Ægir - 01.08.2011, Blaðsíða 98

96
Árið 1994 ákváðu sex starfsmenn Slipp-
stöðvarinnar á Akureyri að bregðast við
atvinnumissi þar með því að stofna fyrir-
tækið Rafeyri í skipa- og bátarafmagni . Í
dag er starfsmannafjöldinn nær 50 og
fyrirtækið þróað í þjónustu sinni langt út
fyrir skipa- og bátarafmagnssviðið þó
svo að það hafi alltaf verið ein af
traustum verkefnastoðum þess . Segja
má að þekkingar- og þjónustusviðið
spanni allt frá skrifstofutækjaviðgerðum,
teikningum og hönnun, skipa- og
húsarafmagni yfir í háspennu fyrir stór-
iðjufyrirtæki .
Úr skipum yfir í stóriðjuna
„Í sjávarútveginum höfum við annast t .d .
rafmagnshlutann í bátaframleiðslu Seiglu
hér á Akureyri og einnig höfum við
komið að stórum breytingaverkefnum á
togurum í samvinnu við Slippinn Akur-
eyri og Kælismiðjuna Frost . Saman
höfum við fyrirtæki hér á Akureyri sem
mynda mjög sterka þjónustuheild gagn-
vart sjávarútveginum og við viljum vera
hlekkur í þeirri keðju,“ segir Kristinn
Hreinsson, framkvæmdastjóri Rafeyrar,
en eitt stærsta verkefni fyrirtækisins
síðustu árin hefur verið við aflþynnuverk-
smiðju Becromal í Krossanesi . Kristinn
segir enga launung að stækkun verk-
smiðjunnar og virkjunarframkvæmdir á
komandi árum skipti fyrirtæki hans miklu
máli .
Með vörumerki frá þekktum
framleiðendum
Starfsmenn Rafeyrar búa yfir sérþekk-
ingu varðandi skipa- og bátarafmagn og
fyrirtækið er umboðsaðili fyrir þekkt
merki í rafmagnsbúnaði fyrir skip og
báta . Annars vegar er um að ræða
búnað frá Lyngsø Marine og hins vegar
raflagnaefni frá bandaríska fyrirtækinu
Blue Sea .
„Þegar kemur að báta- og
skiparafmagni höfum við mikla reynslu
og hana ætlum við að kynna á Íslensku
sjávarútvegssýningunni . Þá kynnum við
einnig svokallaða Krummakló en það er
íslenskur búnaður, hannaður til að
auðvelda samsetningu á færiböndum .
Jafnframt munum við kynna þær vörur
sem við flytjum inn og tengjast
sjávarúvegi . Með okkur á bás verður
einnig íslenska fyrirtækið Tero sem
kynnir Viðhaldsstjórann fyrir skip og hins
vegar danskt samstarfsfyrirtæki okkar
sem heitir Lyngsø Marine sem hefur að
bjóða eftirlitskerfi . Það verður því margt
að sjá hjá okkur,“ segir Kristinn .
Rafeyri
Norðurtanga 5
600 Akureyri
Sími 461 1221
www.rafeyri.is
Sérfræðingar í
bátarafmagni