Morgunblaðið - 27.12.2014, Blaðsíða 16

VIÐTAL
Björn Jóhann Björnsson
bjb@mbl.is
Flugeldasala björgunarsveitanna
hefst á morgun, sunnudag, og stendur
til klukkan fjögur síðdegis á gamlárs-
dag. Salan er langstærsta tekjulind
sveitanna, með um 90% hlutdeild, og
ekki veitir af að fá eitthvað í kassann
eftir þann fjölda útkalla sem hefur
verið í óveðrinu í desember. Ljóst er
að landsmenn munu skjóta upp rak-
ettum fyrir hundruð milljóna króna.
Jón Ingi Sigvaldason, markaðs- og
sölustjóri Landsbjargar, heldur utan
um flugeldasöluna, tíunda árið í röð.
Hann hefur síðustu vikur verið á ferð-
inni um landið og aðstoðað björgunar-
sveitir við að undirbúa söluna, kynna
helstu nýjungar og fara yfir öryggis-
málin.
Gleymdum okkur fyrir hrun
„Við erum alltaf með einhverjar
nýjungar, aðallega í kökunum. Kaka
ársins er flottari en áður. Hún er í
minna formi og er 100 skota. Á kök-
unni er skopmynd eftir Halldór Bald-
ursson teiknara. Við höfum verið að
breyta línunni töluvert hjá okkur,
haft úrvalið þéttara og fleiri minni
flugeldapakka. En að sjálfsögðu erum
við líka með það allra stærsta á mark-
aðnum og því með eitthvað fyrir alla,“
segir Jón Ingi en viðurkennir að fyrir
hrun hafi flugeldarnir orðið stærri og
stærri.
„Við gleymdum okkur öll í gleðinni
en núna er þetta smærra í sniðum og
úrvalið meira,“ segir Jón Ingi.
Nýjar reglur hafa tekið gildi þar
sem allir flugeldar þurfa að hafa
evópska CE-vottun samkvæmt viður-
kenndum stöðlum. Hafa flugeldarnir
þá verið prófaðir og teknir út, til að
koma í veg fyrir að gölluð sending
berist hingað frá Kína, en þaðan eru
áramótasprengjurnar að langmestu
leyti keyptar.
Jón Ingi segir fríverslunarsamn-
inginn við Kína gera það að verkum
að verð á flugeldum mun haldast
óbreytt frá í fyrra, þrátt fyrir hækk-
andi flutningskostnað og hækkandi
verð í Kína vegna verðbólgu þar í
landi. „Fáir vilja flytja flugelda til
Evrópu og við höfum bara eina höfn
til að fara í gegnum með þetta. Magn-
ið er svipað og hefur verið síðustu
fimm árin.“
Að sögn Jóns Inga leggur Lands-
björg enn meiri áherslu á öryggisat-
riði í meðhöndlun á flugeldunum. Í því
skyni hafa verið unnin sérstök mynd-
bönd sem verða birt á YouTube, sjón-
varpsstöðvum og í kvikmyndahúsum.
„Eins og flugeldar eru skemmtilegir
þá geta þeir verið mjög hættulegir og
við viljum að allir njóti áramótanna í
gleði en ekki sorg,“ segir hann en
Landsbjörg mun einnig dreifa, í sam-
starfi við Póstinn, Blindrafélagið og
Odda, um 15 þúsund gjafabréfum til
ungmenna fyrir hlífðargleraugum.
Þrjár milljónir gleraugna
„Frá því að við byrjuðum á þessu
fyrir nokkrum árum höfum við gefið
um þrjár milljónir gleraugna þannig
að þau ættu að vera til staðar inni á
nær öllum heimilum í landinu,“ segir
Jón Ingi en björgunarsveitirnar bjóða
jafnframt sérstakan poka til að
geyma gleraugun á góðum stað á milli
hátíða. Mikilvægt sé að allir noti gler-
augun þegar skotið er upp, jafnt full-
orðnir sem börn.
Óbreytt verð með fríverslun
 Flugeldasala björgunarsveitanna hefst á morgun  Langstærsta tekjulindin
 Fríverslun við Kína hefur áhrif  Skotið upp fyrir hundruð milljóna króna
Flugeldasalan
» Björgunarsveitirnar hefja
flugeldasöluna á morgun,
sunnudag, og stendur hún
fram á gamlársdag.
