Fréttatíminn - 19.06.2015, Qupperneq 55

54 matur & vín Helgin 19.-21. júní 2015
J
Ó
N
S
S
O
N
&
L
E
’M
A
C
K
S

•

jl
.i
s

•

S
ÍA
Stöckli þurrkofnarnir eru eftirlæti þeirra sem
vilja nýta uppskeru ársins til fulls. Þurrkun eykur
geymsluþol og viðheldur bragði og næringarefnum
fæðunnar. Þurrkofninn er fyrirferðarlítill, með
hitastilli frá 20°C upp í 70°C sem er akkúrat það
sem þarf til að þurrka ávexti, grænmeti, sveppi,
kryddjurtir, kjöt o.fl. Það má auðvitað þurrka berin
með hárblásara - en við mælum ekki með því.
laugavegi 47, opið mán.- fös. 10-18, lau. 11-17 www.kokka.is kokka@kokka.is
... og 70°C seinna
áttu rúsínu!
Megagóðir,
matarmiklir,
mexíkóskir
maísstönglar
Smjör og salt. Það er það sem flestir brúka á maísstöngulinn
sinn. Hvort sem hann fer frosinn út í pott, kemur ferskur af
grillinu eða jafnvel upp úr dós. En þetta er ekki alveg svona
heilagt. Í Mexikó og í veitingavögnum um allan heim er verið að
bjóða upp á grillaðan maísstöngul löðrandi í mæjónesi og osti.
H ei! Ekki fara, ekki hætta að lesa. Þetta er gott, ég lofa. Það er hægt að nota gamal-
dags frosin eyru, forsjóða þau að-
eins og skella svo í nokkrar mínútur
á grillið. En það er ennþá betra að
nýta sér sumarið og uppskerutím-
ann til að fá ferskt korn í „skinninu“.
Grilla kornið við háan hita í
um 15 mínútur eða svo. Allt í lagi
þótt hýðið brenni. Má jafnvel fá í
sig smá eld. Betra að vera þó ekki
með steikina á grillinu rétt á með-
an. Svona til að fá ekki öskuna yfir
allt og út um allt.
Á meðan maísinn er á grillinu er
hrært í heimagerða mæjónesblöndu
(sjá uppskrift til hliðar). Parmasen
ostur er rifinn niður með micro-
rifjárni eða settur í matvinnsluvél
svo úr verði hálfgert parmasenduft.
Það er líka hægt að kaupa parma-
senduft ef það er eitthvað sem kitl-
ar bragðlaukana. Við hin höldum
okkur við alvöru. Getur líka verið
fínt að bæta smá fetaosti út í mat-
vinnsluvélina. Þeir mexíkósku nota
ost sem heitir Cotija en hann getur
ýmist verið ferskur og svipar þá til
fetans eða þroskaður og þá meira
í ætt við Parmesan. Við hins veg-
ar höfum takmarkaðan aðgang að
þessum osti og brúkum því hina tvo
eða í raun bara hvaða ost sem þykir
góður þá stundina. Matarlöggan er
í verkfalli og kemur því ekki á vett-
vang.
Þegar kornið hefur kólnað örlítið
eftir að það er komið af grillinu er um
að gera að taka hýðið af og strengina
sem undir því eru. Gott að henda
þeim svo aðeins út aftur. Svona rétt
til þess að fá nokkrar grillrendur. Þá
er bara að löðra í mæjóinu, strá ost-
inum yfir og krydda rétt í lokin með
chilikryddi eða cayenne. Þeir sem
svo elska límónusafann sinn meira
en góðu hófi gegnir geta svo kreist
smá yfir í lokin.
Haraldur Jónasson
hari@frettatiminn.is
Sumarið er tíminn, söng Bubbi okkar.
Nú er einmitt komið sumar og því til-
valið að skella ferskum maísstönglum
á grillið. Löðra svo upp úr heimagerðri
mæjónesblöndu og strá yfir með niður-
rifnum parmesanosti. Letingjar sem
nenna ekki að standa í þessu löðra
stönglana svo bara upp úr smjöri og
salti.
Þeir sem nenna og kunna hræra að
sjálfsögðu í sitt eigið mæjónes. Nú,
ef ekki þá finnum við uppáhalds-
mæjó fjölskyldunnar. Hvort heldur
er pólskt, Hellmanns eða Gunnars.
Kreistum safa úr u.þ.b. hálfri límónu
eða einum fjórða af sítrónu, það
finnur enginn muninn. Safanum
er hrært út í mæjóið. Chili- eða
cayennedufti sem og hvítlauks-
og laukdufti er svo blandað við
ásamt góðri hnefafylli af söxuðum
kóríanderlaufum. Það tekur heldur
enginn eftir því þótt kóríander-
laufin breytist í steinselju – ef hún
er það eina sem er til. Salt og pipar
eftir smekk. Má alveg vera slatti af
piparnum en passa saltið – sérstak-
lega ef nota á parmesanost því hann
er saltur. Gott að láta sósuna taka
sig í smá stund.
Heilsufrík sem ekki kunna að meta
mæjóið geta sett svolítið af sýrðum
rjóma á móti mæjónesunni eða
reynt að nota skyr eða hvað það er
sem heilsusamir mæjóneshatarar
nota þegar við hin erum að brúka
nesið.
Mæjónesblanda sem dugir á fjóra
stöngla
1 dl. mæjó
½ lime (safinn)
hnefafylli af kóríanderlaufum
nokkrar hristur af:
chilidufti
hvítlauksdufti
laukdufti
pipar
salti