Ský - 01.04.2007, Síða 26

26 sk‡
Heimsóknir heimsleiðtoga
Lyndon B. Johnson var varaforseti Bandaríkjanna
er hann kom hingað til lands í opinbera heimsókn
snemma hausts 1963. Veðrabrigði verða hins
vegar oft snögglega og skömmu eftir Íslandsferðina
varð Johnson forseti, þegar John F. Kennedy var
skotinn í Dallas í Texas.
Fáum vikum eftir Íslandsheimsókn Johnsons
voru ungir menn úr Félagi um vestræna samvinnu
á ferð vestanhafs, heimsóttu Hvíta húsið og rák-
ust þar á varaforsetann sem flutti yfir þeim tölu.
„Johnson virtist hins vegar varla hafa haft hug-
mynd um hvaða hóp hann var að ávarpa. Hann
sagði nokkur orð í hasti og gátu sumir ekki skilið
hann öðruvísi en svo að hann héldi að við værum
kaupsýslumenn frá Texas,“ segir Steingrímur
Hermannsson í ævisögu sinni.
Í forsetakosningunum 1964 gersigraði Johnson
Barry Goldwater, fulltrúa repúblikana. Johnson
var forseti Bandaríkjanna fram til 1969. Ákvað
árið áður að gefa ekki kost á sér til endurkjörs
því vegna óvinsælda Víetnamstríðsins hafði hann
safnað glóðum elds að höfði sér. Johnson, sem
varla verður minnst sem tímamótaforseta í sögu
Bandaríkjanna, lést 1973. Hann náði þó fram
ýmsum umbótum á almannatryggingakerfinu í
Bandaríkjunum og skildi í raun mun meira eftir
sig en forveri hans Kennedy sem er í minningunni
sveipaður helgiljóma.
Lyndon B. Johnson – 1963
Dagar með Johnson
Lyndon B. Johnson litinn áðdáunaraugum utan við Hótel Sögu árið 1963.