Dagblaðið Vísir - DV - 04.07.2008, Side 30

föstudagur 4. júlí 200830 Helgarblað DV
Í miðju hönnunarferli
H&m
Lára Kristín Ragnarsdóttir, 29 ára, er
búsett í Stokkhólmi en þar gegnir
hún mikilvægu starfi í verslunarkeðj-
unni sem Íslendingar elska, H&M.
Kolbrún Pálína Helgadóttir hitti Láru
í Stokkhólmi á blíðviðrisdegi og fékk
að heyra hvernig örlögin drógu hana
í keðjuna góðu.
Það er þrjátíu stiga hiti í Stokk-
hólmi og mannlífið í blóma. Ég er
á síðasta snúningi að hitta Láru
Kristínu sem var svo elskuleg að
hitta mig rétt áður en hún skaust
til Kaupmannahafnar í helgarfrí.
Hún situr í tröppum á fjölförnu
torgi tilbúin með ferðatöskuna og
satt best að segja svolítið sænsk
í útliti. Við tökumst í hendur og
byrjum á að dásama veðrið eins
og sannir Íslendingar.
Stórt tækifæri
Kristín útskrifaðist sem fata-
og textílhönnuður frá LHÍ árið
2004 Þrátt fyrir að hafa lokið nám-
inu fannst henni hún eiga margt
ólært. Draumurinn var að ná sér
í sem víðtækasta reynslu og ákvað
hún því að hefjast handa. Ítalía
varð fyrsti áfangastaður Láru. Þar
sótti hún um vinnu hjá Escada
sem og hún fékk. „Þetta var rosa-
lega stórt tækifæri sem ég ákvað
eðlilega að stökkva á.“ Að sögn
Láru var starfsemi Escada haldið
uppi af fámennum en samhent-
um hópi af fólki. Hlutverk Láru
var að aðstoða við vöruþróun
fyrirtækisins en einnig vann hún
mjög náið með sjálfum forstjór-
anum. „Ég lærði mikið hjá Esc-
ada um allt hönnunarferlið og
viðskiptahliðina einnig. Ítalinn er
nákvæmur og tilfinningaríkur og
vill gera hlutina vel.“
Vildi læra meira
Eftir nokkurra ára starf hjá
Escada og búsetu á Ítalíu fannst
Láru kominn tími til að halda
áfram. „Ég var búin að læra allt
það sem ég gat lært hjá Escada og
fannst ég því þurfa að halda áfram
að safna í reynslubankann á öðr-
um vígstöðvum.“ Lára sagði því
starfi sínu lausu. „Ég sagði upp án
þess að hafa hugmynd um hvað
biði mín. Óvissan hræðir mig ekki
og ég var opin fyrir öllu.“ Fljót-
lega eftir að Lára sagði upp sótti
hún um nokkur störf á netinu hér
og þar um heiminn. Lára hugs-
aði ekkert meira um það enda
átti hún ekki von á að það myndi
skila neinu fyrr en hún fékk sím-
tal. „Það var hringt í mig frá H&M
í Stokkhólmi. Ég áttaði mig satt
best að segja ekki á því strax um
hvað þetta snerist. Þeir vildu hitta
mig út af umsókninni og buðust
til að borga undir mig flugið.“ Á
þessum tímapunkti var hugur
Láru kominn til Íslands en hún
hafði engu að síður ákveðið að
koma við í Danmörku til að fara í
annað atvinnuviðtal.
Strembið atvinnuviðtal
„Ég varð að spýta í lófana og
flaug á milli staða í nokkra daga
til að skoða þetta. Mig minnir að
ég hafi farið í átta flug á fimm dög-
um og bjó nánast bara í ferðatösk-
unni,“ segir Lára og hlær. „Þegar
ég mætti loks í starfsviðtalið hjá
H&M beið mín margra klukku-
stunda prógram. Ég hefði ekki
trúað því hvað þetta er mikið ferli.
Ég byrjaði á að svara spurningum
þriggja aðila í þrjár klukkustund-
ir. Þegar því var lokið hélt ég nú
að þetta væri orðið ágætt en nei,
þá tók við annað eins. Það mættu
aðrir þrír og við tóku aðrir þrír
tímar af spurningaflóði.“ Viðtalið
gekk að sögn Láru nokkuð vel en
hún tilkynnti H&M vitanlega að
hennar biði annað viðtal í Dan-
mörku sem hún vildi skoða. H&M
vildi það síður og réð þessa efni-
legu íslensku stúlku á staðnum.
Góðar móttökur
Í dag starfar Lára sem aðstoð-
armanneskja hönnuðar og tek-
ur þátt í vöruþróun fyrirtækis-
ins. Til að útskýra það betur tekur
Lára meðal annars ákvarðanir um
hvort þurfi að breyta flíkum sem
koma frá hönnuðunum áður en
þær halda áfram í þróunarferlinu.
Einnig eru teknar ákvarðanir um
liti og annað slíkt. Lára segir varla
hægt að líkja starfsemi Escada við
starfsemi H&M. „Hjá Escada er
verið að hanna fáa en dýra hluti
öfugt við H&M.“ Lára segir hegð-
un Ítalanna og Svíanna líka afar
ólíka. „Segjum sem svo að sama
vandamálið kæmi upp á fundi hjá
Escada og H&M, Ítalinn myndi
standa upp, baða höndunum í
allar áttir og öskra á meðan Sví-
inn myndi spyrja rólegur og yfir-
vegaður: hvernig getum við leyst
þetta vandamál? Svíarnir eru al-
veg yndislegir,“ segir Lára. Því til
stuðnings segir hún mér frá því
að þegar hún flutti til Stokkhólms
hafði hún ekki haft neinn tíma til
að leita að íbúð enda gerðust hlut-
irnir hratt. „Ég gisti á hóteli fyrstu
næturnar þangað til að samstarfs-
stúlkur mínar fóru að rétta mér
húslyklana sína og bjóða mér gist-
ingu. Þetta er alveg einstakt.“
Ísland fyrirmynd H&M
Að lokum verð ég að spyrja
spurningarinnar sem svo margir
Íslendingar spyrja sig. Af hverju
er H&M ekki á Íslandi? „Það má
vel vera að þeir ákveði að opna
þar einn daginn, þeir eru núna
að einbeita sér að stærri lönd-
um,“ segir Lára yfirveguð. „Þeir
eru engu að síður mjög meðvit-
aðir um Ísland og líta mjög upp til
okkar þegar kemur að tísku. Sem
dæmi varð leggingsæðið mikla til
eftir að hönnuðir H&M kíktu til Ís-
lands.“
Það er gaman að tala við þessa
lífsglöðu stúlku sem ætlar sér
greinilega stóra hluti í lífinu. „Mig
langar að læra meira og ná mér í
meiri reynslu, ég er rétt að byrja,“
segir Lára að lokum og þýtur af
stað á flugvöllinn.
Lætur drauma sína rætast
um víða veröld
lára Kristín starfar nú fyrir H&M í
stokkhólmi, áður starfaði hún
fyrir Escada á ítalíu.