Frjáls verslun - 01.10.2005, Blaðsíða 102

102 F R J Á L S V E R S L U N • 1 0 . T B L . 2 0 0 5
annars ekki tækifæri til. Maður
verður hluti af náttúrunni þegar
verið er að veiðum. Við mann-
eskjurnar erum úr tengslum við
náttúruna en þegar stundaður
er veiðiskapur hefur maður
áhrif á lífkeðjuna - er hluti af
henni í stað þess að vera áhorf-
andi.“
ÚR EINU Í ANNAÐ
Skotveiði:
VERÐUR HLUTI
AF NÁTTÚRUNNI
Davíð uppi á Fljótsdalsheiði í fyrra með fyrsta og eina hreintarfinn sem hann hefur skotið.
„Ég bjó í Svíþjóð í mörg ár,“ segir
Davíð Ingason, markaðsstjóri
hjá Vistor. „Ég hafði áður gengið
nokkrum sinnum til rjúpna hér heima
en byrjaði af alvöru að veiða í Sví-
þjóð. Þar er gósenland fyrir skotveiði
og þangað fór ég að stunda skot-
veiði með vinnufélögunum.“
Hann segir að öll veiði sé spenn-
andi og nefnir í því sambandi útiver-
una. „Það er gott að komast undir
bert loft, ganga í náttúrunni eða sitja
fyrir eins og við gæsaveiðar og svo
er það félagsskapurinn. Maður fær
útrás fyrir veiðieðlið sem allir hafa.
Ég vil líka nefna frágang á bráðinni
en það skiptir máli að geta gert að
þessu sjálfur og kunna handtökin.
Maður kemst í tengsl við náttúr-
una á þann hátt sem maður hefði
Hann fylgdist með. Lærði. Hann
var níu ára þegar hann var dreg-
inn að spilaborðinu heima. Það
vantaði mann. Makker. Hann
fékk bakteríuna.
„Ég tók þetta af alvöru þegar
ég fór í menntaskóla,“ segir
Helgi Jóhannsson, framkvæmda-
stjóri Sumarferða, sem spilar
bridge. „Ég keypti
bækur um bridge
og þá fyrst lærði
ég um hvað
þessi íþrótt
fjallaði.“
Helgi
var forseti
Bridgesam-
bands
Íslands í tíu ár auk þess sem
hann var um tíma í stjórn Evrópu-
sambandsins í bridge. Hann hefur
nokkrum sinnum orðið Íslands-
meistari í sveitakeppni og hefur
keppt bæði á Norðurlandamóti
og Evrópumótum. Hann bendir
á að bridge sé einstætt að því
leyti að fólk á öllum aldri getur
stundað þessa hugaríþrótt.
„Ég keppti einu sinni í tví-
menningi í Evrópukeppni við 89
ára gamlan andstæðing. Ég hélt
hann væri auðvelt fórnarlamb.
Skömmu síðar hafði hann rúllað
mér og félaga mínum upp. Hann
spilaði reyndar svo vel að um
það var skrifað sérstaklega í
bridge-heimspressunni.
Það er frábært að halda sell-
unum á hreyfingu með þessu.
Þegar ég spila bridge næ ég að
slaka á frá amstri vinnunnar.
Það er gott að skipta um
umhverfi og hugsa öðruvísi.
Bridge er frábær þjálfun. Það
þroskar rökhyggju og örvar um
leið sköpunargáfu. Það versta
er að það er engum hægt
að kenna um mistökin nema
sjálfum sér. Smátt og smátt
læra menn síðan að draga réttar
ályktanir. Ég vildi að ég gæti
sagt að það væri einstakur hæfi-
leiki að kunna bridge, en svo er
ekki. Þetta er íþrótt sem allir
geta lært hafi þeir á annað borð
áhuga á því.“
Bridge:
FARVEGUR FYRIR FRJÓA HUGSUN
Helgi Jóhannsson,
framkvæmdastjóri
Sumarferða.