Frjáls verslun - 01.10.2005, Blaðsíða 106

106 F R J Á L S V E R S L U N • 1 0 . T B L . 2 0 0 5
FÓLK
Þórdís J. Sigurðardóttir er forstöðu-maður norrænna fjárfestinga hjá Baugi Group og nýkjörinn stjórnarformaður
Dagsbrúnar hf., sem er móðurfélag OG fjar-
skipta og 365 miðla. „Í starfi mínu hjá Baugi
felst stór hluti þess að vera í stjórnun félaga
sem Baugur á í og fylgja eftir aðkomu okkar
að fyrirtækjunum. Þau félög sem ég á sæti í
stjórn eru Hagar, Merlin, Mosaic Fashion og
Dagsbrún, sem er nýtilkomið. Mjög spenn-
andi tímar eru fram undan hjá Dagsbrún
og mikið að gerast í fyrirtækjunum, eins og
sjálfsagt flestir hafa tekið eftir. Ég er ekki
starfandi stjórnarformaður í Dagsbrún en
er í nánu sambandi við stjórnendur við að
móta stefnuna í framtíðinni og fylgist vel
með því sem er að gerast, eins og ég geri
reyndar í öllum þeim félögum þar sem ég
sit í stjórn.
Dagsbrún hefur nokkra sérstöðu, en
þar er verið að skoða útrás á mörgum víg-
stöðvum, ekki síst í fjölmiðlageiranum þar
sem 365 miðlar hafa verið í forystu um
nýjungar og framfarir. Mikil gróska er í starf-
inu sem sést meðal annars á stofnun nýju
sjónvarpsstöðvarinnar NFS. Ég hafði unnið
að rágjafastörfum fyrir OG fjarskipti og 365
miðla og þekkti vel til mála þegar ég tók sæti
stjórnarformanns Dagsbrúnar. Þá má nefna
að nýverið keyptum við Saga-film, sem er fyr-
irtæki sem einnig býður upp á mikla mögu-
leika í útrás, sérstaklega með sameiningunni
við Storm, en við það varð til öflugt félag í
kvikmyndaframleiðslu og auglýsingagerð,
sem er vel í stakk búið til að takast á við stór
erlend verkefni.
Hvað varðar stjórnarsetu mína í Merlin í
Danmörku þá er það dálítið öðru vísi heldur
en Dagsbrún, sem er rekið er með góðum
hagnaði. Merlin var rekið með miklu tapi.
Þar þarf að snúa rekstrinum við og endur-
skipuleggja og markaðssetja upp á nýtt og
er það verk þegar hafið. Félagið hafði verið
rekið af miklu áhugaleysi fyrri eiganda og
var einstök tilfinning að finna fyrir þeim
mikla velvilja sem við fengum frá starfs-
mönnum. Greinilegt var að þeir voru orðnir
þreyttir á áhugaleysinu og fögnuðu nýjum
eigendum sem höfðu raunverulegan áhuga
á því að breyta vörn í sókn. Þessi mismun-
andi staða félaganna þar sem ég sit í stjórn
og víðtækt svið þeirra gerir starf mitt mjög
fjölbreytt.“
Þórdís ólst upp í Stykkishólmi. Eftir nám
hér heima, þar sem hún lauk M.A. prófi í
félagsfræði og B.A. prófi í stjórnmálafræðum,
lá leið hennar til Belgíu þar sem hún lauk
MBA-prófi í Vlerick árið 2001. Áður en Þór-
dís hóf störf hjá Baugi var hún framkvæmda-
stjóri MBA-náms við Háskólann í Reykjavík
og þar áður starfsmannastjóri hjá EJS.
Þórdís er mikil fjölskyldumanneskja:
„Eiginmaður minn er Kristján Vigfússon,
sem er sjálfstætt starfandi ráðgjafi og auk
þess í MBA-námi. Við eigum þrjú börn sem
eru á aldrinum 7 til 19 ára. Fjölskyldan
reynir að vera mikið saman og sameiginlegt
áhugamál fjölskyldunnar er skíði. Það er
erfitt að finna eitt áhugamál fyrir alla þegar
börnin eru á mismunandi aldri, en það hefur
tekist með skíðin og við reynum að fara í
eina skíðaferð á ári og ætlum í vetur til Selva
á Ítalíu. Við eigum sumarbústað við Geysi í
Haukadal og þar eigum við margar af okkar
bestu stundum. Þar er verið að skipuleggja
golfvöll, þannig að ég sé alveg fyrir mér að
fjölskyldan muni sameinast í golfinu í fram-
tíðinni og eru einstaka fjölskyldumeðlimir
þegar byrjaðir. Við bjuggum erlendis í fjögur
ár og höfum gaman af að ferðast, sérstak-
lega börnin. Sjálf er ég er mikið á ferðinni í
mínu starfi, en yfirleitt eru þetta mjög stuttar
ferðir, sem gerir það bærilegra að vera burtu
frá fjölskyldunni.“
forstöðumaður norrænna fjárfestinga hjá Baugi Group
Þórdís J. Sigurðardóttir
Þórdís J. Sigurðar-
dóttir. „Víðtækt svið
félaga þar sem ég sit
í stjórn gerir starf mitt
mjög fjölbreytt.“
Nafn: Þórdís J. Sigurðardóttir.
Fæðingarstaður: Reykjavík, 2. 2. 1968
Foreldrar: Sigurður A. Hreiðarsson og
Gréta Sigurðardóttir.
Maki: Kristján Vigfússon.
Börn: Jökull, 19 ára, Svanhildur, 11 ára,
Vigdís, 7 ára.
Menntun: M.A. próf í félagsfræði, B.A.
próf í stjórnmálafræðum, MBA próf frá
Vleric í Belgíu.