Læknablaðið - 01.04.2015, Blaðsíða 32

216 LÆKNAblaðið 2015/101
U M F J Ö L L U N O G G R E I N A R
■ ■ ■ Hávar Sigurjónsson
„Þetta er skáldsaga um veikan lækni
í sjúku samfélagi,“ segir Hlynur Níels
Grímsson krabbameinslæknir sem skrifað
hefur skáldsöguna Krabbaveisluna sem
forlagið Sögur gefur út.
Sögusviðið er Þjóðarsjúkrahúsið og
aðalpersónan og sögumaður er læknirinn
Jóhannes, sérfræðingur á krabbameins-
deildinni. Frásagnarstíllinn er eins konar
vitundarstreymi Jóhannesar, óheft flæði
hugsana sem litast af þeirri staðreynd að
Jóhannes misnotar bæði róandi og örvandi
lyf og hugsun hans er því hröð og hita-
sóttarkennd á köflum.
„Upphaflega hafði ég hugsað þetta sem
táknsögu fyrir það sem gerðist hér árið
2008 og hafði í huga skáldsöguna Krabba-
meinsdeildina eftir Solzhenítsyn sem ég las
fyrir mörgum árum og hafði mikil áhrif
á mig. Sú saga gerist á krabbameinsdeild
en er í rauninni táknsaga fyrir deyjandi
stórveldi. Ég viðurkenni fúslega tengslin
við þá bók,“ segir Hlynur.
Ekki lykilsaga
Krabbaveislan lýsir samfélagi þar sem spill-
ing, yfirborðsmennska og eftirsókn eftir
fánýtum vegtyllum og efnislegum gæðum
ræður ferðinni. Þessa samfélagsádeilu
sviðsetur Hlynur á þeim stað er hann
þekkir best, sjúkrahúsi.
„Ég valdi þetta sögusvið einmitt
vegna þess að ég þekki það í þaula. Ég
lauk sérnámi í krabbameinslækningum
2002 og hef starfað mestmegnis á Land-
spítalanum síðan, en á ferli mínum hef ég
starfað á meira en tug sjúkrahúsa í fjórum
löndum. Sjúkrahúsið í sögunni er sam-
nefnari þeirra allra og persónur sögunnar
eru samsettar úr því fólki sem orðið hefur
á vegi mínum, bæði í starfi og annars
staðar. Ég á þó alveg von á því að ein-
hverjir lesendur telji að persónur sögunnar
eigi sér raunverulegar fyrirmyndir. Svo er
þó ekki.“
Hlynur segist hafa byrjað að skrifa sög-
una í kjölfar hrunsins árið 2008. „Ég hætti
á Landspítalanum í tvö ár og fór til starfa í
Noregi, aðallega til að halda í horfinu fjár-
hagslega, enda var ég eins og margir aðrir
þjakaður af húsnæðisskuldum sem engin
leið virtist vera að kljúfa. Á sjúkrahúsinu
þar sem ég starfaði lengst komu margir
kollegar að máli við mig og spurðu for-
viða hvernig þetta hrun hefði getað gerst
á Íslandi; þessu landi þar sem allt virtist
vera í svo miklum blóma og Íslendingar
Læknirinn er
sjúklingurinn
Hlynur n. Grímsson var að skrifa sína
fyrstu skáldsögu, Krabbaveisluna