Fréttatíminn


Fréttatíminn - 19.06.2015, Blaðsíða 23

Fréttatíminn - 19.06.2015, Blaðsíða 23
A nna Kristjáns er frum-kvöðull. Hún er fyrsti ein-staklingurinn sem gekkst undir kynskiptiaðgerð á Íslandi. Fyrir tuttugu árum hélt Kristján vélstjóri í aðgerð í Svíþjóð, þar sem hann bjó og snéri heim til Ís- lands sem Anna Kristjánsdóttir. Anna segir fordómana hafa verið mikla á þessum tíma en í dag sé þetta ekki vandamál. Hún segir 19. júní ekki eiga neinn stað í sínu lífi, hún er hrifnari af 17. júní. „Ég hef aldrei tekið þennan dag neitt alvarlega,“ segir Anna. „Baráttan er mjög góð, en ég hef aldrei lagt mig sérstaklega fram við það að halda daginn hátíðlegan. Þetta er tveimur dögum eftir þjóðhátíðar- daginn okkar og mér finnst 19. júní falla svolítið í skuggann af honum,“ segir Anna. Anna hefur farið í gegnum hæð- ir og lægðir á þeim tuttugu árum síðan hún gekkst undir aðgerðina. Hún segir að tímarnir hafi breyst gríðarlega. „Ég fór í þessa aðgerð 24. apríl árið 1995 og það hefur gengið á ýmsu síðan. Allur gang- ur verið á þessu,“ segir hún. „Í byrjun voru ekki margir sem tóku þetta í sátt. Bara hugmyndina að framkvæma þessa aðgerð, en í dag er þetta gjörbreytt,“ segir Anna. „Fyrstu árin voru erfið, svona fyrstu tíu árin. Svo fór þetta að gjörbreytast. Fyrstu jákvæðu við- brögðin voru um aldamótin, en ég fann ekki fyrir almennri sátt fyrr en í kringum 2005. Í dag finn ég fyrir almennri sátt,“ segir Anna. „Ég mæti mjög sjaldan einhverjum fordómum í dag.“ Anna hefur starfað hjá Orku- veitu Reykjavíkur undanfarin 19 ár og líður vel. „Ég hef verið að vinna í stjórnstöðinni hjá Orku- veitunni í að verða 19 ár og líkar vel, ég er allavegana hér enn,“ segir hún. „Ég var að vinna í svip- aðri stöðu í Svíþjóð og það lá beint við að sækja um þetta starf þegar heim var komið. Ég þurfti ekkert að sannfæra vinnuveitendur mína um mína starfsgetu þrátt fyrir að vera nýkomin úr þessari aðgerð,“ segir hún. Nýt mín betur í baráttu hin- segin fólks Anna hefur verið áberandi í hátíð hinsegin daga í gegnum tíðina og segir baráttu hinsegin fólks eiga bet- ur við sig en baráttudagur kvenna. „Ég held að mörgu leyti að þar njóti ég mín betur,“ segir hún. „Kannski vegna þess að hinsegin baráttan hefur breyst gríðarlega mikið á undanförnum árum. Fyr- ir og um síðustu aldamót snérist þetta fyrst og fremst um að fá sam- þykki og viðurkenningu fyrir sam- kynhneigða,“ segir Anna. „Síðan má segja að Samtökin 78 hafi breytt hlutverki sínu, og í kringum árið 2007 urðu þau samtök alls hin- segin fólks,“ segir hún. „Ekki bara samkynhneigðra heldur líka trans- fólks og allra annarra.“ Hvað með þá sem hafa fylgt í þín spor. Hefur fólk leitað til þín og fengið ráðleggingar í sinni bar- áttu? „Það var algengt áður fyrr já,“ segir Anna. „Í dag er þetta þannig að það er komin góð ráðgjöf innan Sam- takanna 78,“ segir hún. „Fólk þarf ekki svo mikið á mér að halda lengur.“ Þú ert nú samt frumkvöðull í þessu? „Já það má nú kannski segja það,“ segir hún. „Þetta er orðið mun algengara samt í dag. Bæði eru Samtökin 78 og félagið Trans-Ísland mjög virk með alla upplýsingaöflun og um- fjöllun í dag. Þetta er ekkert feimn- ismál,“ segir Anna. Þú ert þá ekki með einhver plön fyrir kvenréttindadaginn? „Ég er að vinna um kvöldið,“ segir Anna. „Stefnan hjá starfs- fólki Orkuveitunnar er þó að hitt- ast hjá gömlu þvottalaugunum á hádegi og labba saman niður í bæ,“ segir hún. „Sem er mjög þarfur hlutur því við gömlu þvottalaug- arnar hófst starfsemi Orkuveitu Reykjavíkur í kringum 1930. Þar söfnuðust þvottakonurnar saman og höfðu gert í gegnum aldirnar,“ segir Anna Kristjánsdóttir frum- kvöðull. Hannes Friðbjarnarson hannes@frettatiminn.is Kona í tuttugu ár Fyrir 20 árum kom Anna Kristjánsdóttir til Íslands eftir að hafa gengist undir kynskiptiaðgerð. Anna var fyrsti Íslendingurinn til þess að fara í slíka aðgerð og vakti hún töluverða athygli hér á landi, en mætti hún einnig miklum fordómum úr þjóðfélaginu. Í dag segir Anna þetta vera breytt, en fyrstu tíu árin voru erfið. Anna Kristjánsdóttir segir margt hafa breyst á síðustu 20 árum. Ljósmynd/Hari 22 viðtal Helgin 19.-21. júní 2015 Skeifunni 8 • 108 Reykjavík • Sími: 517 6460 • www.belladonna.is Verslunin Belladonna Stærðir 38-58 19. júní 2015 Við fögnum 100 ára afmæli kosningaréttar íslenskra kvenna Við bjóðum 19% afslátt í tilefni dagsins dagana 18. - 20. júní
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80
Blaðsíða 81
Blaðsíða 82
Blaðsíða 83
Blaðsíða 84
Blaðsíða 85
Blaðsíða 86
Blaðsíða 87
Blaðsíða 88
Blaðsíða 89
Blaðsíða 90
Blaðsíða 91
Blaðsíða 92
Blaðsíða 93

x

Fréttatíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttatíminn
https://timarit.is/publication/944

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.