Ægir - 01.09.2005, Blaðsíða 40
40
R Á Ð S T E F N A S Ó K N A R
ég að enn sé mikill eldur í því
máli. Hann gaus upp fyrir síðustu
kosningar og hann mun gjósa aft-
ur upp fyrir næstu kosningar ef
menn fara ekki að ráðast að rót
vandans og gera nauðsynlegar
breytingar á kerfinu.“
Færum peninga frá Fiskistofu
til Hafró!
Einar Oddur Kristjánsson:
„Við erum með fjölskipað stjórn-
vald á Íslandi og það er samið um
ein rammafjárlög. Hinir sjálf-
stæðu ráðherrar, sem lifa sínu lífi,
semja um hversu mikla peninga
þeir fá. Ef horft er á þá fjármuni
sem koma í hlut sjávarútvegs-
ráðuneytisins í því fjárlagafrum-
varpi sem lagt var fram í haust,
þá fullyrði ég að það hefur nóga
peninga. Jóhann Sigurjónsson
segist þurfa um 250 milljónir til
þess að hafa eðlilegt úthald á
rannsóknaskipin. Ég skal segja
honum hvar þeir peningar eru.
Þeir eru alveg við hliðina á hon-
um, á sömu blaðsíðunni í fjár-
lagafrumvarpinu!
Ég held að það sé mikil þörf á
því að hagsmunaaðilar í sjávarút-
vegi, hvort sem það eru Lands-
samband smábátaeigenda, LÍÚ
eða Samtök fiskvinnslustöðva, fari
nú að skoða hvernig er farið með
þessa peninga.
Við einkavæddum einu sinni
eftirlitið. Það dugaði skammt því
eftirlitið með eftirlitinu varð
stærra nokkrum árum seinna.
Með það sitjum við uppi í dag.
Skoðið þið Fiskistofu og alla þá
peninga sem þar eru. Ég held að
það sé mikil þörf á því að koma
peningum frá Fiskistofu yfir til
Hafrannsóknastofnunar. Það vant-
ar nefnilega ekki peningana, það
er bara spurningin hvað er gert
við þá. Ég er klár á því að það
myndi skila gríðarlegum árangri
ef Hafró hefði meiri peninga.
Í mínum huga hlýtur það að
skipta höfuðmáli gagnvart rann-
sóknum á þessum höfuðatvinnu-
vegi okkar Íslendinga til allrar
framtíðar, að vísindin séu í þeim
farvegi að frjáls skoðanaskipti séu
á milli óháðra vísindamanna. Það
hefur alla tíð verið hreyfiafl vís-
indanna.“
Þarf fleiri aðila til að stunda
rannsóknir
Örvar Már Marteinsson:
„Ég er mjög sammála varúðar-
sjónarmiðum varðandi loðnuveið-
ar. Það virkar þannig á mig sem
sjómann og leikmann í þessum
fræðum að það sé ansi handahófs-
kennt hversu mikið er veitt af
loðnunni. Það hefur oft verið
þannig að þegar loðnan er komin
að Reykjanesi og kvótinn er bú-
inn, er skyndilega bætt við hann.
Þetta virðist manni vera mjög
undarlegt. Kannski eru á þessu
fræðilegar skýringar, en þær
koma ekki fram í fréttunum.
Það er vissulega vaxandi krafa
um gæði rannsókna. Ég tel að
svar við þeirri kröfu sé samkeppni
á markaði upplýsinganna. Það er
nú þannig að þegar koma fréttir
um ofmat og uppfærslur aftur í
tímann, þá finnst manni það vera
eitthvað svipað og að hafa keypt
gallaða vöru úti í búð. En málið
er bara að á meðan það er aðeins
ein stofnun sem stjórnvöld kaupa
upplýsingarnar af, þá getur mað-
ur ekki skipt. En við verðum að
hlusta og taka mark á einhverju
og sjómenn verða að taka mark á
Hafró vegna þess að hún er eina
stofnunin sem stundar þessar
rannsóknir. Það hlýtur að skapa
aðhald að fá fleiri aðila til að
stunda rannsóknirnar.
Menn verða að hafa í huga að
við erum ennþá að veiða þorsk,
hann er ekki hruninn. Ég tel að
það megi m.a. þakka fiskveiði-
stjórnunarkerfinu. Ég sá að menn
hristu hausinn þegar talað var um
að kvótakerfið hefði ekki leitt
menn út í að veiða stærsta og
verðmætasta fiskinn. Auðvitað
hefur það gert það. Það á að gera
það. Það á að stuðla að því að
menn nái sem mestum verðmæt-
um út úr þessu. Við náum því
náttúrlega eingöngu með því að
halda áfram að veiða, ekki með
því að veiða allan fiskinn í dag
eða á morgun og hætta svo.“
Einar Oddur Kristjánsson, alþingismaður: Við
einkavæddum einu sinni eftirlitið. Það dugaði
skammt því eftirlitið með eftirlitinu varð stærra
nokkrum árum seinna. Með það sitjum við uppi í
dag. Skoðið þið Fiskistofu og alla þá peninga
sem þar eru.
Þorsteinn Gunnarsson, rektor HA, og Peter Weiss,
forstöðumaður Háskólaseturs Vestfjarða.
Pétur Bjarnason, framkvæmdastjóri Fiskifélags
Íslands, fylgist með umræðum.
aegir9sept2005 7.11.2005 18:18 Page 40