Frjáls verslun - 01.10.2005, Page 20

20 F R J Á L S V E R S L U N • 1 0 . T B L . 2 0 0 5
FORSÍÐUGREIN • GRÁÐUSNOBB
Í bók Frjálsrar verslunar, 300 stærstu
fyrirtæki landsins, kemur fram að
KB banki er orðinn stærsta fyrirtæki
landsins og að stækkunina megi rekja
til kaupa á danska bankanum FIH
snemma á síðasta ári. Þar kemur fram
að meðalárslaun hjá bankanum voru
um 7,6 milljónir króna á síðasta ári og
er það með því allra hæsta sem gerist
hjá íslensku fyrirtæki. Á sama tíma er
bankinn að skila miklum hagnaði og
bankinn er með mest eigið fé allra fyrir-
tækja á Íslandi.
Svali Björgvinsson er framkvæmda-
stjóri starfsmannasviðs í KB banka.
Hann segir mikla fjölgun háskóla-
menntaðra starfsmanna í bankanum
og á meðal starfsmanna í höfuðstöðv-
unum séu um 50% með framhalds-
menntun umfram BA- eða BS-gráður.
„Þá er nokkur fjöldi með doktors-
gráðu. Ég sé hins vegar ekkert sam-
hengi í því að fleiri og hærri gráður
þýði þeim mun meiri frama innan bank-
ans. Það skiptir mestu máli hvernig
fólk vinnur.
Við fáum ferilskrár þar sem fólk er
að flagga sínum gráðum og er komið
með alls kyns fín heiti og titla á þetta.
Þetta hefur klárlega aukist og mennt-
unarstigið vaxið verulega. KB banki er
mjög vinsælt fyrirtæki og við getum
valið úr fólki. Það væri óeðlilegt ef við
myndum ekki skoða hvaða menntun
fólk hefur og hvaðan menntunin er
fengin. Annað væri dómgreindar-
brestur. Ég held að við séum ekki að
snobba fyrir einhverjum sérstökum
gráðum eða skólum. Hins vegar er það
þannig að það eru hlutfallslega margir
úr þekktum skólum hér.“
Svali segir að viðskiptafræðingar
séu farnir að taka að sér störf sem
viðskiptafræðingar litu ekki við áður.
„Störfin eru orðin flóknari og umfangs-
meiri. Ég vil líka nefna framboðið
en fólk hefur minni valmöguleika í
tengslum við það að komast inn í fjár-
málafyrirtæki og framhaldsmenntun er
orðin það algeng að fólk sem stekkur
beint inn í hærri stöður er með meiri
menntun og meiri reynslu.“
Svali bendir á að skólinn sé orðinn
markaðsvara sem var ekki á meðan
Háskóli Íslands var eini háskólinn á
landinu. „Núna er farið að keppa um
nemendur sem er hið besta mál. Það
er farið að auglýsa gráður og hvetja
fólk til þátttöku. Verið er að hvetja fólk
til að fara í MBA-nám og hin og þessi
fínu prógrömm. Allt er gert að markaðs-
vöru og þar með að ýta undir þetta svo-
kallaða gráðusnobb. Þegar allt kemur
til alls er það ekki gráðan sem vinnur
nokkurn skapaðan hlut. Það er það
sem viðkomandi kann og getur.“
Launin hjá KB banka eru með því allra hæsta sem þekkist
hjá íslensku fyrirtæki og bankinn getur valið úr fólki,
slík er eftirspurnin eftir því að vinna hjá fyrirtækinu.
Nám gert að markaðsvöru
„Þegar allt kemur til alls
er það ekki gráðan sem
vinnur nokkurn skapaðan
hlut. Það er það sem við-
komandi kann og getur.“
Svali Björgvinsson, framkvæmdastjóri starfsmannasviðs KB banka. „Ég held að
við séum ekki að snobba fyrir einhverjum sérstökum gráðum eða skólum, en
hins vegar eru hlutfallslega margir úr þekktum skólum hér.“
TEXTI: SVAVA JÓNSDÓTTIR