Ægir - 01.02.2012, Blaðsíða 10

10
„Strandveiðikerfið skilar
miklu hér á svæðinu og það
kemur fram hjá okkur. Einn af
kostum kerfisins er að það
opnar leið fyrir ungt fólk að
koma undir sig fótunum í út-
gerð. Fyrir marga er ógerlegt
að fá fyrirgreiðslu til að kom-
ast af stað með kvótakaupum
og tilheyrandi fjárfestingu,“
segir Viðar P. Hafsteinsson,
framkvæmdastjóri Bátahallar-
innar á Hellissandi.
Bátahöllin hóf starfsemi ár-
ið 1998 og annast fyrst og
fremst breytingar á trefjaplast-
bátum. Auk þess hefur fyrir-
tækið framleitt nokkra báta
eftir eigin skrokkhönnun
undir tegundarheitinu Björn.
Viðar segir spurn eftir ný-
smíði hins vegar hafa verið
litla að undanförnu. En sínu
meiri eftir miklum breyting-
um á bátum. Þökk sé upp-
gangi í smábátaútgerð.
„Algengustu breytinga-
verkefni okkar í dag eru af
þeirri stærðargráðu að nánast
er um nýsmíði á bátunum að
ræða. Í þeim tilfellum eru
bátarnir lengdir, breikkaðir,
lestarrými aukið, dekkrými
og annað sem fylgir. Þessa
dagana erum við til að
mynda í breytingum á bát
sem segja má að sé 80-90%
nýsmíði,“ segir Viðar en auk
strandveiðikerfisins hafa góð-
ar grásleppuvertíðir skilað
fyrirtækinu verkefnum. Alls
fóru 12 bátar í gegnum
smiðju Bátahallarinnar í fyrra-
vetur.
Annast alla verkþætti
„Strandveiðikerfið skilar
óhemju vinnu í standbyggð-
irnar, sér í lagi ef horft er til
þess hversu lítil hlutdeild
kerfisins er í heildarveiðinni.
Fyrir utan þá beinu vinnu
sem skapast á bátunum þá er
það öll þjónusta sem þeir
kaupa á svæðunum og okkar
fyrirtæki er dæmi um það.
Bæði eru minni viðhaldsverk-
efni sem skapast meðan veið-
arnar standa yfir á sumrin en
fyrst og fremst skila verkefnin
sín til okkar á veturna. Yfir
sumarmánuðina eru hins veg-
ar aðal verkefni okkar í við-
haldi á stærri plastbátunum,“
segir Viðar.
Bátahöllin annast alla
þætti sem viðkoma breyting-
um á bátum, undirbúning,
teikningar, alla breytinga-
vinnslu, sjósetningu, stöðug-
leikaprófanir og annað sem
þarf til að bátur sé klár til
veiða á ný. „Útgerðirnar þurfa
því ekki annað en koma með
bátinn hér að bryggju, sækja
hann síðan að loknum breyt-
ingum og þá er allt tilbúið til
veiða. Hér höfum við stóra
og góða aðstöðu í húsi og
góð samvinna er við vél-
smiðju hér á staðnum, raf-
virkja með þekkingu á báta-
rafmagni og þannig má áfram
telja,“ segir Viðar.
Gunnþór ÞH 74 er dæmi um bát sem var breytt mjög verulega hjá fyrirtækinu.
B Á T A S M Í Ð I
„Strandveiðikerfið er
atvinnuskapandi“
segir Viðar P. Hafsteinsson, framkvæmdastjóri Bátahallarinnar á Hellissandi
Viðar Hafsteinsson, framkvæmdasjóri
Bátahallarinnar á Hellissandi.