Frjáls verslun - 01.01.2005, Qupperneq 28

bresku matvörukeðjunni Big
Food Group. Kaupin eru ein-
hver umfangsmesta fjárfesting
Íslendinga erlendis. Hlutabréfin
voru keypt á um 41 milljarð.
Fjárfestingin er hins vegar metin
á 112 milljarða þegar búið er að
taka inn í hana kostnað vegna
yfirtökunnar, endurfjármögnun
skulda félagsins og rekstrarfjár-
mögnun þess. Kaup KB-banka á
danska bankanum FIH fyrir um
84 milljarða króna eru stærsta
einstaka fjárfesting íslensks fyrir-
tækis til þessa. KB- banki greiddi
84 milljarða króna fyrir allt hluta-
féð í FIH bankanum. Jón Ásgeir
ætlar að taka Big Food Group
út af markaði og brjóta fyrir-
tækið upp í þrjú sjálfstæð félög;
Iceland, Booker og fasteigna-
félagið sem á allar fasteignir
Big Food Group. Meðfjárfestar
Baugs við yfirtökuna á Big Food
Group eru skoski auðkýfingurinn
Tom Hunter, Burðarás, Pálmi
Haraldsson, Kevin Standford,
Bank of Scotland og KB banki.
Malcolm Walker er forstjóri
Iceland-keðjunnar og Nick
Leslow er forstjóri fasteignafé-
lagsins. Bank of Scotland fjár-
magnar um 70% af fjárfestingu
Baugs Group á Big Food Group.
12. febrúar
Grein Sigurðar G.
Um fátt hefur verið meira rætt í
viðskiptalífinu að undanförnu en
grein Sigurðar G. Guðjónssonar,
hæstaréttarlögmanns og
stjórnarformanns IP-fjarskipta,
í Morgunblaðinu. Hann skrifaði
greinina vegna auglýsinga Og
Vodafones um að það skaði
samkeppni á fjarskiptamarkaði
ef grunnnetið verði selt með
Símanum í stað þess að vera
skilið frá fyrirtækinu við söluna.
„Ég leyfi mér að fullyrða að Og
fjarskipti vilja ekki samkeppni í
fjarskiptum. Félagið og eigendur
þess vilja aðeins tvíkeppni, duop-
oly. Duopoly útilokar óvænt og
óþægileg útspil samkeppnisaðila
varðandi verð og þjónustu,“ segir
þessi fyrrum forstjóri Norðurljósa
og bætir við að samkeppni IP-
fjarskipta hafi orðið til þess að
lækka verð á internetþjónustu
Og Vodafones og Símans vegna
gjaldtöku á niðurhali gagna frá
útlöndum á Netinu.
15. febrúar
Nýir menn með
Tryggva í Heklu
Tryggvi Jónsson, forstjóri
Heklu, Hjörleifur Jakobsson,
forstjóri Olíufélagsins Essó,
Frosti Bergsson, fyrrum stjórn-
arformaður Opinna kerfa, og
Egill Ágústsson, framkvæmd-
astjóri Íslensk-ameríska hafa
keypt KB banka, Straum og
Tryggingamiðstöðina út úr fyrir-
tækinu og eiga þessir fjórir menn
nú allt hlutafé í Heklu í gegnum
eignarhaldsfélagið Herðubreið.
Hekla var áður í eigu þriggja
fyrirtækja, Herðubreiðar (57%),
TM (33%), og Skarðsheiðar
(10%). Herðubreið var í eigu
Tryggva Jónssonar og KB banka
til helminga. Skarðsheiði var í
eigu Odda og Straums. TM seldi
Herðubreið sinn hlut í kringum
áramótin. En eftir að KB banki,
Straumur og Oddi seldu sína
hluti hefur samtals 71,5% eignar-
hlutur í Heklu skipt um eigendur
á skömmum tíma. Á aðalfundi
Heklu hinn 15. febrúar var ný
stjórn félagsins kjörin og hana
skipa þeir Hjörleifur Jakobsson,
Frosti Bergsson og Egill
Ágústsson.
D A G B Ó K I N
Pálmi Haraldsson.
Sigurður G.
Guðjónsson.
Tryggvi Jónsson.
Egill Ágústsson.
Frosti Bergsson.
Hjörleifur Jakobsson.