Morgunblaðið - 27.12.2014, Blaðsíða 44

LAUGARDAGUR 27. DESEMBER 361. DAGUR ÁRSINS 2014
 Hljómsveitirnar Rökkurró, Oyama
og Tófa halda tónleika á Kex Hostel í
dag en bæði Rökkurró og Oyama gáfu
út breiðskífur á árinu og því hlaðnar
nýju efni. Rökkurró hefur ekki verið
iðin við spilamennsku undanfarið og
hefur ekki spilað á tónleikum síðan á
Iceland Airwaves. Því er tilvalið að sjá
hljómsveitina spila áður en hún held-
ur í tónleikaferð um Evrópu í byrjun
næsta árs. Oyama sendi frá sér í
haust sína fyrstu breiðskífu í fullri
lengd og heitir hún Coolboy og Tófa
er ný hljómsveit að stíga sín fyrstu
skref.
Morgunblaðið/Eggert
Rökkurró, Oyama og
Tófa spila á Kex
 Hildur Guðnadóttir og Olivier Ma-
noury spila um helgina á Mengi en
Hildur hefur samið verk fyrir margs
konar hljóðfærasamsetningar og
raddir ásamt því að semja hreina raf-
tónlist. Hún hefur samið tónlist við
leikrit, dansverk og kvikmyndir. Sin-
fóníuhljómsveit Íslands, Þjóðleik-
húsið, breska listasafnið Tate Mod-
ern, Breska kvikmyndasamsteypan,
Metropolitan-safnið í New York og
Þjóðleikhús Gautaborgar eru á meðal
þeirra stofnana sem hafa
ráðið Hildi sem tónskáld.
Olivier Manoury er þekkt-
ur bandóneonleikari í
Frakklandi en hann hefur
samið tónlist fyrir kvik-
myndir, leikhús og dans-
sýningar og spilað inn á
fjölda geisladiska og leik-
ur reglulega á tón-
leikum og á tónlist-
arhátíðum í Evrópu,
Japan og Suður-Ameríku.
Einstakt tækifæri
í Mengi um helgina
„Nú fórum við inn í tímabilið með öðru-
vísi hugarfar. Við erum með nýjan þjálf-
ara og ákváðum bara að sjá hvað við
gætum áður en við hugsuðum lengra.
Væntingarnar voru minni og þá gekk
þetta betur. Við pössuðum okkur á því
að setja okkur ekki háleit markmið,“
segir Davíð Svansson, markvörður Aft-
ureldingar, um gott gengi nýliðanna í
Olís-deild karla í handbolta. »4
Afturelding með
öðruvísi hugarfar
Gullmoli frá Gylfa Þór
Sigurðssyni réð úrslitum í
leik Swansea og Aston
Villa í ensku úrvalsdeild-
inni í knattspyrnu í gær.
Swansea hrósaði sigri og
skoraði Gylfi sigurmarkið
með glæsilegu skoti beint
úr aukaspyrnu á 13. mín-
útu leiksins. Þetta var
þriðja mark Gylfa í deild-
inni á tímabilinu. » 1
Gullmoli frá Gylfa
réð úrslitum
KR finnur alltaf vinningsleiðina. Hve
lengi heldur Tindastóll fluginu?
Haukar halda áfram að vinna reglu-
lega. Stjarnan getur hæglega
blómstrað í vor. Njarðvík þarf beittari
sóknarleik. Keflavíkurliðið er
drekkhlaðið af reynslu.
Seinni grein Kristins Friðriks-
sonar um stöðu mála í Dominos-
deild karla í körfubolta og fimm
manna úrvalslið
deildarinnar
valið. » 2-3
Fimm bestu leikmenn-
irnir og sex bestu liðin
Björn Jóhann Björnsson
bjb@mbl.is
„Þetta er búið að vera mjög
skemmtilegt í vetur. Ég vissi að kór-
inn væri góður en þetta eru flottir
söngmenn með góðar raddir og vel
þjálfaðir. Þetta er nánast eins og að
ýta á takka og allt fer í gang, ég vissi
að ég tæki við góðu búi,“ segir Sveinn
Arnar Sæmundsson, organisti Akra-
neskirkju, sem í vetur stýrir Karla-
kórnum Heimi í Skagafirði í stað
Stefáns R. Gíslasonar, sem er í leyfi
frá störfum.
Sveinn Arnar stýrir kórnum fyrst
opinberlega á árlegri þrettándagleði
Heimis í Menningarhúsinu Miðgarði
laugardaginn 3. janúar nk.
Gistir á Hótel mömmu
Sveinn Arnar býr og starfar á
Akranesi og ekur norður einu sinni í
viku til að stjórna mánudagsæfing-
unni. Thomas R. Higgerson undir-
leikari sér um raddæfingarnar á
fimmtudögum.
„Ég vil helst geta verið á báðum
æfingunum en þetta er í góðum
höndum hjá Higgerson og þeim
Heimismönnum,“ segir Sveinn Arn-
ar en ráðgert er að hann stjórni
kórnum fram yfir árlega Sæluviku-
tónleika í vor. Hann stjórnar jafn-
framt kór Akraneskirkju og fleiri
sönghópum og annríkið því mikið.
