikur um
falskt öryggi? Þá er verkið nokkurs
konar myndbirting þess sem fólk
leggur á sig til að leyna því sem ekki
má finnast, hvort heldur í eiginlegri eða óeiginlegri
merkingu, sem og þeirra leiða sem aðrir eru tilbúnir að
beita til að greina hvað fólk er með í farteskinu.
Markús Þór Andrésson
Læknablaðið
THE ICELANDIC MEDICALIOURNAL
www. laeknabladid. is
Hlíðasmára 8,
201 Kópavogi
564 4104-564 4106
Útgefandi
Læknafélag Islands
Læknafélag Reykjavíkur
Ritstjórn
Jóhannes Björnsson,
ritstjóri og ábyrgðarmaður
Anna Gunnarsdóttir
Bryndís Benediktsdóttir
Engilbert Sigurðsson
Gunnar Guðmundsson
Inga S. Þráinsdóttir
Tómas Guðbjartsson
Ritstjórnarfulltrúi
Védís Skarphéðinsdóttir
vedis@lis.is
Blaðamaður og Ijósmyndari
Hávar Sigurjónsson
havar@lis.is
Auglýsingastjóri og ritari
Dögg Árnadóttir
dogg@lis.is
Umbrot
Sævar Guðbjörnsson
saevar@lis.is
Upplag
1700
Áskrift
9.500,- m. vsk.
Lausasala
950,- m. vsk.
Prentun, bókband
og pökkun
Oddi, m
umhverfisvottuð wv7/
'*////
prentsmiðja
Höfðabakka 3-7
110 Reykjavík
© Læknablaðið
Læknablaðið áskilur sér rétt til að
birta og geyma efni blaðsins á
rafrænu formi, svo sem á netinu.
Blað þetta má eigi afrita með
neinum hætti, hvorki að hluta né í
heild án leyfis.
Fræðigreinar Læknablaðsins eru
skráðar (höfundar, greinarheiti og
útdrættir) í eftirtalda gagnagrunna:
Medline (National Library of
Medicine), Science Citation Index
(SciSearch), Journal Citation
Fteports/Science Edition og
Soopus.
The scientific contents of the
lcelandic Medical Journal are
indexed and abstracted in
Medline (National Library of
Medicine), Science Citation Index
(SciSearch), Journal Citation
Reports/Science Edition and
Soopus.
ISSN: 0023-7213
LÆKNAblaðið 2010/96 667