Frjáls verslun - 01.01.2005, Page 110

110 F R J Á L S V E R S L U N • 1 . T B L . 2 0 0 5
RÁÐSTEFNUR OG FUNDIR
R adisson SAS keðjan hefur nýlega kynnt nýja þjónustustaðla í tengslum við fundi og mannfagnaði sem haldin eru á hótelum hennar. Þeir eru í stuttu máli að starfsfólk hótelanna lofar
100% framgöngu í einu og öllu er snýr að undirbúningi og allri vinnu
meðan á atburði stendur og að honum loknum. Gildir þar einu
hvort samkoman er lítil eða stór. „Viðskiptavinirnir geta því einbeitt
sér að þeim undirbúningsþáttum er snúa beint að þeim – og látið
sérhæft starfsfólk hótelanna um aðra þætti,“ segir Kristján Daníels-
son sölustjóri.
Vinsælt til fundahalds Hótel Saga við Hagatorg í Reykjavík var
opnað árið 1962 og svo stækkað um nær helming fyrir tæpum
tuttugu árum. Á hótelinu eru nú alls níu fundarsalir sem taka allt
frá tuttugu manns upp í 400 – að ónefndum Súlnasalnum sem tekur
allt að átta hundruð manns. Í gegnum árin hefur notið vinsælda að
halda hvers konar fundi og mannfagnaði á Sögu – Radisson SAS
– Hótel Sögu. Fjölmörg fyrirtæki halda þar ævinlega aðalfundi sína
– og sömuleiðis er hótelið vinsæll ráðstefnustaður fyrir hvers konar
samkomuhald. Kemur þar til að salarkynni og allur húsbúnaður er
glæsilegur og veitingarnar fyrirtak. En ekki skiptir minnstu máli
þjónusta starfsfólksins sem kann sitt starf út í hörgul.
Fjórþætt loforð „Loforð Radisson SAS hótelanna til viðskipta-
vina sinna er fjórþætt og snýst um fagmennsku, skuldbindingu,
umhyggju og tryggingu fyrir gæðum. Meginatriðið er þjónustan og
hún snýst að sjálfsögðu um að starfs-
fólkið sé starfi sínu vaxið. Mann-
legi þátturinn er það sem höfuðmáli
skiptir í þessu eins og öðru,“ segir
Kristján Daníelsson.
Til að gera starfsfólk hótelanna enn
hæfara í sínu hlutverki hafa Radisson
SAS hótelin, sem eru á öllum Norður-
löndum, gengið til samstarfs við MPI,
en það eru stærstu samtök í heimi
á sviði ráðstefna og funda. Þar hafa
línur nar um það sem mestu máli skiptir í þjónustu við fundargesti
verið markaðar – og ákveðnir þjónustustaðlar settir upp sem eru:
· 100% fagmennska hjá starfsfólki sem hefur hlotið menntun
og þjálfun í að sjá til þess að viðskiptavinir fái bestu mögulegu
þjónustu hverju sinni.
· 100% skuldbinding til að tryggja að veitt sé sú þjónusta og
aðstaða sem óskað er eftir.
· 100% umhyggja við viðskiptavini því ljóst er að það eru mjúku
mannlegu gildin sem þarf að tvinna saman við staðlaða framgöngu.
· 100% trygging fyrir því að viðskiptavinir séu 100% ánægðir með
alla þætti. Ef eitthvað er ekki eins og viðskiptavinur telur að það
eigi að vera er hann beðinn um að segja frá því strax og starfsfólkið
gengur í málið hið snarasta. Ef ekki greiðist úr þarf viðskiptavinur-
inn ekki að borga.
RADISSON SAS - HÓTEL SAGA
„Meginatriðið er þjónustan og hún snýst að sjálfsögðu um að starfs-
fólkið sé starfi sínu vaxið,“ segir Kristján Daníelsson, lengst til hægri,
um fundaþjónustu Radisson SAS – hótelanna.
„Fagmennska, skuld-
binding, umhyggja
og trygging fyrir
gæðum. Uppskrift
að góðum fundi á
Radisson SAS
– Hótel Sögu.“
Hundrað
prósent fundur