Tímarit Máls og menningar - 01.03.1981, Qupperneq 43

Laila Stien
Laila Stien er fædd 1946 í Norður-Noregi og ólst upp í Mo í Rana þar sem faðir hennar
var járniðnaðarmaður og móðir hennar húsmóðir. 1 háskóla var hún í 5 ár og lagði stund
á þjóðháttafræði, tungumál Sama og mannfræði. Eftir að hafa unnið á þjóðminjasafninu
í Tromsö nokkur ár fluttist hún til Masi, sem er Samaþorp á Nuortabealli-svæðinu, býr
þar með Sama og á með honum tvö börn.
Fyrstu smásögur Lailu Sden birtust á prenti 1975, og síðan hafa birst eftir hana sögur
og ljóð i ýmsum bókmenntatímaritum. Fyrsta bók hennar, smásagnasafnið Nyveien,
kom út 1979 og hlýtur að teljast mjög glæsileg frumsmíð.
Um þessa sögu segir höf. í bréfi til Tímaritsins:
„Eg var viðstödd í Stórþinginu í nóvember 1978 þegar þjóðkjörnir fulltrúar okkar
ákváðu i annað sinn virkjun á Alta/Kautokeino-vatnasvæðinu. Það var skelfdeg reynsla.
Þrátt fyrir öll þau mikilvægu rök sem fram komu frá félagasamtökum Sama, vísinda-
mönnum, stjórnmálamönnum héðan o. fl. var þessi grófa íhlutun samþykkt.
Eg fann til þess hvað erfitt er að ná til fólks með skynsamlegri rökfærslu. Það verður
að reyna aðrar leiðir, flétta röksemdirnar inn í framsetningu sem getur náð til skynsemi
og dlfmningar samtímis. Það stendur ekkert nýtt í þessari sögu. Þar stendur það eitt sem
hreindýrahirðar hafa sjálfir reynt að benda yfirvöldunum á ár eftir ár. Það er bara sagt á
svolídð öðru máli.“
Ljósm. Pcr Lars Tonstad.
29