Læknablaðið - 15.01.2012, Qupperneq 46

UMFJÖLLUN O G GREINAR
Aðgangur að tengslaneti um alla Evrópu
n^ork
Ai*,04w*
'°ron,

■ ■ ■ Hávar Sigurjónsson
„Við erum hluti af stuðningsumhverfi
nýsköpunar og okkar hlutverk er að
tengja íslensk fyrirtaeki, rannsóknar-
stofnanir og háskóla við sambærilega
aðila erlendis. Aðferðafræði okkar felst
í tækni- og þekkingaryfirfærslu á milli
aðila í gegnum gríðarlega stórt tengsla-
net, Enterprise Europe Network, sem nær
yfir alla Evrópu," segir Kristín Halldórs-
dóttir forstöðumaður Evrópumiðstöðvar
tækniyfirfærslu hjá Nýsköpunarmiðstöð
íslands.
„Tengslanetið er gríðarstórt, með um 600
skrifstofur og yfir 1000 sérfræðinga sem
hafa tengsl inn í alla geira atvinnulífsins
í viðkomandi landi. í því tilfelli sem hér
um ræðir, í heilbrigðis- og læknavísindum,
eru starfandi fjölmargir hópar sérfræðinga
sem eru tengdir háskólasamfélaginu og
hátæknifyrirtækjum í hverju landi, svo
möguleikarnir fyrir íslenska aðila að
komast í samstarf við erlenda aðila í sömu
greinum eru miklir. Það getur líka verið
útflutningur á þjónustu og tækniþekk-
ingu þannig að um viðskiptasamstarf sé
að ræða ekki síður en rannsóknasamstarf,"
segir Kristín. Enterprise Europe Network
er leitt af Nýsköpunarmiðstöð Islands en
Rannís og íslandsstofa eru samstarfsaðilar
þess.
Kristín segir að útfærslur á samstarfi
séu fjölmargar og bendir á dæmi um rann-
sóknarfyrirtæki á sérhæfðu sviði sem
þurfi á tiltekinni tækniþekkingu að halda.
„Þeir vita að tæknin eða þekkingin er til
annars staðar og það getur verið mun hag-
kvæmara að leita samstarfs við þann aðila
sem býr yfir henni í stað þess að setja upp
búnaðinn og afla sér þekkingarinnar sjálf.
Þá er hægt að auglýsa eftir slíku í gegnum
tengslanetið og komast í tengsl við
starfshóp erlendis sem getur framkvæmt
rannsóknina eða veitt tækniaðstoðina og
þannig má stytta nýsköpunar- eða rann-
sóknarferlið verulega."
Sparar tíma, fé og fyrirhöfn
Kristín nefnir dæmi um vel heppnað sam-
starf af þessu tagi að Blóðbankinn á íslandi
auglýsti eftir þekkingu vegna stofnfrumu-
rannsókna sinna hér heima og komst í
samband við mjög sterkan rannsóknarað-
ila á þessu sviði í Skotlandi. „Blóðbankinn
fékk líka svörun frá áhugasömum aðilum
í Þýskalandi, Finnlandi og Spáni en uppúr
þessu urðu til sambönd við miðlun upplýs-
inga og þróun aðferða við vefjaverkfræði
sem Blóðbankinn var byrjaður á. Þetta
er ein af okkar velgengnissögum og upp
úr þessu var gerður samstarfssamningur
milli Blóðbankanna á íslandi og Spáni með
þátttöku rannsóknaraðilans í Skotlandi."
Kristín segir að lykilatriði við þessa
vinnu sé að leiða aðila saman til að flytja
út eða inn þekkingu eða tækni við nýsköp-
un og rannsóknir og samstarfið getur ver-
ið fólgið í vöruþróun og markaðssetningu
á hátæknibúnaði eða vörum sem fyrirtæki
eru að þróa. „Við getum sparað fyrirtækj-
um mikla vinnu, tíma og fyrirhöfn við að
koma þeim og afurðum þeirra á framfæri
við aðila í sama geira erlendis. Við gerum
okkur hins vegar fyllilega grein fyrir að
auðvitað eru læknar og rannsóknaraðilar
með sín sambönd og ýmsa samstarfs-
aðila, oftast frá þeim háskólum og löndum
sem þeir hafa lært í og allir eru ágætlega
tengdir við aðra hópa. Við hjá Enterprise
Europe Network erum viðbótarleið til
að styðja við nýsköpun í landinu," segir
Kristín Halldórsdóttir á skrifstofu EEN hjá Nýsköpunar-
miðstöð Islands.
Kristín. Tengslanetið er fjármagnað að 60%
hluta af Evrópusambandinu og 40% frá
íslenska ríkinu og var ýtt úr vör árið 2008,
en það er tilkomið vegna samruna tveggja
fyrirrennara sem voru hýstir hjá fyrrum
Útflutningsráði og Iðntæknistofnun.
Kristín segir mikilvægt að sem flestir
viti af þeim möguleikum sem EEN á Is-
landi býður uppá. „Þetta er algjörlega
án kostnaðar fyrir viðkomandi, enda
er þetta stuðningur opinberra aðila við
nýsköpun og rannsóknir í landinu. Það
sem við förum fram á frá fyrirtækjunum
og rannsóknaraðilunum er að þeir fylli
út nákvæma lýsingu á starfsemi sinni.
Eftir að tengslin hafa myndast á milli aðila
drögum við okkur í hlé, enda hlutverki
okkar í rauninni lokið."
Styrkjakerfi Evrópusambandsins
Næsta áætlun Evrópusambandsins leggur
að sögn Kristínar að hluta til áherslu á að
hagnýta niðurstöður rannsókna. „Þetta
kallar á ítarlegri viðskiptaáætlanir og
nákvæmari útlistun á hvernig hagnýta
megi niðurstöður rannsóknarverkefna
á markaði. Þá getur verið að finna þurfi
samstarfsaðila sem getur fleytt niðurstöð-
unum áfram, yfir í næsta þrep og þá getur
EEN nýst til að finna slíka aðila svo niður-
stöðurnar lokist ekki inni í stofnunum og
komist ekki út á markað. Dæmi um vel
heppnaðar tengingar rannsókna og mark-
aðsetningar eru fyrirtæki eins og Marel og
Össur."
Á vegum Evrópusambandsins eru fjöl-
margir möguleikar til að sækja um styrki
til rannsóknar- og þróunarverkefni á sviði
heilbrigðisvísinda og allar umsóknir þurfa
að vera samsettar að minnsta kosti af
þremur aðilum í þremur löndum. Kristín
hvetur alla sem fást við rannsóknir í
heilbrigðisvísindum á íslandi til að hafa
samband við skrifstofu EEN og leggja
lýsingu á starfsemi sinni á tengslanetið
því eftirspurnin eftir samstarfsaðilum sé
á báða bóga. „Ef við værum með fleiri lýs-
ingar á starfsemi á skrá hjá okkur myndi
fyrirspurnum um samstarfsaðila á Islandi
eflaust fjölga verulega."
46 LÆKNAblaðið 2012/98