Frjáls verslun - 01.01.2005, Side 128

128 F R J Á L S V E R S L U N • 1 . T B L . 2 0 0 5
A
lmennt einkennir það meirihlutakosningar eins og tíðkast
hér að vinstriflokkar eru ekki sterkir og íhaldsflokkar
dafna vel. Þetta hefur átt við hér undanfarna áratugi
– þangað til Nýi Verkamannaflokkurinn burstaði Íhalds-
flokkinn eftirminnilega í kosningunum 1997. Nú stefnir í
það sama þó vísast saxist á stjórnarmeirihlutann, sem var
166 sæti eftir kosningarnar 2001.
Þó stjórnin hafi ekki staðfest að hér verði kosningar í maí, það
vantar ekkert nema dagsetninguna, eru flokkarnir komnir í kosninga-
ham og spúa út plakötum og nýjum hugmyndum til að lokka kjós-
endur. En hvað er að hjá Íhaldinu fyrst glötuð tiltrú á Tony Blair
og Verkamannaflokknum skilar sér ekki í íhaldsuppsveiflu svo um
munar?
Hver er líklegastur til að deyja fyrst, kjósandi Verkamanna-
flokksins, Íhaldsflokksins eða frjálslyndra demókrata? Engin spurn-
ing að það er íhaldskjósandinn – ekki af því að stefnan sé í sjálfu
sér banvæn heldur af því að meðalaldur flokksmanna er sá hæsti og
viðkomandi því tölfræðilega séð mjög líklega hniginn á eftir ár. Eins
og einn íhaldsþingmaðurinn benti á þá eru flestar samkomurnar sem
hann fer á í kjördæmi sínu jarðarfarir. Þetta boðar ekki gott fyrir
flokkinn og ekki er betra að íhaldsfylgi meðal kvenna er það lægsta
í hálfa öld. Konur voru athafnasamastar við að hlaða undir stórsigur
Verkamannaflokksins 1997.
Tony Blair stendur vel Hér starfa öflug skoðanakannanafyrirtæki,
svo það liggja fyrir ókjör af tölfræðilegum upplýsingum fyrir flokk-
ana og aðra að rýna í. Auðlæsustu tölurnar líta ekki vel út fyrir
Íhaldsflokkinn, því fyrsta könnun MORI, eins þessara fyrirtækja, á
árinu sýnir að Verkamannaflokkurinn fengi 38%, Íhaldsflokkurinn
32% og frjálslyndir 22%. Þeir síðastnefndu hafa verið í 26% lengi vel,
svo þeir þurfa að hugsa sinn gang, en kjósendur hafa tilhneigingu
til að gleyma þeim í kjörklefanum því þeir eru alltaf þeir þriðju
og minnstu þrátt fyrir drauma undanfarið um að þeir gætu skotið
íhaldinu aftur fyrir sig. Tony Blair forsætisráðherra stendur vel: 39%
Breski Verkamannaflokkurinn
hríðtapar trúnaðartraustinu en samt græðir
Íhaldsflokkurinn ekki fylgi að sama skapi.
ÍHALDIÐ
ILLA
STATT
Mun Michael Howard leiða Íhaldsflokkinn til sigurs í Bretlandi?
TEXTI: SIGRÚN DAVÍÐSDÓTTIR Í LONDON