» Sölustaðir á öllu landinu eru
um 120 talsins, þar af um 40 á
höfuðborgarsvæðinu.
» Upplýsingar um sölustaði
má finna á vefnum www.lands-
bjorg.is/flugeldar.
Morgunblaðið/Kristinn
Áramót Ljósadýrðin á himni verður mikil þegar landsmenn skjóta upp flugeldunum á gamlárskvöld og nýársnótt. Allt stefnir í rauð áramót að þessu sinni.
Morgunblaðið/Þórður
Flugeldar Jón Ingi Sigvaldason, markaðs- og sölustjóri Landsbjargar, stýr-
ir flugeldasölu björgunarsveitanna. Hér er hann með flugeldaköku ársins.
16 FRÉTTIRInnlent
MORGUNBLAÐIÐ LAUGARDAGUR 27. DESEMBER 2014
REDKENONLY SALON
SALON VEH
HÁRSNYRTING: RÁÐGJÖF, KLIPPING OG MÓTUN, HÁRLITUN, HÁRÞVOTTUR MEÐ NUDDI EÐA DJÚPNÆRINGU
VÖRUR Í VERSLUN: ALLT Í HÁRIÐ, HÁRLENGINGAR OG -KOLLUR, GREIÐUR, BURSTAR, BLÁSARAR
HÚSI VERSLUNARINNAR, KRINGLUNNI
S. 568 7305 • SALONVEH.IS
TÍMAPANTANIR HJÁ SALON VEH Í SÍMA 568-7305
Gleðileg jól og farsælt komandi ár. Þökkum viðskiptin á árinu.
VERTU VINUR OKKAR Á - PANTAÐU TÍMA Á
Simbi Hildur Róbert Alda Sigurveig Bjarki StefánSalóme
Sigmundur Dav-
íð Gunnlaugsson,
forsætisráð-
herra, var
sæmdur stór-
krossi hinnar ís-
lensku fálkaorðu
13. desember og
Einar K. Guð-
finnsson, forseti
Alþingis, stór-
riddarakrossi
fálkaorðunnar
12. desember.
Hefð er fyrir því
að handhöfum
forsetavalds sé
veitt fálkaorðan.
Vegna umfjöll-
unar um orðu-
veitinguna hefur
skrifstofa for-
seta Íslands sent
frá sér tilkynn-
ingu þar sem bent er á að venju
samkvæmt fari orðuveitingar fram
á þjóðhátíðardaginn og 1. janúar
og fjölmiðlum sé gert viðvart. Á
þessu séu þó undantekningar og
gildi þær um orðuveitingar til
sendiherra erlendra ríkja, hand-
hafa forsetavalds, ræðismanns Ís-
lands á erlendri grund, vísinda-
manna og fræðimanna sem helgað
hafa krafta sína íslenskum við-
fangsefnum o.fl., og hefur ekki
verið tilkynnt sérstaklega um þær
orðuveitingar en þær skráðar jafn-
harðan á lista yfir orðuhafa.
Fylgja
hefð í orðu-
veitingum
 Handhafar for-
setavalds fá orðu
Sigmundur Davíð
Gunnlaugsson
Einar K.
Guðfinnsson
Annríki var í
sjúkraflutningum
á höfuð-
borgarsvæðinu
yfir jólin en engir
alvarlegir brunar
höfðu átt sér stað
er blaðið fór í
prentun.
„Það er mitt
mat að tilfellum
vegna hjarta- og
lungnasjúkdóma fjölgi yfir hátíð-
isdaga. Einnig eiga sér stað þó
nokkrir flutningar sjúklinga af
deildum, heim í mat á aðfanga-
dagskvöld og síðan til baka aftur.
Snemma aðfangadags fór að bera á
útköllum vegna beinbrota í hálk-
unni,“ sagði Sigurbjörn Guðmunds-
son, varðstjóri hjá slökkviliðinu, og
bætti við að sjúkraflutningar eru
u.þ.b. tvöfalt fleiri á hverri vakt yfir
jólahátíðirnar.
Tvöfalt meiri
flutningar
Sjúkraflutningum
fjölgar um jólin.