Ægir - 01.08.2011, Blaðsíða 46

44
Ekran
Klettagarðar 19
104 Reykjavík
Sími 530 8500
www.ekran.is
Á síðustu árum hafa umsvif þjónustfyrir-
tækisins Ekrunnar ehf . aukist jafnt og
þétt og í dag er Ekran langstærst þeirra
fyrirtækja sem sérhæfa sig í að útvega
kost um borð í skip og báta . Auk
útgerða eru mötuneyti, veitingahús og
önnur framleiðslueldhús á meðal 1200
innlendra og erlendra viðskiptavina
fyrirtækisins, en stærsti viðskipta-
vinahópurinn er án efa útgerðirnar .
Heildarlausnir og
samkeppnisfært verð
„Það er vissulega stór þáttur í velgengni
Ekru að við getum boðið heildarlausnir
á samkeppnishæfu verði,“ segir Jón Ingi
Einarsson sölustjóri . Hann segir að
áreiðanleiki og skjót afgreiðsla séu hins
vegar ekki síður mikilvæg . Jón Ingi
bendir á að það er úrslitaatriði fyrir þá
sem sjá um matarinnkaup fyrir skipin að
geta treyst því að fá rétta afgreiðslu á
réttum tíma . „Ef togarinn er að fara í 30
daga úthald hefur kokkurinn áætlað
nokkurn veginn hvað hann ætlar að
hafa í matinn á hverjum tíma og pantar
samkvæmt því . Þar sem ekki er mikið
pláss um borð verður að panta ná-
kvæmlega það sem þarf, hvorki of mikið
né of lítið . Ef ég á ekki til einhverjar
vörur sem beðið er um þá er ekki hægt
að hlaupa út í sjoppu að kaupa það sem
á vantar eftir að komið er út á haf . Þess
vegna verða þeir að geta treyst því
100% að þeir hafi fengið afgreitt það
sem um var beðið .“ Jón Ingi segir að sé
varan ekki til hjá Ekrunni þá útvegi þeir
hana annars staðar . Ef hún er hins vegar
ófáanleg er útveguð sambærileg vara
en það er aðeins gert í samráði við
þann sem á pöntunina . „Við sendum
ekki aðra vöru en pöntuð hefur verið
nema með samþykki viðskiptavinarins .“
Pantað í gegnum tölvuna
Ekran er með birgðastöðvar bæði í
Reykjavík og á Akureyri . Að sögn Jóns
Inga er langalgengast að pantanir frá
skipunum berist þeim í tölvupósti en
einnig er nokkuð um að kokkarnir líti inn
hjá þeim þegar þeir eru komnir í land .
Eftir að pantanirnar hafa verið teknar
saman er gengið tryggilega frá vörunni
plastaðri á brettum og síðan tryggir
traust þjónusta flutningafyrirtækjanna að
kosturinn er klár um borð á réttum tíma í
hvaða höfn sem er .
Jón Ingi Einarsson, sölustjóri Ekrunnar, í vöruhúsi Ekrunnar í Sundahöfn í Reykjavík .
Höfuðstöðvar Ekrunnar við Klettagarða .
Áreiðanleiki og heildar-
lausnir á góðu verði skýra
velgengni Ekrunnar