Frjáls verslun - 01.10.2005, Side 105

F R J Á L S V E R S L U N • 1 0 . T B L . 2 0 0 5 105
FÓLK
Eykt ehf. var stofnað árið 1986 og er um þessar mundir meðal stærstu verk-taka- og byggingafélaga landsins með
á þriðja hundrað starfsmenn. Fyrirtækið
fæst við mannvirkjagerð, húsbyggingar og
viðhaldsverkefni. Það
starfar á útboðsmark-
aði en byggir jafnframt
eigin hús til sölu, rekst-
urs eða útleigu. For-
stjóri Eyktar er Gunnar
Valur Gíslason, sem
segir starfsemi Eyktar
mjög viðamikla á bygg-
ingarmarkaðinum og
félagið hafi yfir að ráða
öllum búnaði sem þarf
til undirbúnings og
framkvæmdar meiri
háttar byggingaverk-
efna. Jafnframt hafi fyr-
irtækið gott samstarf við öfluga verktaka á
öðrum sviðum byggingaframkvæmda.
„Ég er nýkominn til starfa hjá Eykt, byrj-
aði nú í september. Ég kom utan af Álftanesi
þar sem ég var búinn að vera bæjarstjóri
síðastliðin 13 ár. Starf mitt felst í að hafa yfir-
umsjón með daglegum rekstri, þar á meðal
fjármálum, tækni- og þróunarvinnu, inn-
kaupum, framkvæmdum og gæðastýringu
fyrirtækisins. Meðal helstu verka okkar um
þessar mundir er Höfðatorg, glæsileg íbúðar-
og atvinnubyggð á svo-
nefndum Skúlatúnsreit
í Reykjavík, bygging
Reykjanesvirkjunar
fyrir Hitaveitu Suður-
nesja, stækkun Mennta-
skólans við Hamrahlíð,
uppsteypa á stækkun
höfuðstöðva KB-Banka
við Borgartún, brúar-
gerð á Hringbraut og
Vesturlandsvegi, íbúðir
og verslunarhús í Norð-
lingaholti og stækkun
Laugardalshallarinnar.
Einnig erum við að und-
irbúa byggingu tveggja fjölbýlishúsa á Norð-
urbakkanum í Hafnarfirði.“
Gunnar Valur tekur fram að hjá Eykt séu
starfsfólk og viðskiptavinir fyrirtækisins í
fyrirrúmi. „Við erum með starfsmannafélag
sem heldur úti öflugri starfsemi þar sem
leitast er við að hafa uppákomur af ýmsum
toga svo allir starfsmenn geti fundið eitthvað
við sitt hæfi, s.s. skákkvöld, gocart-keppni,
keiluspil og golf. Við héldum okkar árlegu
árshátíð í Búdapest í lok október og einn
viðburður er framundan, sem vert er að
minnast á, það er jólahlaðborð fyrirtækisins
sem mörgum finnst ómissandi og hjálpar við
að lýsa upp dimmasta skammdegið.“
Gunnar Valur er stúdent af eðlisfræði-
braut frá MR 1978, byggingaverkfræðingur
frá Háskóla Íslands 1982, Diplom-gráða í
byggingarverkfræði frá Þýskalandi 1986. Eig-
inkona hans er Hervör Poulsen, bókari hjá
SÁÁ og eiga þau fjögur börn og tvö barna-
börn.
Gunnar Valur segir áhugamál sín fjöl-
breytt og tengjast fjölskyldunni: „Við erum
að byggja okkur sumarbústað í Ölveri undir
Hafnarfjalli og fór mikill tími í það í sumar.
Ætlunin er að ljúka því verki næsta vor og
má þá eiga von á því að fjölskyldan dvelji
þar þegar tími vinnst til. Hvað varðar önnur
áhugamál þá er hestamennska ofarlega á
blaði, við hjónin erum með fjóra hesta úti á
Álftanesi þar sem við búum, einnig bækur,
tónlist, gönguferðir og útivera almennt.“
Nafn: Gunnar Valur Gíslason.
Fæðingarstaður: Akranes, 6.3. 1958
Foreldrar: Gísli Sigurjón Sigurðsson og
Erla Guðmundsdóttir, Akranesi.
Maki: Hervör Poulsen.
Börn: María Fjóla Björnsdóttir, 24
ára, háskólanemi, Andri Valur Gunn-
arsson, 23 ára rafvirki, Dagbjört
Ósk Gunnarsdóttir, 20. ára, nemi og
starfsmaður í leikskóla og Maren Rún
Gunnarsdóttir, 17 ára, nemi.
Menntun: Byggingaverkfræðingur
með Diplom-gráðu frá Þýskalandi.
Gunnar Valur
Gíslason forstjóri hjá Eykt ehf.
Gunnar Valur Gíslason.
Byggir sumarbústað í
Ölveri undir Hafnarfjalli
og er með hesta á
Álftanesi.