Morgunblaðið - 27.12.2014, Blaðsíða 11
Píslarvottar Víða mátti sjá á veggjum verk til að minnast þeirra píslarvotta sem látið hafa lífið fyrir föðurlandið.
og allt „barbikjúið“ farið af stað
þannig að það er dálítið spes lykt
sem kemur með kvöldinu,“ segir
hún. Íbúar Sarajevó eru um 300.000
talsins. „Maður finnur voðalega mik-
ið fyrir stríðinu ennþá. Íslendingar
gera allt út á náttúruna í ferða-
mennskunni en þarna er stríðið not-
að og það er dálítið sérstakt.“ Hún
segist hafa fundið að unga fólkið
væri komið með nóg af stríðsferða-
mennskunni. „Unga fólkinu finnst
það ekkert hafa með stríðið að gera.
Ég segi þetta út frá sjónarhorni þess
sem hefur bara verið þarna í þrjá
daga,“ segir Yrsa. Fólkið segir hún
að sé afar vingjarnlegt og á því megi
greina vissa þrautseigju. Það kom
Yrsu á óvart hve víða voru alls kyns
sölubásar. „Á hverju götuhorni var
fólk að selja nánast hvað sem var,
eins og maðurinn með blöðrurnar
sem ég tók mynd af.“ Áhugavert er
að í þessari borg þar sem eitt sinn
var hörmulegt stríð virðist fólk nú
geta búið í sátt og samlyndi. „Þarna
búa gyðingar, kaþólikkar, ortódoxar
og múslimar. Öll búa þau saman í
borg og virðast gera það í sátt, sam-
lyndi og friði,“ segir Yrsa.
Saklausa gamla filmuvélin
Næsti áfangastaður á eftir Sa-
rajevó var Teheran og um leið og
Yrsa steig út úr flugvélinni setti hún
upp slæðuna, eins og lög gera ráð
fyrir. „Í Teheran er lítil ánægja með
að maður taki myndir og fullt af
hlutum sem bannað er að taka
myndir af. Geri maður það er von á
að einhver hermaður komi og það
getur verið rosalegt vesen,“ segir
Yrsa sem lenti þó ekki í nokkrum
vandræðum þrátt fyrir fjölda óskrif-
aðra reglna sem ómögulegt er að
læra á fáeinum dögum. „Lífið úti á
götu er náttúrlega allt öðruvísi en líf-
ið fyrir innan luktar dyr. Þar eru
konurnar ekki með slæður og fötin
eru önnur hjá millistéttinni en yf-
irstéttinni.“
Alþjóðlega heimildamyndahá-
tíðin í Teheran, Cinema Vérité, var
haldin í áttunda skipti og er að sögn
Yrsu ákaflega mikilvæg fyrir heima-
menn. Hátíðin er ríkisstyrkt og hald-
in með leyfi yfirvalda. Hún væri ekki
haldin ef ekki væri fyrir það fé og
því mikilvægt að hún fari vel fram til
að unnt sé að halda hana í framtíð-
inni. „Það er líka verið að sýna
myndir sem eru á mörkunum, til
dæmis sumar pólitískar myndir.
Þetta er einstakt tækifæri fyrir
marga til að hitta aðra kvikmynda-
gerðarmenn og þannig skiptir hátíð-
in miklu máli fyrir fólk sem býr
þarna.“ Þegar Yrsa fór út til að taka
myndir var iðulega einhver sendur
með henni til að gæta þess að allt
færi vel fram. „Honum leiddist alveg
hræðilega á meðan ég var að mynda
einhverja ketti úti á götu. Svo var ég
að taka mynd af einhverju mót-
orhjóli og fyrir aftan það var einhver
bygging sem mátti mynda þannig að
þar kom maður út og vildi sjá mynd-
ina en þegar maður tekur á filmu er
náttúrlega svolítið erfitt að sýna
myndina,“ segir Yrsa sem slapp í
þetta skiptið. „Svo er það líka þann-
ig að ef maður er með gamla filmu-
vél þá er hún álitin saklaus. Þeir eru
fyrst og fremst hræddir við frétta-
menn og þessar stóru aðdrátt-
arlinsur,“ segir kvikmyndagerð-
arkonan Yrsa Roca Fannberg um
þetta áhugaverða ferðalag þar sem
hún festi ýmislegt óvenjulegt á
filmu. Fleiri ljósmyndir er að finna á
síðu Yrsu, www.yrsarocafannberg-
.info.
Fuglar Víða í Teheran sá Yrsa vegglistaverk og hafa mörg þeirra prýtt
veggina í fjölda ára og sum þeirra meira að segja staðið af sér stríð.
Teheran Ekki mátti mynda hvað sem var í Teheran og oft er betra að færa
mótífið, sé það hægt, til að breyta bakgrunni. Það er lítið mál sé það á hjólum.
DAGLEGT LÍF 11
MORGUNBLAÐIÐ LAUGARDAGUR 27. DESEMBER 2014
Til 15. janúar geta nemendur við HÍ
sótt um styrk úr Watanabe-
styrktarsjóðnum við Háskóla Íslands.
Um er að ræða styrki til náms-
dvalar fyrir nemendur í HÍ á Íslandi
eða í Japan og ferða- og dvalarstyrki
til nýdoktora, kennara og fræði-
manna. Styrkirnir standa bæði nem-
endum í grunn- og framhaldsnámi til
boða, auk þess sem sjóðnum er ætl-
að að stuðla að kennaraskiptum.
Þetta er í fimmta sinn sem veitt er úr
sjóðnum. Nánari upplýsingar er að
finna á vefnum www.sjodir.hi.is.
Watanabe-styrktarsjóðurinn
Morgunblaðið/Kristinn
Nám Nú er lag að sækja um styrk.
Styrkir til
náms í Japan
Frekari upplýsingar:
Sími 585-9300 | aldis@naustavor.is
www.naustavor.is
Jökulgrunn
Njótum lífsins á efri árum
LEIGUÍBÚÐIR FYRIR 60+
VIÐ HRAFNISTU Í REYKJAVÍK
Naustavör er starfrækt af Sjómannadagsráði
• Góð staðsetning
• Nálægð við Hrafnistu
• Þjónustusími 24/7
• Fjölbreytt afþreying
- DAS klúbbur
• Aðgengi að mat og kaffi
alla daga vikunnar
• Hárgreiðsla og fótsnyrting
• Púttvöllur
Nýuppgerðar 50 fm smáíbúðir
við Jökulgrunn í Reykjavík
Hentar vel fyrir einstaklinga
öryggi | afþreying | þjónusta
Nýr kostur
fyrir eldri
borgara