Ægir - 01.09.2005, Page 31

31
T Æ K N I
geiranum, en margar stórar kjöt-
vinnslur eru að nota mikið af ker-
um. Þórir telur því engan vafa á
því að sóknartækifærin séu mörg
og víða.
Framleiðsla og vöruþróun 3X-
Stáls er staðsett á Ísafirði og þar
segir Þórir að mikið hafi verið að
gera á þessu ári. Íslenski markað-
urinn hafi tekið mjög vel við sér á
undanförnum misserum og kara-
lausnirnar séu komnar víða inn í
íslensk fiskvinnslufyrirtæki. „Við
erum líka farnir að selja þessar
lausnir á erlendum mörkuðum -
t.d. í Noregi, Þýskalandi og í
Bretlandi. Við gerum okkur grein
fyrir því að íslenski markaðurinn
er takmarkaður og því er mikil-
vægt að leggja mikla áherslu á
markaðsstarf með það í huga að
þungi sölunnar færist smám sam-
an á önnur markaðssvæði.“
3X-Stál er með dótturfyrirtæki
í Kanada og þar hefur ýmislegt
áhugavert verið á döfinni. Nýlega
var afhent ný og fullkomin
vinnslulína fyrir lifandi humar í
Kanada og einnig er unnið að
ýmsum öðrum spennandi verk-
efnum þar.
Þátttaka í sýningum
3X-Stál hefur tekið þátt í stórum
alþjóðlegum sýningum til þess að
kynna framleiðsluvörur sínar.
Skemmst er að minnast þess að
fyrirtækið var með bás á Íslensku
sjávarútvegssýningunni í byrjun
september og fyrr á árinu var 3X
með bás á annars vegar Boston
Seafood og hins vegar hinni ár-
legu sýningu í Brussel. „Hingað
til höfum við verið að kynna okk-
ur fyrst og fremst á sjávarútvegs-
sýningum, en ég reikna með að á
næsta ári munum við einnig
kynna okkur á stórum matvæla-
sýningum og undirstrika þannig
að okkar lausnir eru ekkert síður
fyrir kjötvinnslur. Ég reikna fast-
lega með að við tökum þátt á
Brusselsýningunni í vor, en
einnig erum við að skoða þátt-
töku í matvælasýningum í Evr-
ópu.
„Þátttaka í sýningum er ekki
sjálfgefin og almennt má segja að
menn velti vöngum yfir því varð-
andi hverja sýningu hvar líkur
séu á að menn fái sem mest fyrir
peninginn. Þó svo að sýningar séu
að mörgu leyti góðar til þess að
koma sér á framfæri og kynna
vörur, þá er það mín reynsla að
það sem ber hvað mestan árangur
er að hafa menn á ferðinni og
hitta viðskiptavininn augliti til
auglitis og reyna þannig að kynn-
ast hans þörfum. Persónuleg
tengsl við viðskiptavininn eru
mjög mikilvæg eru alltaf árang-
ursríkust þegar upp er staðið,“
segir Þórir.
Þrengir að í breskum
sjávarútvegi
„Það er alveg ljóst að sjávarútveg-
ur hér í Bretlandi á undir högg að
sækja. Hér eru útgerðir enn að
glíma við samdrátt í aflaheimild-
um í bolfiski og því treysta fisk-
markaðir í auknum mæli á fisk
annars staðar frá - t.d. frá Íslandi
og Færeyjum. Talsverða aukningu
má sjá á útflutningi á fiski frá Ís-
landi til Bretlands milli ára og er
ein skýring sú að hér er minna
veitt en áður en markaður fyrir
ferskan fisk er mikill hér.
Það hefur átt sér stað töluverð
samþjöppun í sjávarútvegi í Bret-
landi undanfarin ár. Fiskvinnslu-
stöðvum hefur verið lokað og þær
sameinaðar öðrum. Ljósið í
myrkrinu eru uppsjávarveiðarnar,
sem virðast ganga þokkalega. Í
helstu sjávarútvegsplássunum á
austurströnd Skotlands sér maður
stór og glæsileg uppsjávarveiði-
skip og útgerðir þessara skipa
virðast vera að gera það nokkuð
gott. Þessi skip veiða makríl, síld,
kolmunna og aðrar tegundir sem
okkar uppsjávarveiðiskip eru
einnig að veiða. Þetta eru
vinnsluskip í líkingu við okkar
stærstu fjölveiðiskip og einnig
eru nokkur þeirra útbúin með
kælilestar, sem landa reglulega
afla sínum yfir í tankbíla sem
flytja hann síðan til vinnslu í
Bretlandi og í sumum tilfellum
niður til landa á meginlandi Evr-
ópu,“ segir Þórir Matthíasson.
Þórir Matthíasson: „Við höfum fyrst og fremst verið að kynna þessar tæknilausnir fyrir fyrirtækjum sem nota mikið af kerum. Búnaðurinn frá 3X-Stáli er alls
ekki einskorðaður við fiskvinnslu og hann er heldur ekki einskorðaður við einöngruð ker, allskyns ker geta þar komið til greina.“
aegir9sept2005 7.11.2005 18:18 Page 31