„Þetta hefur gengið ágætlega til
þessa. Mánudagur kallast frídagar
hjá organistum þannig að ég hef get-
að nýtt hann í ferð norður. Álagið
hefur verið mikið í desember en það
getur verið gott að nota ferðina til
að hugsa og skipuleggja. Þetta
er ekki svo löng keyrsla þegar
færið er í lagi. Ég hef yfirleitt
gist fyrir norðan eftir æfingar
og gott að geta hallað sér á
„Hótel mömmu“ eða í bústaðn-
um mínum,“ segir Sveinn
Arnar en hann er fædd-
ur og uppalinn á
bænum Syðstu-Grund í Blönduhlíð.
Segja má að hann standi núna í
sömu sporum og sömu stöðu fyrir
framan kórinn og afi hans gerði, Gísli
Magnússon frá Eyhildarholti, sem
var fyrsti stjórnandi Karlakórsins
Heimis við stofnun í lok desember
árið 1927, eða fyrir 87 árum.
„Ég hugsa að það hafi nú verið erf-
iðara fyrir afa að komast á æfingar í
Varmahlíð en fyrir mig, þó að aðeins
nokkrir kílómetrar séu í Eyhildar-
holt. Hann þurfti að sundríða eða
svamla yfir Héraðsvötn til að fara á
æfingar og ganga í vetrarveðrum en
ég mæti alltaf skraufþurr,“ segir
Sveinn Arnar en níu móðurbræður
hans, synir Gísla, sungu einnig í
kórnum. Formaður Heimis í dag,
Gísli Árnason frá Eyhildarholti, er
einnig barnabarn Gísla Magnússonar
og annar söngmaður til, Kolbeinn
Konráðsson. Tvíburabróðir Kol-
beins, Þorleifur, kallaður Leifi, er í
leyfi frá söngstörfum! Þannig að
skyldleiki kórmanna er mikill þvers
og kruss.
Mætir skraufþurr á æfingar
 Fetar í fótspor
afa síns sem
stjórnandi Heimis
Ljósmynd/Hjalti Árnason
Stjórnandi Sveinn Arnar Sæmundsson á æfingu með Karlakórnum Heimi. Í sömu fótsporum stóð afi hans, Gísli
Magnússon frá Eyhildarholti, fyrsti stjórnandi kórsins sem stofnaður var árið 1927, eða fyrir 87 árum.
Á þrettándagleði Heimis í Miðgarði
3. janúar nk. verða einsöngvarar
þeir Þór Breiðfjörð og Ari Jóhann
Sigurðsson, sem er Heimismaður
og aðdáendum kórsins að góðu
kunnur. Þór hefur víða getið sér
gott orð fyrir söng sinn. Hann sló
t.d. í gegn í Vesalingunum í upp-
færslu Þjóðleikhússins 2012 og
fékk Grímu-verðlaunin það ár sem
söngvari ársins í klassískri tónlist.
„Þetta verður fjölbreytt dagskrá
hjá okkur, hefðbundin karla-
kórslög fyrir hlé og þegar
ræðumaður kvöldsins hef-
ur skemmt okkur þá tekur
léttklassíkin við. Við munum
taka allt frá Finlandia eftir
Sibelius upp í Elvis Presley,
eða niður, allt eftir því
hvernig menn horfa á þetta,“ segir
Sveinn Arnar, en ræðumaður
kvöldsins verður Agnar Gunn-
arsson á Miklabæ í Blönduhlíð,
oddviti Akrahrepps og annálaður
húmoristi.
Sem fyrr leikur Thomas R. Higg-
erson á píanó en hann hefur verið
undirleikari kórsins frá árinu 1991.
Einnig mæta í Miðgarð þeir Jón
Þorsteinn Reynisson á harm-
onikku og Pétur Ingólfsson á
kontrabassa. Pétur er Þingeyingur
en Jón Þorsteinn er skagfirskur í
húð og hár, stundar núna nám í
Kaupmannahöfn.
Að söngveislu lokinni verður
slegið upp dansleik í Miðgarði við
undirleik Hilmars Sverrissonar
tónlistarmanns.
Frá Sibelius til Elvis Presley
HEIMIR MEÐ ÁRLEGA ÞRETTÁNDAGLEÐI Í MIÐGARÐI
Þór Breiðfjörð
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
5 6 9 0 9 0 0 0 0 0 9 0 0
Í LAUSASÖLU 745 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
VEÐUR » 8 www.mbl.is
»MEST LESIÐ Á mbl.is
1. Sá kærustuna aldrei aftur
2. Keyrt yfir grafir í Gufunesi
3. Unnusta Karls í stífri þjálfun
4. Hélt hún væri í Amazing Race
FÓLK Í FRÉTTUM
VEÐURÍÞRÓTTIR
SPÁ KL. 12.00 Í DAG Norðan og norðaustan 2-8 m/s. Léttskýjað sunnan- og vestan-
lands, en styttir að mestu upp nyrðra og eystra. Frost 1-10 stig, kaldast í innsveitum.
Á sunnudag Sunnan og suðvestan 8-15 m/s og bjart með köflum austantil, en þykknar
upp á Vesturlandi. Hlýnandi veður, hiti 0 til 6 stig síðdegis, en um frostmark norðaustan-
og austanlands. Á mánudag Sunnan 13-20 m/s og rigning, en úrkomulítið norðaustantil.
Hlýnandi veður, hiti 3 til 10 stig síðdegis.