Ægir - 01.07.2007, Qupperneq 31

31
hefur verið að gefa eftir í
verðum vegna þess að efna-
hagslífið í Frakklandi er frek-
ar erfitt um þessar mundir.
Mér þykir því ljóst að við
munum ekki ná verðum fyrir
sjávarafurðir ofar en í dag.
Þar að auki er gengið að
stríða okkur. En það þýðir
ekkert annað en að lifa við
það eins og það er á hverjum
tíma.“
Jarðgöng milli byggðarlaga á
Mið-Austurlandi myndu breyta
miklu
Adolf segir í sínum huga eng-
an vafa á því að það yrði
mikil lyftistöng fyrir byggðirn-
ar á Mið-Austurlandi ef
ákveðið yrði að tengja þær
saman með jarðgöngum.
Ákveðið hefur verið að gera
ný Oddskarðsgöng sem
tengja saman Eskifjörð og
Norðfjörð og Adol telur mik-
ilvægt að halda áfram og bora
göng milli Norðfjarðar, Mjóa-
fjarðar og Seyðisfjarðar og
síðan verði gerð ein göng,
annað hvort úr Seyðisfirði
eða Mjóafirði upp á Hérað. „Í
mínum huga eru það mikil
mistök ef ekki verður hugað
að því í alvöru að tengja þessi
byggðarlög saman með jarð-
göngum, með öðrum orðum
að menn láti ekki staðar num-
ið við ný jarðgöng milli Eski-
fjarðar og Norðfjarðar. Aðalat-
riðið er að menn ákveði að
ráðast í þessa framkvæmd.
Það gildir í mínum huga einu
í hvaða röð yrði farið í þessar
framkvæmdir. Við sjáum
hvaða jákvæðu áhrif Fá-
skrúðsfjarðargöngin hafa haft
og það sama gildir um göng-
in um Almannaskarð. Það
sem skiptir máli er að þessar
byggðir verði eitt atvinnu-
svæði – Reyðarfjörður, Eski-
fjörður, Norðfjörður, Mjói-
fjörður, Seyðisfjörður og Eg-
ilsstaðir. Þetta myndi þýða að
unnt yrði að ná fram hag-
kvæmni á ýmsum sviðum,
t.d. í sjávarútvegi, og í mínum
huga myndi verslun og þjón-
usta styrkjast við slíka sam-
göngubót,“ segir Adolf, en
sem stendur eru verkfræðing-
ar að skoða þessa jarðganga-
gerð og erlendir sérfræðingar
koma einnig að málum. Nið-
urstöður þessarar vinnu ætti
að liggja fyrir innan fárra
mánaða. „Við skulum orða
það nákvæmlega eins og það
er að við erum í mikilli vörn
hér og það má lítið út af
bregða. Vegna niðurskurðar
þorskveiðiheimilda sýnist mér
þetta verða viðvarandi ástand
næstu tvö til fimm ár. Þó svo
að ríkissjóður standi sterkur
um þessar mundir, þá breytir
það ekki því að minni staðir
úti á landsbyggðinni, eins og
Seyðisfjörður, munu eiga afar
erfitt með að standa þennan
tekjusamdrátt af sér. Ég hef
spurt menn hvað við eigum
að gera í þessari stöðu og
svarið sem ég hef fengið er á
þá lund að ég eigi að leita til
Byggðastofnunar. Þá hef ég
svarað því á móti að ef ég
geti ekki staðið í skilum við
minn viðskiptabanka af
hverju ég eigi þá að fara til
Byggðastofnunar til þess að
leita eftir fyrirgreiðslu þar.“
S E Y Ð I S F J Ö R Ð U R
Þorskkvótaniðurskurðurinn kemur harkalega við Seyðisfjörð eins og margar aðrar sjávarbyggðir sem að stórum hluta byggja á
sjávarútvegi.
Löndun úr Gullveri, togara Gullbergs á Seyðisfirði.