Frjáls verslun - 01.01.2005, Side 19

FORSÍÐUGREIN
F R J Á L S V E R S L U N • 1 . T B L . 2 0 0 5 19
tel það mikilvægt fyrir yngri kynslóðir að takast á við alþjóðlegar
áskoranir þar sem við erum kynslóðin sem höfum erft frá 20. öldinni
vandmál sem tengjast hröðum breytingum síðustu 150 ára.“
„Þetta er enn svolítið loftkennt“ Jón S. von Tetzchner segist í sam-
tali við Gísla Kristjánsson, blaðamann í Ósló, ekki vita með vissu í
hverju starfið í hópi ungra leiðtoga verður fólgið. Þetta sé verkefni
sem taki fimm ár og á þeim tíma verði fundir og umræður um vand-
amál heimsins.
,,Þetta er enn svolítið loftkennt,“ segir Jón, en segist einnig líta
á það sem heiður að vera valinn í þennan hóp. Í því felist viður-
kenning.
,,Hitt er svo annað mál hvort við getum látið eitthvað gott af
okkur leiða,“ heldur Jón áfram. ,,Það er þó hægt að segja sem svo að
ef enginn reynir einu sinni að hugsa um vandamálin þá leysast þau
ekki. Mér finnst spennandi að fá að vera með í þessari tilraun.“
Björgólfur Thor sat heimsviðskiptaráðstefnuna World Economic
Forum í Sviss í endaðan janúar. Þar hafði hann þátttökurétt vegna
þátttöku sinnar í verkefninu Forum of Young Global Leaders.
„Líður eins og á skólabekk“ Hann sagði í viðtali við Morgunblaðið
að hann hefði reiknað með að þurfa að hlusta á marga fyrirlestra en
verkefni vinnuhópsins hefðu verið meiri en hann átti von á. „Mér
líður eins og að vera kominn aftur á fjórða ár í háskóla,“ var haft
eftir Björgólfi.
Í fréttatilkynningunni frá Young Global Leaders segir að í hópnum
séu samankomnir framúrskarandi ungir leiðtogar, allir undir 40 ára,
sem hafi skuldbundið sig til að gefa af þekkingu sinni og krafti næstu
fimm árin til að skapa bætta framtíð og hafa áhrif á framtíðina. Þetta
er vissulega háleitt markmið.
Þeir Jón og Björgólfur voru valdir í þennan hóp 237 ungra leið-
toga úr hópi 8 þúsund karla og kvenna víðs vegar úr heiminum. Þar
sannaðist hið fornkveðna að margir voru kallaðir en fáir útvaldir.
Verkefnið nær til næstu fimm ára og mun hópurinn halda fyrsta fund
sinn í Sviss í sumar og a.m.k. á hverju sumri næstu árin.
Þetta er í fyrsta sinn sem hópur „Ungra leiðtoga“ er settur á lagg-
irnar. Þátttaka í hópnum gefur þátttökurétt á heimsviðskiptaráð-
stefnunni, World Economic Forum. Hún var síðast haldin í Davos í
Sviss í janúar. Það var einmitt sú ráðstefna sem Björgólfur Thor sótti
og lýsti því svo skemmtilega að sér fyndist hann vera kominn á skóla-
bekk aftur. Jón Tetzchner átti ekki heimangengt á þá ráðstefnu.
Lagt er upp úr að hópur hinna „Ungu leiðtoga“ sé óháður og
frjáls. Að aðeins þannig nái hann bestu lausnunum.
Úr heimi stjórnmála, viðskipta, lista og menningar Innan hópsins
er fólk frá öllum heimsálfum. Það kemur úr heimi stjórnmála, við-
Hákon krónprins Norðmanna er í hópnum með þeim Björgólfi Thor og Jóni.
Viktoría prinsessa Svía er einnig í hópnum.
Þeir Björgólfur Thor og Jón S. von
Tetzchner eru á meðal krónprinsa
og stjórnmálamanna í hópi „Ungra
leiðtoga“. Þarna er t.d. Hákon
krónprins Norðmanna, Viktoría
prinsessa Svía og Rania drottning
Jórdaníu sem er formaður hópsins.
Björgólfur Thor Björgólfsson. Jón S. von Tetzchner.