Frjáls verslun - 01.01.2005, Side 20

FORSÍÐUGREIN
20 F R J Á L S V E R S L U N • 1 . T B L . 2 0 0 5
skipta og mennta, lista og menningar. Hópurinn var stofnaður af
svissneska prófessornum Klaus Schwab á síðasta ári.
Jón S. von Tetzchner kemur úr tölvugeiranum og hefur fyrirtæki
hans látið til sín taka við að auðvelda fólki aðgang og umferð á Net-
inu með Opera-vafranum. Internetið og tilkoma þess í alþjóðasam-
félaginu mun örugglega verða rætt á fundi ungu leiðtoganna í Sviss
á komandi sumri. Mörg vandamál tengjast Internetinu – það á sínar
skuggalegu hliðar – en langflestir eru þó sammála um að kostir þess
séu fleiri og að Netið og upplýsingatæknin muni stuðla að auknum
hagvexti og meiri viðskiptum í framtíðinni.
Ríkir að tala um fátækt Í hópi ungu leiðtoganna eru margir verð-
andi þjóðhöfðingjar. Erfðaprinsar og prinsessur Norðurlanda eru í
þessum hópi. Þeir eru ekki í meirihluta á listanum sem hafa haslað
hafa sér völl af eigin rammleik, eins og þeir Jón og Björgólfur Thor.
Það mun því mæða á þeim – þeir hafa reynslu, eldmóð og krafta
sem hægt verður að nýta.
En hvað geta allir hinir ríku, sem mynda hópinn, sagt af viti um
fátækt? ,,Aukin viðskipti eru ein leið út úr fátækt,“ segir Jón S. von
Tetzchner – sér og öðrum í hópnum til varnar. ,,Íslendingar voru
meðal fátækustu þjóða Evrópu, en eru komnir í hóp hinna ríkustu.
Einmitt vegna viðskipta við önnur lönd. Núna er þróunin ör í
löndum sem nýta sér aukið frjálsræði í heimsviðskiptum.
Það er enn mikil misskipting í Kína en þar eru líka miklar fram-
farir vegna viðskipta við önnur lönd. Sömu sögu er að segja um
Indland. Afríka hefur ekki notið þessa í sama mæli. Við getum spurt
okkur hvers vegna.“
Jón hefur ekki trú á að heimsvæðing síðustu ára fái skjótan endi.
Það gerist ekki nema yfir heiminn gangi miklar hörmungar og stríð.
Hittir nýtt fólk Jón viðurkennir að World Economic Forum séu
umdeild samtök ríkra manna og séu oft skotspónn mótmælenda.
,,Ég er ekkert sérlega róttækur maður,“ segir Jón. ,,En ég hef samt
áhuga á að reyna að breyta einhverju. Saga Evrópu eftir stríð sýnir
að það er hægt að leysa vanda með samræðum. Því þá ekki að
reyna?“
Jón bendir einnig á að fyrir hann og Óperu geti verið gagnlegt að
ræða við fólk sem hann myndi annars ekki hitta. ,,Við eigum aldrei
í vandræðum með að fá fundi með þeim sem við óskum eftir. En á
slíkum fundum er rætt um það sem fyrir fram er ákveðið. Það gerist
ekkert óvænt. En á fundi hinna ungu leiðtoga kemur fólk úr öllum
áttum og með ólík viðhorf. Það verður spennandi.“
Lyf, fjármál og fjarskipti Björgólfur Thor kemur úr heimi lyfjafram-
leiðslu, fjármála og fjarskipta. Hann er auðvitað þekktastur fyrir
að hafa byggt upp alþjóðlega lyfjarisann Actavis. Á lista yfir „Unga
leiðtoga“ er hann titlaður stjórnarformaður Actavis. Ekki fer á milli
mála að skæðir sjúkdómar eru á meðal vandamála heimsbyggðar-
innar og lausnir til að skapa bætta heilsu í framtíðinni felast í nýjum
lífsstíl sem og framleiðslu og uppgötvun nýrra lyfja.
Þessi skemmtilega mynd var tekin haustið 2002 þegar biskup rétttrúnaðarkirkjunnar í Búlgaríu blessaði nýja verksmiðju Pharmaco þar í landi. Nafni
Pharmaco hefur verið breytt í Atctavis. Björgólfur Thor er langstærsti eigandinn og hefur byggt upp alþjóðlegan lyfjarisa.